Dipesalema 149:1-9
149 Bakang Jah!*
Opelelang Jehofa pina e ntšha;+Mmakeng mo phuthegong ya batho ba ba ikanyegang.+
2 A Baiseraele ba itumelele Modiri wa bone yo Mogolo;+A bomorwa Siona ba itumelele Kgosi ya bone.
3 A ba bake leina la gagwe ka go bina+Ba bo ba mo opelele dipako* ba letsa moropana le harepa.+
4 Gonne Jehofa o itumelela batho ba gagwe.+
O kgabisa ba ba pelonolo ka poloko.+
5 A batho ba ba ikanyegang ba itumele ka ntlha ya kgalalelo e a ba e nayang;A ba goe ka boitumelo ba le mo malaong a bone.+
6 A melomo ya bone e bake Modimo ka dipina,Mme seatla sa bone se tshole tšhaka e e magalemabedi,
7 Gore ba ipusolosetse mo ditšhabengBa bo ba otlhaye merafe,
8 Gore ba bofe dikgosi tsa boneLe batlotlegi ba bone ka dikeetane,
9 Gore ba diragatse katlholo e e kwadilweng ka bone.+
Tlotla eno ke ya batho ba gagwe botlhe ba ba ikanyegang.
Bakang Jah!*
Dintlha Tse di Kwa Tlase
^ Kgotsa “Halelujah!” “Jah” ke khutshwafatso ya leina Jehofa.
^ Kgotsa “leletse mmino.”
^ Kgotsa “Halelujah!” “Jah” ke khutshwafatso ya leina Jehofa.
