Pesalema 45:1-17
Go mokaedi wa Dithunya tsa Masoma. Ya bomorwa Kora. Masekile. Pina ya basadi ba ba rategang.
45 Pelo ya me e tsositswe ke kgang e e monate.+Ka re: “Ditiro tsa me di mabapi le kgosi.”+E kete loleme lwa me e ka nna pene e e setang+ ya mokwalolodi yo o setswerere.+
2 Ruri o montle go feta bomorwa batho.+Bontle jo bo kgatlhang bo tshetswe mo dipounameng+ tsa gago.Ke gone ka moo Modimo a go segofaditseng ka bosakhutleng.+
3 Gatlha tšhaka+ ya gago mo seropeng sa gago, wena yo o thata,+Ka seriti sa gago le bontlentle jwa gago.+
4 Mme mo bontlentleng jwa gago tswelela o atlega;+Palama ka ntlha ya boammaaruri le boikokobetso le tshiamo,+Mme seatla sa gago sa moja se tla go ruta dilo tse di boitshegang.+
5 Metswi ya gago e bogale—ditšhaba di nna di wa kafa tlase ga gago+—Mo pelong ya baba ba kgosi.+
6 Modimo ke setulo sa gago sa bogosi ka bosakhutleng, le eleng ka bosaengkae;+Lore lwa segosi lwa bogosi jwa gago ke lore lwa segosi lwa thokgamo.+
7 O ratile tshiamo+ mme o tlhoile boikepo.+Ke gone ka moo Modimo, Modimo wa gago,+ a go tloditseng+ ka leokwane la boitumelo+ go gaisa balekane ba gago.+
8 Diaparo tsa gago tsotlhe ke mera le mokgwapha le kasia;+Diletswa tsa megala di go ipedisitse go tswa kwa ntlong e kgolo ya segosi ya lonaka lwa tlou.+
9 Bomorwadia+ dikgosi ke bangwe ba basadi ba gago ba ba tlhwatlhwakgolo.Mohumagadi+ wa kgosi o eme fa seatleng sa gago sa moja a apere gouta ya Ofire.+
10 Reetsa, wena morwadi, o bone, mme o sekege tsebe;Mme o lebale batho ba gaeno le ntlo ya ga rrago.+
11 Mme kgosi e tla tlhologelelwa bontle+ jwa gago,Gonne ke morena+ wa gago,Ka jalo e ikobele.+
12 Morwadia Ture le ene ka mpho+—Ba e leng bahumi mo bathong ba tla nolofatsa sefatlhego sa gago.+
13 Morwadia kgosi o a galalela mo ntlong;+Diaparo tsa gagwe di kgabisitswe ka gouta.
14 O tla tlisiwa kwa kgosing a apere diaparo tse di logilweng.+Makgarebane a a mo mokolokong wa gagwe e le balekane ba gagwe a tlisiwa kwa go wena.+
15 Ba tla tlisiwa ka go ipela le boipelo;Ba tla tsena mo ntlong ya segosi ya kgosi.
16 Mo boemong jwa borragomogologolwane+ go tla nna le bomorwao,+Ba o tla ba tlhomang e le dikgosana mo lefatsheng lotlhe.+
17 Ke tla umaka leina la gago mo dikokomaneng tsotlhe tse di tlang.+Ke gone ka moo ditšhaba di tla go bakang ka bosakhutleng, le eleng ka bosaengkae.
