Pesalema 5:1-12
Go mokaedi wa Nehilothe. Pina ya ga Dafide.
5 A ko o sekegele mafoko a me tsebe,+ tlhe Jehofa;A ko o tlhaloganye go fegelwa ga me.
2 A ko o tlhwaele tsebe lentswe la go goa ga me ke kopa thuso,+Tlhe Kgosi+ ya me le Modimo wa me, ka gonne ke rapela+ wena.
3 Wena Jehofa, o tla utlwa lentswe la me mo mosong;+Ke tla bua le wena mo mosong mme ke lebelele.+
4 Gonne ga o Modimo yo o natefelelwang ke boikepo;+Ga go na ope yo o bosula yo o ka agang le wena ka nako epe.+
5 Ga go na baipelafatsi bape ba ba ka emang fa pele ga matlho+ a gago.O tlhoile botlhe ba ba dirang se se utlwisang botlhoko;+
6 O tla senya ba ba buang maaka.+Jehofa o tlhoile motho yo o tshololang madi+ le yo o tsietsang.+
7 Fa e le nna, ka bontsi jwa bopelonomi jwa gago jwa lorato+Ke tla tsena mo ntlong+ ya gago,Ke tla ikobela ntlheng ya tempele ya gago e e boitshepo ke go boifa.+
8 Ao tlhe Jehofa, nkgoge mo tshiamong+ ya gago ka ntlha ya baba+ ba me;Rethefatsa tsela ya gago fa pele ga me.+
9 Gonne mo molomong wa bone ga go na sepe se se ikanyegang;+Karolo ya bone e e kafa teng ruri ke pitlagano.+Mometso wa bone ke lefelo le le bulegileng la go fitlhela;+Ba dirisa loleme lo lo borethe.+
10 Ruri Modimo o tla ba tsaya ba le molato;+Ba tla wa ka ntlha ya maikaelelo a bone.+A ba phatlaladiwe mo bontsintsing jwa ditlolo tsa bone,+Ka gonne ba go tsuologetse.+
11 Mme botlhe ba ba tshabelang mo go wena ba tla ipela;+Ba tla goa ka boipelo+ ka bosakhutleng.Mme o tla thiba gore ba se ka ba atamelwa,Mme ba ba ratang leina la gago ba tla itumela mo go wena.+
12 Gonne wena ka bowena Jehofa, o tla segofatsa ope fela yo o siameng;+O tla ba dikanyetsa ka kamogelo,+ jaaka e kete ke ka thebe e kgolo.+
