Yesu amekuwa akipatia wanafunzi wake mashauri ya muzuri kuhusu namna ya kutumia mali za kimwili. Lakini haiko wanafunzi wake tu ndio wamekuwa wakisikiliza. Wafarisayo pia wako pale, na walipaswa kuchukua mashauri ya Yesu kwa uzito. Sababu gani? Kwa sababu ni watu ‘wenye wanapenda sana feza.’ Wakati wanasikia mambo yenye Yesu anasema, ‘wanaanza kumuchekelea.’—Luka 15:2; 16:13, 14.

Lakini, hilo halimusumbue Yesu. Anawaambia hivi: “Ninyi munajionyesha mbele ya watu kuwa munafanya mambo yenye kuwa sawa, lakini Mungu anajua mioyo yenu. Kwa maana kitu chenye watu wanaona kuwa cha kuheshimiwa, ni kitu chenye kuchukiza katika macho ya Mungu.”—Luka 16:15.

Kwa muda murefu, Wafarisayo wamekuwa ‘wakijionyesha mbele ya watu,’ lakini sasa ni wakati wa mambo kugeuka kabisa. Watu wenye kuheshimiwa sana na wenye kuwa matajiri katika mali za ulimwengu, katika mamlaka ya politike, na wenye kuwa na nguvu katika mambo ya dini, wanapaswa kushushwa. Watu wa kawaida wenye wanatambua mahitaji yao ya kiroho watapandishwa. Yesu anaonyesha wazi kwamba mabadiliko makubwa yako yanatokea wakati anasema hivi:

“Ujumbe wa Sheria na Manabii ulitangazwa mupaka wakati wa Yohana. Tangu wakati huo, Ufalme wa Mungu unatangazwa kuwa habari njema, na watu wa kila namna wanajikaza sana kuufikia. Kwa kweli, ni vyepesi zaidi kwa mbingu na dunia kupita kuliko sehemu moja ya herufi ya Sheria kupita bila kutimia.” (Luka 3:18; 16:16, 17) Maneno ya Yesu yanaonyesha namna gani kwamba mabadiliko makubwa yako yanatokea?

Viongozi wa dini ya Kiyahudi wanajitapa kuwa wanashika Sheria ya Musa. Kumbuka kwamba wakati Yesu aliponyesha kipofu mwanaume katika Yerusalemu, Wafarisayo walisema hivi kwa majivuno: “Sisi ni wanafunzi wa Musa. Tunajua kama Mungu alisema na Musa.” (Yohana 9:13, 28, 29) Kusudi moja la Sheria yenye ilitolewa kupitia Musa ilikuwa kuongoza watu wanyenyekevu kwa Masiya, ni kusema, kwa Yesu. Yohana alimutambulisha Yesu kuwa Mwana-kondoo wa Mungu. (Yohana 1:29-34) Kuanzia utumishi wa Yohana, Wayahudi wanyenyekevu, zaidi sana maskini, wamekuwa wakisikia habari juu ya “Ufalme wa Mungu.” Ndiyo, kuko “habari njema” kwa wote wenye kupenda kuwa raia wa Ufalme wa Mungu na kupata baraka zake.

Sheria ya Musa haishindwe kutimia; lakini imeongoza kwenye Masiya. Zaidi ya hilo, karibuni watu hawatalazimika tena kuifuata. Kwa mufano, Sheria iliruhusu kuvunja ndoa juu ya sababu mbalimbali, lakini Yesu anaeleza kwamba “kila mutu mwenye anavunja ndoa na bibi yake na kuoa mwingine anafanya uzinifu, na kila mutu mwenye anaoa mwanamuke mwenye ndoa yake ilivunjwa na bwana yake, anafanya uzinifu.” (Luka 16:18) Maneno hayo yanapaswa kukasirikisha  sana Wafarisayo wenye kupenda kutunga sheria katika kila jambo!

