A LO TLHAMILWE?
Lobone Lwa Sebonesanawa sa Photuris
LOBONE, kgotsa karolo ya mmele e e bonesang ya sebonesanawa sengwe sa Photuris, lo apesitswe ka makwapa a a oketsang fela thata go phatsima ga lesedi le le tlhagisiwang ke tshenekegi eno. *
Makwapa a a tlhatlaganeng
Ela tlhoko: Babatlisisi ba lemogile gore makwapa a mannye a a apesitseng lobone lwa dibonesanawa dingwe a makgawekgawe jaaka disenke kgotsa dithaele tse di tlhatlaganeng. Makwapa ano a phekama kwa ntlheng ka dimaekerometara di le 3 fela—e leng selekanyo se se kwa tlase ga nngwe mo masomeng a mabedi fa se bapisiwa le thiri ya motho. Mme go phekama gono mo go nnyennye go dira gore lobone lo phatsime ka selekanyo se se kwa godimo ka diperesente di ka nna 50 go feta fa makwapa ano a ka bo a sa phekama jalo!
A mokgwa oo o ne o ka tokafatsa go bonesa sentle ga di-light emitting diode [LED] tse di dirisiwang fa go dirwa didirisiwa tsa eleketeroniki? Borasaense ba ne ba lekeletsa ka go apesa di-LED ka sengwe se se makwakwapa jaaka lobone lwa sebonesanawa. Go ne ga diregang? Di-LED di ne tsa ntsha lesedi le le oketsegileng ka diperesente di le 55! Moitse mongwe wa fisikisi e bong Annick Bay a re: “Selo sa botlhokwatlhokwa ka tiro eno ke gore e bontsha kafa re ka ithutang go le gontsi ka teng ka go sekaseka dilo tsa tlholego ka kelotlhoko.”
O akanyang? A lobone lwa dibonesanawa tseo tsa Photuris lo nnile gone ka bolone fela? A kgotsa lo tlhamilwe?
^ ser. 3 Baitsesaense ga ba a ithuta ka mefuta yotlhe ya sebonesanawa seno.
Tse Dingwe Tse O ka Di Kgatlhegelang
TSOGANG!
Popego ya Dikgapetla Tsa mo Lewatleng
Tsela e dikgapetla tsa mo lewatleng di bopegileng ka yone, e sireletsa ditshedi tse di nnang mo go tsone.
TSOGANG!
Boboa Jwa Otter ya Lewatle
Diphologolo tse dintsi tsa mo metsing di na le mafura a mantsi mo teng ga letlalo, a a di thusang go nna di thuthafetse. Otter ya mo lewatleng yone e dirisa mokgwa o o farologaneng.
TSOGANG!
Bokgoni Jwa go Kotama Jwa Notshi ya Mamepe
Goreng mokgwa ono wa go kotama o dirisiwa fa go dirwa diroboto tse di fofang?
TSOGANG!
Ditlhale Tse Ditshesane Tsa Setshedi se se Nnang mo Kgapetleng
Di-mussel di ingangatlela di dirisa ditlhale tsa tsone. Go tlhaloganya seno go ka re thusa go itse mokgwa o mosha o re ka o dirisang go kgomaretsa dilo mo dikagong kgotsa go kopanya mesifa le marapo.
DIBUKA LE DIBUKANA
Botshelo—A ke Tiro ya Mmopi?
A go botlhokwa gore o dumela eng malebana le kafa botshelo bo simologileng ka gone?
