Pesalema 101:1-8
Ya ga Dafide. Pina.
101 Ke tla opela kaga bopelonomi jwa lorato le katlholo.+Ke tla go leletsa pina, wena Jehofa.+
2 Ke tla dira ka botlhale ka tsela e e se nang molato.+O tla tla leng kwa go nna?+Ke tla tsamayatsamaya mo bothokgaming jwa pelo ya me mo teng ga ntlo ya me.+
3 Ga nkitla ke tlhoma selo se se se nang molemo wa sepe fa pele ga matlho a me.+Ke tlhoile se se dirwang ke batho ba ba wang;+Ga se nngaparele.+
4 Pelo e e sokameng e a ntlogela;+Ga ke itse sepe se se bosula.+
5 Ope fela yo o senyang molekane wa gagwe leina mo sephiring,+Ke a mo didimatsa.+Ope fela yo o matlho a mabela le yo o pelo e ikgodisang,+Ga ke kgone go mo itshokela.+
6 Matlho a me a mo bathong ba ba ikanyegang ba lefatshe,+Gore ba tle ba nne le nna.+Yo o tsamayang ka tsela ya go tlhoka molato,+Ke ene yo o tla ntirelang.+
7 Mo ntlong ya me ga go kitla go nna modiri ope wa tsietso.+Fa e le ope fela yo o buang maaka, ga a kitla a tlhomamisiwa ka thata+Fa pele ga matlho a me.+
8 Moso le moso ke tla didimatsa baikepi botlhe ba lefatshe,+Gore botlhe ba ba dirang se se utlwisang botlhoko+ ke ba kgaole mo motseng+ wa ga Jehofa.