Sasa, Yesu anatoa mufano wenye kuonyesha mabadiliko makubwa yenye yako yanatokea. Mufano huo unahusu watu wawili, na hali ya kila mumoja kati yao inabadilika kabisa. Wakati uko unafikiria mufano huo, ukumbuke kwamba kati ya wale wenye kuusikiliza muko pia Wafarisayo wenye kupenda sana feza na wenye kutukuzwa na watu.

Yesu anasema: “Kulikuwa tajiri mumoja mwenye alikuwa anazoea kuvaa nguo za rangi ya zambarau na kitani, na kujifurahisha kila siku na kuishi maisha ya raha. Lakini mutu fulani wa kuomba-omba mwenye kuitwa Lazaro alikuwa analetwa kwenye mulango wake mukubwa; alikuwa amejaa vidonda, na alikuwa anatamani kujishibisha vitu vyenye kuanguka kutoka kwenye meza ya ule tajiri. Ndiyo, hata imbwa walikuwa wanakuja na kulambula vidonda vyake.”—Luka 16:19-21.

Wafarisayo wanapenda feza sana, haiko lazima kujiuliza kama “tajiri” mwenye kuzungumuziwa katika mufano wa Yesu ni nani. Viongozi wa dini ya Kiyahudi pia wanapenda kuvaa nguo za bei kali ili kujionyesha. Na zaidi ya utajiri wenye pengine wako nao, wanaonekana kuwa matajiri kwa sababu ya mapendeleo na cheo yao. Ndiyo, kuwalinganisha na mutu mwenye kuvaa nguo ya wafalme ya rangi ya zambarau, kunaonyesha hali yao ya kuheshimiwa na watu. Na kitani ya mweupe inafananisha namna wanajiona kuwa ni watu wenye kufanya mambo yenye kuwa sawa.—Danieli 5:7.

 Namna gani matajiri hawa, viongozi wenye kiburi wanawaona maskini, watu wa kawaida? Wanawazarau kwa kuwaona kuwa ‛am ha·’aʹrets, ao watu wa udongo, wenye hawajue Sheria na wenye hawastahili kufundishwa Sheria hiyo. (Yohana 7:49) Hilo linaonyesha hali ya “mutu fulani wa kuomba-omba mwenye kuitwa Lazaro,” mwenye kuwa na njaa kubwa hivi kwamba anatamani hata kula “vitu [vidogo-vidogo] vyenye kuanguka kutoka kwenye meza ya ule tajiri.” Kama Lazaro mwenye alijaa vidonda, watu wa kawaida wanazarauliwa, kama vile ni wagonjwa kiroho.

Hali hiyo yenye huzuni imekuwa ikiendelea kwa wakati fulani, lakini Yesu anajua kwamba wakati umefika wa mabadiliko makubwa katika hali ya wale wenye kuwa kama ule tajiri na wale wenye kuwa kama Lazaro.

Yesu anaendelea kuzungumuzia mabadiliko haya makubwa ya hali. Anasema: “Kisha wakati fulani, ule mutu wa kuomba-omba akakufa, na malaika wakamubeba na kumupeleka pembeni ya Abrahamu. Pia, ule tajiri akakufa na kuzikwa. Na katika Kaburi akainua macho yake, alikuwa anateseka sana, na akamuona Abrahamu kwa mbali na Lazaro pembeni yake.”—Luka 16:22, 23.

Wale wenye kusikiliza Yesu wanajua kwamba Abrahamu alikufa tangu zamani na iko katika Kaburi. Maandiko yanaonyesha waziwazi kwamba hakuna mutu katika Kaburi, ao Sheoli, mwenye anaweza kuona ao kusema, kutia ndani Abrahamu. (Mhubiri 9:5, 10) Kwa hiyo basi, viongozi hawa wa dini wanafikiri Yesu anapenda kusema nini wakati anazungumuzia mufano huo? Anapenda kuonyesha nini kuhusu watu wa kawaida na viongozi wa dini wenye kupenda sana feza?

