Dipesalema 36:1-12
Go mokaedi. Pesalema ya motlhanka wa ga Jehofa, e bong Dafide.
36 Pelo ya motho yo o bosula e dira gore a dire dilo tse di bosula;Ga a boife Modimo.+
2 Gonne mo matlhong a gagwe o ipona a le botlhokwa thataMo a sa lemogeng molato wa gagwe e bile a sa o tlhoe.+
3 Mafoko a molomo wa motho yo o bosula a utlwisa botlhoko e bile ke a tsietso;Ga a na temogo ya go dira se se molemo.
4 O loga maano a a utlwisang botlhoko tota le mo bolaong jwa gagwe.
O beilwe mo tselaneng e e sa siamang;Ga a gane se se bosula.
5 Jehofa, lorato lwa gago lo lo sa kgaotseng lo fitlha kwa magodimong,+Boikanyegi jwa gago bo fitlha kwa marung.
6 Tshiamo ya gago e tshwana le dithaba tse dikgolo;*+Dikatlholo tsa gago di tshwana le metsi a mantsi a a boteng.+
O boloka* motho le phologolo Jehofa.+
7 Modimo, ruri lorato lwa gago lo lo sa kgaotseng lo tlhwatlhwakgolo!+
Bomorwa batho ba tshabela mo moriting wa diphuka tsa gago.+
8 Ba nwa letlepu la dilo tse di molemo* tsa ntlo ya gago gore ba bo ba kgotsofale,+Mme o dira gore ba nwe mo molatswaneng wa boitumelo jwa gago.+
9 Mo go wena go na le motswedi wa botshelo;+Re kgona go bona lesedi ka lesedi la gago.+
10 Tswelela o bontsha ba ba go itseng lorato lwa gago lo lo sa kgaotseng,+O bo o bontshe ba ba pelo e e siameng, tshiamo ya gago.+
11 O se ka wa letla gore lonao lwa ba ba mabela lo nkgatakeKgotsa gore seatla sa batho ba ba bosula se nteleke.
12 Badirabosula ba ole;Ba latlhetswe fa fatshe mme ga ba kgone go ema.+
Dintlha Tse di Kwa Tlase
^ Seheb., “dithaba tsa Modimo.”
^ Kgotsa “sireletsa.”
^ Seheb., “la monono.”
