Pesalema 98:1-9
Pina.
98 Opelelang Jehofa pina e ntšha,+Gonne dilo tse a di dirileng di a gakgamatsa.+Seatla sa gagwe sa moja, lebogo la gagwe le le boitshepo, le mo tliseditse poloko.+
2 Jehofa o dirile gore poloko ya gagwe e itsiwe;+O senotse tshiamo+ ya gagwe mo matlhong a ditšhaba.
3 O gakologetswe bopelonomi jwa gagwe jwa lorato le boikanyegi jwa gagwe mo ntlong ya Iseraele.+Mafelelo otlhe a lefatshe a bone poloko ka Modimo wa rona.+
4 Goelang kwa go Jehofa ka phenyo, lona lotlhe batho ba lefatshe.+Thamang lo goe ka boipelo lo letse pina.+
5 Leletsang Jehofa pina ka harepa,+Ka harepa le ka lentswe la pina.+
6 Ka diterompeta le ka modumo wa lonaka+Goang ka phenyo fa pele ga Kgosi, e bong Jehofa.
7 A lewatle le dume jaaka maru le se se tletseng mo go lone,+Naga e e ungwang le ba ba nnang mo go yone.+
8 A dinoka di ope diatla;A dithaba tsotlhe di goe ka boipelo+
9 Fa pele ga ga Jehofa, gonne o tlile go atlhola lefatshe.+O tla atlhola naga e e ungwang ka tshiamo+Le ditšhaba ka thokgamo.+
