Pesalema 63:1-11
Pina ya ga Dafide, fa a ne a le kwa nageng ya Juda.+
63 Wena Modimo, o Modimo wa me, ke nna ke ntse ke go batla.+Moya wa me o a go nyorelwa.+Nama ya me e tepeleditswe ke go go tlhologelelwaMo lefatsheng le le omileng le le se nang sepe, kwa go se nang metsi gone.+
2 Ka jalo ke go bone mo lefelong le le boitshepo,+Fa ke bona nonofo ya gago le kgalalelo ya gago.+
3 Ka gonne bopelonomi jwa gago jwa lorato bo botoka go na le botshelo,+Dipounama tsa me di tla go akgola.+
4 Ka jalo ke tla go baka ka nako ya fa ke sa ntse ke tshela;+Ke tla tsholetsa diatla+ tsa me mo leineng la gago.
5 Moya wa me o kgotsofetse jaaka e kete ka karolo e e di gaisang tsotlhe, e leng monono,+Molomo wa me o isa pako+ ka dipounama tsa go goa ka boipelo.
6 Fa ke go gakologetswe mo bolaong+ jwa me,Ke tlhatlhanya ka wena mo ditebelong tsa bosigo.+
7 Gonne o itshupile o na le thuso mo go nna,+Mme ke goa ka boipelo mo moriting wa diphuka tsa gago.+
8 Moya wa me o go setse morago gaufi thata;+Seatla sa gago sa moja se nngangatletse.+
9 Fa e le ba ba ntseng ba senka moya wa me gore ba o senye,+Ba tla tsena kwa tengteng ga lefatshe.+
10 Ba tla tsenngwa mo maatleng a tšhaka;+Ba tla nna dijo tsa bophokoje.+
11 Mme kgosi yone e tla ipela mo Modimong.+Mongwe le mongwe yo o ikanang ka yone o tla ipelafatsa,+Gonne molomo wa ba ba buang maaka o tla thibiwa.+
