Pesalema 56:1-13
Go mokaedi wa Leeba le le Didimetseng mo go a a kgakala. Ya ga Dafide. Miketame. Fa Bafilisitia ba ne ba mo tshwara mo Gathe.+
56 Nkutlwela botlhoko, tlhe Modimo, ka gonne motho yo o nang le go swa o mpharumetse.+O nna a nkgatelela, a lwa letsatsi lotlhe.+
2 Baba ba me ba nna ba mpharumela letsatsi lotlhe,+Gonne go na le ba bantsi ba ba lwang le nna ka go itseela kwa godimo.+
3 Le fa e le ka letsatsi lefe le ke boifang ka lone, nna, ke tla go ikanya.+
4 Ke tla baka lefoko+ la Modimo ke le seoposengwe le ene.Ke ikantse Modimo; ga ke na go boifa.+Nama e ka ntirang?+
5 Letsatsi lotlhe ba nna ba utlwisa merero ya me botlhoko;Dikakanyo tsa bone tsotlhe di kgatlhanong le nna gore ba ntirele bosula.+
6 Ba a tlhasela, ba a iphitlha,+Fa e le bone, ba nna ba tlhokometse dikgato tsa me,+Fa ba ntse ba letetse moya wa me.+
7 Ba latlhe ka ntlha ya go utlwisa botlhoko ga bone.+Folosa le eleng ditšhaba ka bogale, wena Modimo.+
8 Wena o begile go nna mofaladi ga me.+A ko o tsenye dikeledi tsa me mo modutwaneng wa gago.+A ga di mo bukeng ya gago?+
9 Ka nako eo baba ba me ba tla boela morago, mo letsatsing le ke tla bitsang ka lone;+Seno ke se itse sentle, gore Modimo o kafa letlhakoreng la me.+
10 Ke tla baka lefoko la Modimo+ ke le seoposengwe le ene;Ke tla baka lefoko+ la ga Jehofa ke le seoposengwe le ene.
11 Ke ikantse Modimo. Ga ke na go boifa.+Motho wa mo lefatsheng o ka ntirang?+
12 Mo go nna, Modimo, go na le maikano a ke a go diretseng.+Ke tla go isetsa mafoko a go ntsha ditebogo.+
13 Gonne o golotse moya wa me mo losong+—A ga o a golola dinao tsa me mo go kgotšweng?+—Gore ke tle ke tsamatsamaye fa pele ga Modimo mo leseding la ba ba tshelang.+
