Pesalema 138:1-8
Ya ga Dafide.
138 Ke tla go baka ka pelo ya me yotlhe.+Ke tla go leletsa pina fa pele ga medimo e mengwe.+
2 Ke tla ikobela tempele ya gago e e boitshepo,+Mme ke tla baka leina la gago,+Ka ntlha ya bopelonomi jwa gago jwa lorato+ le ka ntlha ya boammaaruri jwa gago.+Gonne o godiseditse lefoko+ la gago kwa godimo ga leina la gago lotlhe.+
3 Mo letsatsing le ke biditseng ka lone, o ne wa nkaraba;+O ne wa simolola go ntira sebete mo moyeng wa me ka nonofo.+
4 Dikgosi tsotlhe tsa lefatshe di tla go baka, wena Jehofa,+Gonne di tla bo di utlwile mafoko a molomo wa gago.
5 Mme di tla opela kaga ditsela tsa ga Jehofa,+Gonne kgalalelo ya ga Jehofa e kgolo.+
6 Gonne Jehofa o kwa godimo, mme le fa go ntse jalo o bona yo o ikokobeditseng;+Mme yo o ikgodisang o mo itsetse kgakala fela.+
7 Fa nka tsamaya mo matshwenyegong, o tla mpoloka ke tshela.+O tla ntsha seatla sa gago ka ntlha ya bogale jwa baba ba me,+Mme seatla sa gago sa moja se tla mpoloka.+
8 Jehofa o tla wetsa se se malebana le nna.+Wena Jehofa, bopelonomi jwa gago jwa lorato ke jwa bosakhutleng.+O se ka wa latlha ditiro tsa diatla tsa gago.+
