Amose 1:1-15
1 Ano ke mafoko a ga Amose,* yo e neng e le mongwe wa batlhokomedi ba dinku go tswa kwa Tekoa.+ Ke mafoko a a neng a a bolelelwa mo ponatshegelong e e ka ga Iseraele mo motlheng wa ga Kgosi Usia+ wa Juda le mo motlheng wa ga Jeroboame+ morwa Joashe,+ kgosi ya Iseraele. O ne a a bolelelwa dingwaga di le pedi pele ga thoromo ya lefatshe.+
2 O ne a re:
“Jehofa o tla kurutla a le kwa Siona,E bile o tla tsholetsa lentswe la gagwe a le kwa Jerusalema.
Mafulo a badisa a tla swaba,Le setlhoa sa thaba ya Karemele se tla omelela.”+
3 “Jehofa a re,‘“E re ka Damaseko a ne a tlhanoga gangwe le gape, ga nkitla ke fetola se ke se ikaeletseng,Ka gonne ba ne ba photha Gileade ka dilei tsa tshipi tsa go photha.+
4 Ka jalo, ke tla romela molelo mo ntlong ya ga Hasaele,+Mme o tla laila ditora tse di sireletsegileng tsa ga Bene-hadade.+
5 Ke tla robaganya mephakalego ya Damaseko;+Ke tla fedisa batho ba ba nnang mo Bikathe-afeneLe motho yo o busang* mo Bethe-edene;Mme batho ba Siria ba tla isiwa botshwarwa kwa Kire,”+ go bua Jehofa.’
6 Jehofa a re,‘“E re ka Gasa a ne a tlhanoga gangwe le gape,+ ga nkitla ke fetola se ke se ikaeletseng,Ka gonne ba ne ba dira batho batshwarwa+ ba bo ba ba tsenya mo seatleng sa Baedoma.
7 Ka jalo, ke tla romela molelo mo loboteng lwa Gasa,+Mme o tla laila ditora tsa gagwe tse di sireletsegileng.
8 Ke tla fedisa batho ba ba nnang mo Ashedoda+Le motho yo o busang* mo Ashekelona;+Ke tla tlhasela Ekerone,+Mme Bafilisitia ba ba setseng ba tla nyelela,”+ go bua Morena Molaodimogolo Jehofa.’
9 Jehofa a re,‘E re ka Ture a ne a tlhanoga gangwe le gape,+ ga nkitla ke fetola se ke se ikaeletseng,Ka gonne ba ne ba tsenya batho ba ba ba dirileng batshwarwa mo seatleng sa Baedoma,Le ka gonne ba ile ba se ka ba gakologelwa kgolagano ya bomorwarraamotho.+
10 Ka jalo, ke tla romela molelo mo loboteng lwa Ture,Mme o tla laila ditora tsa gagwe tse di sireletsegileng.’+
11 Jehofa a re,‘E re ka Edoma a ne a tlhanoga gangwe le gape,+ ga nkitla ke fetola se ke se ikaeletseng,Ka gonne o ne a latelela morwarraagwe ka tšhaka,+Le ka gonne o ile a gana go mo utlwela botlhoko;O nna a ba garolaka a galefile a sa ineele,E bile o tswelela a ba shakgaletse a sa kgaotse.+
12 Ka jalo, ke tla romela molelo mo Temane,+Mme o tla laila ditora tse di sireletsegileng tsa Bosera.’+
13 Jehofa a re,‘“E re ka Baamone ba ne ba tlhanoga gangwe le gape,+ ga nkitla ke fetola se ke se ikaeletseng,Ka gonne ba ne ba segaka dimpa tsa basadi ba ba imileng ba Gileade gore ba atolose naga ya bone.+
14 Ke tla tshuba lobota lwa Raba ka molelo,+Mme o tla laila ditora tsa gagwe tse di sireletsegileng,Go tla nna le mokgosi wa ntwa mo letsatsing la tlhabano,Le setsuatsue mo letsatsing la phefo ya matsubutsubu.
15 Mme kgosi ya bone e tla isiwa botshwarwa mmogo le dikgosana tsa yone,”+ go bua Jehofa.’
Dintlha Tse di Kwa Tlase
^ Mo go kayang “Go Nna Morwalo” kgotsa “Go Rwala Morwalo.”
^ Seheb., “yo o tshwereng lore lwa segosi.”
^ Seheb., “yo o tshwereng lore lwa segosi.”
