Dipesalema 102:1-28
Thapelo ya motho yo o gateletsweng fa a nna bokoa* mme a tshololela matshwenyego a gagwe mo go Jehofa.+
102 Ao tlhe Jehofa, utlwa thapelo ya me;+A go goa ga me ke kopa thuso go goroge kwa go wena.+
2 O se ka wa mphitlhela sefatlhego sa gago fa ke le mo matshwenyegong.+
Ntshekegele tsebe;*Nkarabe ka bonako fa ke goela kwa go wena.+
3 Gonne malatsi a me a nyelela jaaka mosi,Le marapo a me a sha jaaka leiso.+
4 Pelo ya me e babotswe ke letsatsi jaaka bojang e bile e omeletse,+Gonne ga ke tlhole ke na le keletso ya go ja.
5 Marapo a me a ngaparela nama ya me+Ka gonne ke boga* thata.+
6 Ke tshwana le nonyane e e bidiwang kukara e e nnang mo nageng;Ke tshwana le morubisi o monnye o o mo matlotleng.
7 Ke tlhorega boroko;*Ke tshwana le nonyane e e itlhaotseng e e mo godimo ga borulelo.+
8 Baba ba me ba nkgoba letsatsi lotlhe.+
Ba ba ntshotlang* ba dirisa leina la me e le phutso.
9 Gonne ke ja melora e le senkgwe sa me,+Mme se ke se nwang se tlhakatlhakane le dikeledi,+
10 Ka ntlha ya bogale jwa gago le tšhakgalo ya gago,Gonne o ntsholeditse, e le fela gore o nkgaphele kwa thoko.
11 Malatsi a me a tshwana le moriti o o felang,*+Mme ke omelela jaaka bojang.+
12 Mme wena Jehofa, o ntse ka bosakhutleng,+Le go tuma* ga gago go tla tswelela go le teng mo dikokomaneng tsotlhe.+
13 Eleruri o tla tsoga o bo o utlwela Siona botlhoko,+Gonne ke nako ya gore o mo tlhomogele pelo;+Nako e e tlhomilweng e gorogile.+
14 Gonne batlhanka ba gago ba itumedisiwa ke maje a gagwe+E bile ba rata le lorole lwa gagwe.+
15 Ditšhaba di tla boifa leina la ga Jehofa,Le dikgosi tsotlhe tsa lefatshe di tla boifa kgalalelo ya gagwe.+
16 Gonne Jehofa o tla aga Siona sesha;+Modimo o tla bontsha gore o a galalela.+
17 O tla reetsa thapelo ya batlhoki ka kelotlhoko;+Ga a kitla a itlhokomolosa thapelo ya bone.+
18 Seno se kwaletswe kokomana e e latelang,+Gore setšhaba se se tla tsholwang* se tle se bake Jah.
19 Gonne Jehofa o leba kwa tlase a le kwa lefelong la gagwe le le boitshepo le le kwa godimodimo,+O bona lefatshe a le kwa magodimong,
20 Gore a utlwe selelo sa legolegwa,+Gore a golole ba ba atlholetsweng loso,+
21 E le gore leina la ga Jehofa le tle le bolelwe mo Siona+Le pako ya gagwe mo Jerusalema,
22 Fa ditšhaba le magosiDi phuthega mmogo gore di direle Jehofa.+
23 O ne a ntseela maatla a me pele ga nako;O ne a khutshwafatsa malatsi a me.
24 Ke ne ka re: “Ao tlhe Modimo wa me,O se ka wa fedisa botshelo jwa me pele ga ke tsofala,Wena yo dingwaga tsa gago di tswelelang go ralala dikokomana tsotlhe.+
25 O ne wa thaya metheo ya lefatshe bogologolo,Magodimo le one ke tiro ya diatla tsa gago.+
26 Di tla nyelela, mme wena o tla tswelela o le gone;Di tla onala tsotlhe fela jaaka seaparo.
O tla di emisetsa ka tse dingwe fela jaaka diaparo, mme di tla feta.
27 Le fa go ntse jalo, wena ga o fetoge, le dingwaga tsa gago ga di kitla di khutla.+
28 Bana ba batlhanka ba gago ba tla nna ka pabalesego,Mme ditlogolwana tsa bone di tla nna di sireletsegile fa pele ga gago.”+
Dintlha Tse di Kwa Tlase
^ Kgotsa “fa a ngomogile pelo.”
^ Kgotsa “Obegela kwa tlase mme o ntheetse.”
^ Kgotsa “fegelwa.”
^ Kgotsa gongwe “Ke bopame.”
^ Kgotsa “Ba ba ntirang seeleele.”
^ Kgotsa “moriti o o nnang moleele.”
^ Kgotsa “Le leina.” Seheb., “Le segopotso.”
^ Seheb., “se se tla bopiwang.”
