Dipesalema 132:1-18
Pina Ya fa Go Tlhatlogelwa Kwa Motseng.
132 Ao tlhe Jehofa, gakologelwa DafideLe tsela e a neng a boga ka yone;+
2 Kafa a ileng a ikanela Jehofa ka gone,Kafa a ileng a direla Yo o Maatla wa ga Jakobe maikano ka gone a re:+
3 “Ga nkitla ke tsena mo tenteng ya me, mo legaeng la me.+
Ga nkitla ke rapama fa ke lalang gone, mo bolaong jwa me;
4 Ga nkitla ke letla matlho a me a robala,E bile ga nkitla ke letla dintshi tsa me di itswala
5 Go fitlha ke bona lefelo le letlole la ga Jehofa le tla nnang mo go lone,E leng bonno jo bo siameng* jwa Yo o Maatla wa ga Jakobe.”+
6 Re utlwaletse ka lone* kwa Eferatha;+Re ne ra le bona kwa masimong a sekgwa.+
7 A re tseneng mo bonnong jwa gagwe;*+A re ikobeng fa sebeong sa gagwe sa dinao.+
8 Dira sengwe tlhe Jehofa, mme o tsene kwa lefelong la gago la boikhutso,+Wena le Letlole le le bontshang maatla a gago.+
9 E kete baperesiti ba gago ba ka apara tshiamo,E bile e kete batho ba gago ba ba ikanyegang ba ka goa ka boitumelo.
10 Ka ntlha ya ga Dafide motlhanka wa gago,O se ka wa gana* motlodiwa wa gago.+
11 Jehofa o ikanetse Dafide;Ruri ga a kitla a busetsa lefoko leno la gagwe morago:
“Ke tla tlhoma mongwe wa ditlogolwana tsa gago*Mo setulong sa gago sa bogosi.+
12 Fa bomorwao ba ka boloka kgolagano ya meLe dikgakololo tsa me tse ke ba rutang tsone,+Bomorwaabone le boneBa tla nna mo setulong sa gago sa bogosi ka bosakhutleng.”+
13 Gonne Jehofa o tlhophile Siona;+O eleditse gore e nne lefelo la gagwe la bonno a re:+
14 “Leno ke lefelo la me la boikhutso ka bosakhutleng;Ke tla nna fano,+ ka gonne eno ke keletso ya me.
15 Ke tla segofatsa lefelo leno ka dijo tse dintsi;Ke tla tlamela bahumanegi ba lone ka senkgwe.+
16 Ke tla apesa baperesiti ba lone poloko,+Mme batho ba lone ba ba ikanyegang ba tla goa ka boitumelo.+
17 Ke tla dira gore nonofo ya ga Dafide e oketsege.*
Ke baakanyeditse motlodiwa wa me lobone.+
18 Ke tla apesa baba ba gagwe ditlhong,Mme serwalo sa bogosi se se mo tlhogong ya gagwe se tla galalela.”+
Dintlha Tse di Kwa Tlase
^ Kgotsa “Motlaagana o mogolo.”
^ Go lebega go tewa Letlole.
^ Kgotsa “mo motlaaganeng wa gagwe o mogolo.”
^ Seheb., “wa busetsa morago sefatlhego sa.”
^ Seheb., “lengwe la maungo a popelo ya gago.”
^ Seheb., “lonaka lwa ga Dafide lo tsholetsege.”
