Pesalema 132:1-18
Pina ya Ditlhatlogo.
132 Ao tlhe Jehofa, gakologelwa, ka ga Dafide+Go kokobediwa ga gagwe gotlhe;+
2 Kafa a ileng a ikanela Jehofa ka gone,+Kafa a neng a direla Yo o Maatla+ wa ga Jakobe maikano+ ka gone:
3 “Ga nkitla ke tsena mo mogopeng wa ntlo ya me.+Ga nkitla ke tlhatlogela mo bolawaneng jwa borobalo jwa me jo bontle,+
4 Ga nkitla ke naya matlho a me boroko,+Le fa e le go naya matlho a me a a phatsimang go otsela,+
5 Go fitlha ke bonela Jehofa lefelo,+Motlaagana o mogolo wa Yo o Maatla wa ga Jakobe.”+
6 Bona! Re o utlwaletse kwa Eferatha,+Re o bone kwa masimong a sekgwa.+
7 A re tseneng mo motlaaganeng wa gagwe o mogolo;+A re ikobeng fa sebeong sa gagwe sa dinao.+
8 Nanoga tlhe Jehofa, o ye kwa lefelong la gago la boikhutso,+Wena le Letlole+ la nonofo ya gago.+
9 A baperesiti ba gago ba apesiwe tshiamo,+Mme a batho ba gago ba ba ikanyegang ba goe ka boipelo.+
10 Ka ntlha ya ga Dafide motlhanka wa gago,+O se ka wa busetsa morago sefatlhego sa motlodiwa wa gago.+
11 Jehofa o ikanetse Dafide,+Ruri ga a kitla a boa mo go seo:+“Ke tla tlhoma ga maungo a sebopelo sa gago+Mo setulong sa gago sa bogosi.+
12 Fa bomorwao ba ka boloka kgolagano ya me+Le dikgakololo tsa me tse ke tla di ba rutang,+Bomorwaabone le bone+Ba tla nna mo setulong sa gago sa bogosi ka bosaengkae.”+
13 Gonne Jehofa o tlhophile Siona;+O e tlhologeletswe gore e nne lefelo la gagwe la bonno:+
14 “Leno ke lefelo la me la boikhutso ka bosaengkae;+Ke tla nna fano, gonne ke le tlhologeletswe.+
15 Ruri ke tla segofatsa dijo tsa lone.+Ke tla kgorisa bahumanegi ba lone ka senkgwe.+
16 Le baperesiti ba lone ke tla ba apesa poloko;+Mme batho ba lone ba ba ikanyegang ruri ba tla goa ka boipelo.
17 Ke tla dira gore lonaka lwa ga Dafide lo gole gone.+Ke rulaganyeditse motlodiwa wa me lobone.+
18 Ke tla apesa baba ba gagwe ditlhong;+Mme serwalo sa gagwe sa bogosi+ se tla galalela mo go ene.”+
