Jobe 6:1-30
6 Mme Jobe a re:
2 “E kete matshwenyego+ a me a ka bo a lekantswe bokete otlhe fela,Le gore go ntse go le jalo ba beye pitlagano ya me mo sekaleng!
3 Gonne jaanong e boima go feta le moshawa wa mawatle.Ke gone ka moo mafoko a me a neng a nna puo e e phomesegelang+ fela.
4 Gonne metswi ya Mothatayotlhe e na le nna,+E moya wa me o nwang+ botlhole jwa yone;Ditherego tse di tswang kwa Modimong di tla di tlhomagane mo go nna.+
5 A pitse ya naga+ e tla lela e le mo bojannyeng,Kgotsa a poo e tla lela e le mo furung ya yone?
6 A dilo tse di se nang moutlwalo di ka jewa di se na letswai,Kgotsa a go na le moutlwalo mo matuteng a a boleta a morogo o o melang fa go ditsobotla?
7 Moya wa me o ganne go ama sepe.Di tshwana le bolwetse jo bo mo dijong tsa me.
8 E kete ke ne ke ka bona se ke se lopangLe Modimo a nnaya se ke se solofetseng!
9 Le gore Modimo a nthubaganye,A ntshe seatla sa gagwe mme a nkgaole!+
10 Le gone moo go ne go ntse go tla nkgomotsa;Mme ke ne ke tla tlola ka boipelo+ mo ditlhabing tsa go belegwa ga me,Le mororo a ne a se kitla a nna le bopelotlhomogi, gonne ga ke a fitlha mafoko+ a Moitshepi.+
11 Maatla a me ke eng, gore ke nne ke letile?+Le bokhutlo jwa me ke eng, gore ke nne ke lelefatsa moya wa me?
12 A maatla a me ke maatla a maje?Kgotsa a nama ya me ke ya kgotlho?
13 A ke ka gore go ithusa ga go yo mo go nna,Le gore tiro e e nang le matswela ka boyone e lelekilwe mo go nna?
14 Fa e le ope fela yo o ganelang mongwe ka ene+ ka bopelonomi jwa lorato,O tla tlogela go boifa Mothatayotlhe.+
15 Bomorwarre ba dirile ka boferefere,+ jaaka molatswana wa mariga o o phothoselang,Jaaka moedi wa melatswana ya mariga e e phothoselang e e nnang e feta.
16 E fifaditswe ke dikgapetla tsa metsi,Kapoko e iphitlha mo go yone.
17 Mo pakeng e e leng yone ga e nne le metsi,+ e didimaditswe;E a kgala mo lefelong+ la yone fa go nna mogote.
18 Ditselana tsa tsela ya yone di fapositswe;Di tlhatlogela kwa lefelong le le se nang sepe mme di nyelele.
19 Ditlhopha tsa batsamai tsa kwa Tema+ di lebile,Setlhopha sa baeti sa Baseba+ se ba letile.
20 Ruri ba tlhabilwe ke ditlhong ka gonne ba ne ba na le tsholofelo;Ba tlile mo lefelong leo mme ba a swabisiwa.+
21 Gonne jaanong lona banna lo nnile ba e seng ba sepe;+Lo bona selo se se tshosang, mme lo a boifa.+
22 A ke ka gonne ke rile, ‘Nneyeng sengwe,Kgotsa lo nneye maatla mangwe a lona e le neo;
23 Lo bo lo nkgolole mo seatleng sa mmaba,+Le gore lo nkgolole+ mo seatleng sa bapatiki’?
24 Nthute, mme fa e le nna, ke tla didimala;+Mme dira gore ke tlhaloganye+ phoso le fa e ka nna efe e ke e go diretseng.
25 Mafoko a thokgamo ruri a ne a se botlhoko!+Mme ke eng se kgalemo ya lona e se kgalemelang?+
26 A ke go kgalemela mafoko a lo a logelang leano,Fa mafoko a yo o itlhobogileng+ e le a phefo fela?+
27 Lo tla nna lo tshelela motho yo o se nang rre+ bola go le kana kang,Le go ananya ka molekane wa lona!+
28 Mme jaanong tswelelang pele lo ntlhwaele tsebe,Lo bone gore a ke tla aka+ fa pele ga lona.
29 Boang tsweetswee—a go se ka ga tsoga tshiamololo epe—Ee, boang—tshiamo ya me e sa ntse e le gone.+
30 A go na le tshiamololo mo lolemeng lwa me,Kgotsa a magalapa a me ga a lemoge pitlagano?
