Pesalema 103:1-22
Ya ga Dafide.
103 Baka Jehofa, wena moya wa me,+Le sengwe le sengwe se se mo teng ga me, se bake leina la gagwe le le boitshepo.+
2 Baka Jehofa, wena moya wa me,Mme o se ka wa lebala ditiro tsotlhe tsa gagwe,+
3 Ene yo o itshwarelang tlolo ya gago yotlhe,+Yo o fodisang matlhoko+ a gago otlhe,
4 Yo o namolang botshelo jwa gago mo kgatamping,+Yo o go rwesang serwalo sa bopelonomi jwa lorato le mautlwelobotlhoko,+
5 Yo o kgotsofatsang nako ya fa o sa ntse o tshela ka se se molemo;+Bosha jwa gago bo nna bo intšhafatsa fela jaaka jwa ntsu.+
6 Jehofa o diragatsa ditiro tsa tshiamo+Le ditshwetso tsa boatlhodi mo go botlhe ba ba tsiediwang.+
7 O ne a itsise Moshe+ ditsela tsa gagwe,Le bomorwa Iseraele+ a ba itsise ditiro tsa gagwe.
8 Jehofa o kutlwelobotlhoko e bile o pelontle,+O bonya go galefa e bile o na le bopelonomi jo bogolo jwa lorato.+
9 Ga a kitla a nna a latofatsa ka bosakhutleng,+Le gone ga a kitla a nna a kgopilwe ka bosakhutleng.+
10 Ga a re direla kafa maleong a rona;+Le gone ga a re tlisetsa se se re tshwanelang kafa ditlolong tsa rona.+
11 Gonne jaaka magodimo a le kwa godimo go feta lefatshe,+Bopelonomi jwa gagwe jwa lorato bo bogolo mo go ba ba mmoifang.+
12 Fela jaaka botlhabatsatsi bo le kgakala le bophirimatsatsi,+O beile ditlolo tsa rona kgakala le rona fela jalo.+
13 Fela jaaka rre a bontsha bomorwawe kutlwelobotlhoko,+Jehofa o bontshitse ba ba mmoifang kutlwelobotlhoko.+
14 Gonne o itse popego ya rona sentle,+A gakologelwa gore re lorole.+
15 Fa e le motho yo o nang le go swa, malatsi a gagwe a tshwana le a bojang jo botala;+O thunya jaaka sethunya sa naga.+
16 Go feta phefonyana fela mo godimo ga sone, se bo se sa tlhole se le teng;+Mme lefelo la sone ga le kitla le tlhola le se lemoga.+
17 Mme bopelonomi jwa lorato jwa ga Jehofa ke jwa bosasimologeng go ya bosakhutleng+Mo go ba ba mmoifang,+Le tshiamo ya gagwe mo barweng ba barwa,+
18 Mo go ba ba bolokang kgolagano ya gagwe+Le mo go ba ba gakologelwang ditaelo tsa gagwe gore ba di diragatse.+
19 Jehofa o tlhomamisitse ka thata setulo sa gagwe sa bogosi kwa magodimong;+Mme bogosi jwa gagwe bo laola sengwe le sengwe.+
20 Bakang Jehofa, lona baengele+ ba gagwe, ba ba maatla, ba lo diragatsang lefoko la gagwe,+Ka go reetsa lentswe la lefoko la gagwe.+
21 Bakang Jehofa, lona masomosomo otlhe a gagwe,+Lona badiredi ba gagwe, ba lo dirang thato ya gagwe.+
22 Bakang Jehofa, lona lotlhe ditiro tsa gagwe,+Mo mafelong otlhe ao a a laolang.+Baka Jehofa, wena moya wa me.+
