Dipesalema 71:1-24
71 Jehofa, ke tshabetse mo go wena.
E kete le ka motlha nka se tlhabiwe ke ditlhong.+
2 Nkgolole ka ntlha ya tshiamo ya gago mme o mpoloke.
Ntshekegele tsebe* mme o mpoloke.+
3 Nna kago ya me ya phemelo e e mo lefikengE nka tsenang mo go yone ka metlha.
Laela gore ke bolokwe,Gonne o lefika la me le kago ya me e e thata.+
4 Ao tlhe Modimo wa me, nkgolole mo seatleng sa modirabosula,+Mo seatleng sa mogateledi yo o setlhogo.
5 Gonne o tsholofelo ya me, wena Morena Molaodimogolo Jehofa;Ke sa le ke go tshepile go tloga ke sa le mosha.+
6 Ke sa le ke ikaegile ka wena go tloga fa ke tsholwa;Ke wena yo o neng wa nketsha* mo popelong ya ga mmê.+
Ke go baka ka metlha.
7 Batho ba le bantsi ba ne ba gakgamala fa ba bona se se ntiragaletseng,Le fa go ntse jalo, o botshabelo jwa me jo bo nonofileng.
8 Ke tla nna ke go baka;+Ke tla bua ka bontlentle jwa gago letsatsi lotlhe.
9 O se ka wa ntatlha fa ke tsofetse;+O se ka wa ntlogela fa ke felelwa ke nonofo.+
10 Baba ba me ba bua se se bosula ka nna,Mme ba ba batlang go mpolaya ba buisana mmogo,+
11 Ba re: “Modimo o mo latlhile.
Mo lelekiseng mme lo mo tshware, ka gonne ga go na ope yo o ka mo gololang.”+
12 Ao tlhe Modimo, o se ka wa nna kgakala le nna.
Tlhe Modimo wa me, itlhaganele o nthuse.+
13 E kete ba ba ganetsanang le nnaBa ka tlhabiwa ke ditlhong ba bo ba fedisiwa.+
E kete ba ba batlang gore ke welwe ke masetlapeloBa ka tlontlologa ba bo ba kokobediwa.+
14 Mme nna, ke tla tswelela ke letile;Ke tla nna ke go baka.
15 Letsatsi lotlhe ke tla bua ka tshiamo ya gago,+Le ka ditiro tsa gago tsa poloko,Le fa gone di le dintsi thata gore nka di tlhaloganya.*+
16 Ke tla tla ke bo ke bolela ka ditiro tsa gago tse dikgolo,Wena Morena Molaodimogolo Jehofa;Ke tla umaka tshiamo ya gago, ya gago o le esi.
17 Wena Modimo, o nthutile go tloga ke sa le mosha,+Mme go tla go fitlha jaanong ke ntse ke bolela ka ditiro tsa gago tse di gakgamatsang.+
18 Tota le fa ke tsofetse e bile ke le tlhogoputswa, o se ka wa ntatlha tlhe Modimo wa me.+
Ntetle gore ke bolelele kokomana e e latelang ka maatla* a gago,Ke bo ke itsise botlhe ba ba tla tlang nonofo ya gago.+
19 Wena Modimo, tshiamo ya gago e fitlha kwa godimodimo;+O dirile dilo tse dikgolo;Tota ke mang yo o tshwanang le wena, wena Modimo?+
20 Le fa gone o dirile gore ke lebane le matshwenyego le masetlapelo a mantsi,+Dira gore ke nne le maatla gape;Nketshe* mo tengteng* ga lefatshe.+
21 E kete o ka mpusetsa seriti sa meMme wa ntshireletsa wa bo wa nkgomotsa.
22 Foo ke tla go baka ka seletswa sa megalaKa ntlha ya boikanyegi jwa gago, wena Modimo wa me.+
Ke tla go opelela dipako* ka harepa,Wena Modimo yo o Boitshepo wa Iseraele.
23 Molomo wa me o tla goa ka boitumelo fa ke ntse ke go opelela dipako,+Gonne o bolokile botshelo* jwa me.+
24 Loleme lwa me lo tla bua ka* tshiamo ya gago letsatsi lotlhe,+Gonne ba ba batlang go bona ke nyeleditswe ba tla tlhabiwa ke ditlhong e bile ba tla tlontlololwa.+
Dintlha Tse di Kwa Tlase
^ Kgotsa “Obegela kwa tlase mme o ntheetse.”
^ Kgotsa “nkentsha.”
^ Kgotsa “nka di bala.”
^ Seheb., “lebogo.”
^ Kgotsa “mo metsing a a boteng.”
^ Kgotsa “Nkentshe.”
^ Kgotsa “go leletsa mmino.”
^ Seheb., “ne′phesh.” Bona Ditlhaloso Tsa Mafoko.
^ Kgotsa “lo tla tlhatlhanya ka.”
