Pesalema 65:1-13
Go mokaedi. Molodi wa pina ya ga Dafide. Pina.
65 Wena o na le pako—tidimalo—, wena Modimo, mo Siona;+Mme o tla duelwa maikano.+
2 Wena Moutlwi wa thapelo, batho ba nama yotlhe ba tla tla kwa go wena.+
3 Dilo tsa tlolo di nnile thata go mpheta.+Fa e le ditlolo tsa rona, wena o tla di bipa.+
4 Go itumela yo o mo tlhophang o bo o mo dira gore a atamele,+Gore a tle a nne mo malwapeng a gago.+Ruri re tla kgotsofadiwa ke molemo wa ntlo ya gago,+Lefelo le le boitshepo la tempele ya gago.+
5 O tla re araba ka dilo tse di boitshegang ka tshiamo,+Wena Modimo wa poloko+ ya rona,Boikanyo jwa melelwane yotlhe ya lefatshe le ba ba kgakala mo lewatleng.+
6 O tlhomamisa dithaba ka thata ka maatla a gagwe;+Ruri o gatlhilwe ka thata.+
7 O sisibatsa modumo wa mawatle,+Modumo wa makhubu a one le pheretlhego ya ditlhopha tsa ditšhaba.+
8 Mme banni ba dikarolo tse di kwa thokothoko ba tla boifa ditshupo tsa gago;+O dira gore metsamao ya moso le maitseboa e goe ka boipelo.+
9 O lebisitse tlhokomelo ya gago mo lefatsheng, gore o tle o le neye letlotlo;+O le humisa fela thata.Molatswana o o tswang kwa Modimong o tletse metsi.+Wena o baakanya dijo tsa bone tsa ditlhaka,+Gonne o baakanya lefatshe+ ka yone tsela eo.
10 Mesele ya lone e a kolobediwa, makwete a lone a a papielwa;+O le kolobetsa ka dipula tse dikgolo; o segofatsa matlhogela+ a lone.
11 O rwesitse ngwaga serwalo ka molemo wa gago,+Mme ditselana tsa gago di rotha monono.+
12 Mafulo a naga a nna a rotha,+Mme dithota di ikgatlha ka boipelo.+
13 Mafulo a apere matsomane,+Mme mabala a a kwa tlase a khurumeditswe ke dijo tsa ditlhaka.+A goa ka phenyo, ee, a a opela.+
