Isaia 4:1-6
4 Mme mo letsatsing leo, basadi ba le supa ba tla tshwara monna a le mongwe+ ba re:
“Re tla ja senkgwe sa ronaE bile re tla apara diaparo tsa rona;Re kopa fela go bidiwa ka leina la gagoGore re tlose matlhabisaditlhong a rona.”*+
2 Mo letsatsing leo, se Jehofa a se tlhogisang se tla nna sentlentle e bile se tla galalela. Ba ba falotseng ba Iseraele ba tla ikutlwa ba le motlotlo e bile ba tla itumela ka gonne lefatshe le ungwa.+
3 Ope fela yo o salang mo Siona e bile a tlogetswe mo Jerusalema o tla bidiwa boitshepo, e leng botlhe ba ba mo Jerusalema ba ba kwadilweng gore ba bone botshelo.+
4 Fa Jehofa a tlhatswa leswe* la bomorwadia Siona+ a bo a tsokotsa madi a batho ba ba bolailweng mo Jerusalema a dirisa moya wa katlholo le moya wa go fisa,*+
5 gape Jehofa o tla dira gore mo godimo ga Thaba ya Siona yotlhe le mo godimo ga lefelo la yone la dikopano go nne le leru le mosi motshegare, mme bosigo go nne le molelo o o tukang o o phatsimang;+ ka gonne go tla nna le tshireletsego mo godimo ga dilo tsotlhe tse di galalelang.
6 Mme go tla nna le loobo* lwa moriti motshegare lo lo sireletsang mo mogoteng,+ e bile e le lefelo le go tshabelwang mo go lone le le le sireletsang mo ditsuatsueng le mo puleng.+
Dintlha Tse di Kwa Tlase
^ Go tewa tlontlologo ka ntlha ya go sa nyalwe le go sa nne le bana.
^ Seheb., “mantle.”
^ Kgotsa “tlosa.”
^ Bona “Moletlo wa Diobo” mo Ditlhaloso Tsa Mafoko.
