Pesalema 129:1-8
Pina ya Ditlhatlogo.
129 “Ba mpontshitse bobaba nako e telele go tswa bosheng jwa me,”+Jaanong a Iseraele a re,+
2 “Ba mpontshitse bobaba nako e telele go tswa bosheng jwa me;+Le fa go ntse jalo ga ba a mphenya.+
3 Balemi ba lemile mo mokwatleng wa me;+Ba lelefaditse mesele ya bone.”
4 Jehofa o tshiamo.+O kgaotse megala ya baikepi dikarolwana.+
5 Ba tla tlhabiwa ke ditlhong ba bo ba boela morago,+Botlhe ba ba tlhoileng Siona.+
6 Ba tla nna jaaka bojang jo botala jwa marulelo,+Jo bo omileng bo ise bo kumolwe,+
7 Jo morobi a sa tlatsang seatla sa gagwe ka jone,+Le fa e le ope yo o kokoanyang dingata a sa bo tlatsang mo sehubeng sa gagwe.
8 Le fa e le ba ba fetang ga ba a re:“A tshegofatso ya ga Jehofa e nne mo go lona.+Re lo segofaditse mo leineng la ga Jehofa.”+
