Pesalema 35:1-28
Ya ga Dafide.
35 A ko o sekaseke kgetsi ya me ya molao+ kgatlhanong le baganetsi ba me, tlhe Jehofa;Lwa le ba ba lwang le nna.+
2 Tshwara thejana le thebe e kgolo,+Mme a ko o nanoge o nthuse,+
3 Mme o somole lerumo le selepe se se magale mabedi gore o kgatlhantshe ba ba ntatelelang.+Raya moya wa me o re: “Ke nna poloko ya gago.”+
4 A ba ba tsomang moya wa me ba tlhabisiwe ditlhong ba bo ba kokobediwe.+A ba ba ntogelang leano la masetlapelo+ ba busediwe morago ba bo ba swabisiwe.
5 E kete ba ka nna jaaka mmoko fa pele ga phefo,+Mme a moengele wa ga Jehofa a ba kgokgweetse.+
6 A tsela ya bone e nne lefifi le mafelo a a boreledi,+Mme a moengele wa ga Jehofa a ba latelele.
7 Gonne ba mphitlhetse kgatampi ya bone e e nang le letlowa kwantle ga lebaka;+Ba e epetse moya wa me kwantle ga lebaka.+
8 A tshenyego e mo tlele a sa itse,+Mme a letlowa la gagwe le a le fitlhileng le mo tshware;+A a wele mo go yone ka tshenyego.+
9 Mme a moya wa me o ipele mo go Jehofa;+A o itumele mo polokong ya gagwe.+
10 A marapo a me otlhe a re:+“Jehofa, ke mang yo o tshwanang le wena,+Yo o gololang yo o bogisiwang mo go yo o nonofileng go mo feta,+Le yo o bogisiwang le yo o humanegileng mo go yo o mo thukuthang?”+
11 Basupi ba ba bosula ba a ema;+Ba mpotsa se ke sa se itseng.+
12 Ba ntuelela molemo ka bosula,+Khutsafalo mo moyeng wa me.+
13 Fa e le nna, fa ba ne ba lwala, diaparo tsa me e ne e le letsela la kgetsi,+Ke ne ka bogisa moya wa me ka go itima dijo,+Mme thapelo ya me e ne e boela mo sehubeng sa me.+
14 Jaaka e kete ke ka ntlha ya molekane, jaaka e kete ke ka ntlha ya ga morwarre,+Ke ne ka tsamayatsamaya jaaka yo o hutsafaletseng mmaagwe.+Ka obega ke utlwile botlhoko.
15 Mme ba ne ba ipela ba phuthega ka ntlha ya go kwetsepela ga me;+Ba phuthega kgatlhanong le nna,+Ba nkgemetha ke sa itse;+Ba nkgagola dikabetlana mme ba se ka ba didimala.+
16 Mo gare ga batlhanogi ba basotli ka ntlha ya kuku+Ba ne ba mphuranyetsa meno.+
17 Jehofa, o tla nna o go bona ka lobaka lo lo kae?+A ko o buse moya wa me mo tshenyegong ya bone,+O e leng one fela wa me+ mo ditawaneng tse di seriri.
18 Ke tla go baka mo phuthegong e kgolo;+Ke tla go baka mo gare ga batho ba bantsi.+
19 E kete ba e leng baba ba me kwantle ga lebaka ba ka se ipele ka ntlha ya me;+Fa e le ba ba ntlhoileng kwantle ga lebaka, a ba se tsipe leitlho.+
20 Gonne ga ba bue kagiso;+Mme ba ntse ba loga leano la dilo tsa tsietso+Kgatlhanong le ba ba didimetseng ba lefatshe.
21 E bile ba nkatlhamolosetsa molomo wa bone thata.+Ba rile: “Aha! Aha! leitlho la rona le go bone.”+
22 O bone, wena Jehofa.+ O se ka wa didimala.+Jehofa, o se ka wa nna kgakala le nna.+
23 A ko o ikuruse mme o tsogele katlholo ya me,+Wena Modimo wa me, Jehofa, o tsogele kgetsi ya me ya molao.+
24 Nkatlhole go ya ka tshiamo ya gago, wena Jehofa Modimo+ wa me,Mme e kete ba ka se ipele ka ntlha ya me.+
25 E kete ba ka se re mo pelong ya bone: “Aha, moya wa rona!”+E kete ba ka se re: “Re mo komeditse.”+
26 A bao ba tlhabiwe ke ditlhong mme ba swabisiwe botlhe+Ba ba ipelelang masetlapelo a me.+A ba ba inkgodisetsang+ ba apesiwe ditlhong+ ba bo ba kokobediwe.
27 A ba ba natefelelwang ke tshiamo ya me ba goe ka boipelo ba bo ba itumele,+Mme a ba bue jaana ka metlha:+“A Jehofa a godisiwe, yo o itumelelang kagiso ya motlhanka wa gagwe.”+
28 A loleme lwa me lo bue tshiamo+ ya gago ka lentswe le le kwa tlase,Pako ya gago letsatsi lotlhe.+
