Mo dinakong tseno tse di thata, ga re kgone go laola se se re diragalelang. Le fa go ntse jalo, boitumelo jwa rona ga bo a ikaega ka dilo tse di re diragalelang mme bo ikaegile ka tsela e re lebang dilo ka yone. Le fa batho ba lebana le mathata Baebele e a re, “batho ba ba itumetseng ba itumelela botshelo ka metlha.” (Diane 15:15, Good News Translation) Re ka dira eng gore re itumele le go feta? Bona gore kgakololo ya Baebele e ka go thusa jang.

 Baebele e a re: “Go tlhobaela go dira gore motho a tshwenyege thata mo maikutlong, mme lefoko le le molemo le dira gore a itumele.”​—Diane 12:25.

•   Baebele e ka go thusa go lebana le go tlhobaela. Go ithuta mo go oketsegileng bala setlhogo se se reng, “Se Baebele e se Rutang ka go Tlhobaela.”

 Baebele e a re: “Tsala ya boammaaruri e lorato ka dinako tsotlhe e bile ke morwarramotho yo o ka ikaegang ka ene ka dinako tsa matshwenyego.”—Diane 17:17.

•   Baebele e na le kgakololo e e ka re thusang go lwantsha go jewa ke bodutu ka go tiisa botsala jwa rona le ba bangwe. Bala setlhogo se se reng, “Dira Ditsala Gore O se Ka wa Jewa ke Bodutu​—Kafa Baebele e ka Thusang ka Gone.”

 Baebele e a re: “O tshwanetse go rata Jehofa, Modimo wa gago, ka pelo yotlhe ya gago le ka moya otlhe wa gago le ka mogopolo otlhe wa gago. . . . O tshwanetse go rata moagelani wa gago jaaka o ithata.” a​—Mathaio 22:37-39.

•   Thapelo e ka re thusa go rata Modimo le go feta. Go ithuta mo go oketsegileng bala setlhogo se se reng, “A Modimo o Utlwa Dithapelo Tsa Rona?”

•   Re bontsha ba bangwe lorato ka go ba tshwara ka tsela e Jesu a neng a re re ba tshware ka yone. Go ithuta mo go oketsegileng bala setlhogo se se reng, “What Is the Golden Rule?”

 Gongwe o ka rata go ithuta mo go oketsegileng gore Baebele e ka go thusa jang go itumela mo dinakong tseno tse di thata. Go dira jalo, re go laletsa gore o ithute le rona Baebele mahala.