Yesu amezungumuzia mabadiliko wakati alisema kwamba ‘Sheria na Manabii vilitangazwa mupaka wakati wa Yohana. Tangu wakati huo, Ufalme wa Mungu unatangazwa kuwa habari njema.’ Kwa hiyo, kupitia kazi ya kuhubiri ya Yohana na Yesu Kristo, Lazaro na tajiri wanakufa kuhusiana na hali zao za zamani, na wanakuwa na hali mupya mbele ya Mungu.

Watu wanyenyekevu na maskini wamekuwa na njaa ya kiroho kwa wakati murefu. Lakini wanapokea musaada na wanakubali ujumbe kuhusu Ufalme wenye ulitolewa kwanza na Yohana Mubatizaji, na kisha Yesu. Zamani, walipaswa kula ‘vitu vidogo vyenye kuanguka kutoka kwenye meza ya kiroho’ ya viongozi wa dini. Sasa wanalishwa kweli ya maana ya Maandiko, zaidi sana mambo ya muzuri sana yenye Yesu anafundisha. Ni kama vile mwishowe wako katika hali ya kukubaliwa na Yehova Mungu.

Lakini, viongozi wa dini wenye kuwa matajiri na wenye kujulikana sana wanakataa kuitika ujumbe wa Ufalme wenye Yohana alitangaza na wenye Yesu amekuwa akihubiri mahali pote katika inchi.  (Matayo 3:1, 2; 4:17) Kwa kweli, wanakasirika, ao kuteseka, kwa sababu ya ujumbe huo, ujumbe wenye kuhusu hukumu ya Mungu yenye itakuja yenye kuwa kama moto. (Matayo 3:7-12) Viongozi hao wa dini wenye kupenda sana feza wangetulizwa kama Yesu na wanafunzi wake wangeacha kutangaza ujumbe wa Mungu. Viongozi hawa ni kama mwanaume tajiri katika mufano, mwenye anasema: “Baba Abrahamu, unisikilie huruma, na utume Lazaro aingize sehemu ya mwisho ya kidole chake katika maji na kupoleza ulimi wangu, kwa maana niko katika uchungu katika moto huu mukali”—Luka 16:24.

Lakini haitakuwa vile. Viongozi wengi wa dini hawatabadilika. Walikataa kusikiliza “Musa na Manabii.” Maandishi ya manabii hao yangewaongoza wakubali kwamba Yesu ni Masiya wa Mungu na Mufalme. (Luka 16:29, 31; Wagalatia 3:24) Wala hawajinyenyekeze na kukubali kufundishwa na maskini wenye wanamukubali Yesu na wenye wanakubaliwa na Mungu. Wanafunzi wa Yesu kwa upande wao, hawawezi kuacha imani yao ao kupunguza uzito wa kweli juu tu ya kufurahisha viongozi wa dini ao ili kuwatuliza. Katika mufano wake, Yesu anaeleza hali hii kupitia maneno yenye “Baba Abrahamu” alimwambia ule tajiri:

“Mutoto wangu, kumbuka kwamba ulikuwa na vitu vingi vya muzuri wakati wa maisha yako, lakini Lazaro alipata mambo mabaya. Hata hivyo, sasa anapata faraja hapa, lakini wewe uko katika uchungu. Na zaidi ya mambo hayo yote, shimo kubwa limewekwa kati yetu na ninyi, na hivyo wale wenye wanataka kutoka kwetu ili kuja kwenu hawawezi, na watu hawawezi kuvuka kutoka kule kuja kwetu.”—Luka 16:25, 26.

Ni jambo lenye kufaa na la haki kwamba mabadiliko makubwa yamefanyika! Yanaleta mabadiliko ya hali kati ya viongozi wa dini wenye kujivuna na watu wanyenyekevu wenye wanakubali nira ya Yesu na wenye kisha wanapumuzishwa na kulishwa kiroho. (Matayo 11:28-30) Mabadiliko haya yataonekana wazi zaidi kisha miezi fulani wakati agano jipya litachukua nafasi ya agano la Sheria. (Yeremia 31:31-33; Wakolosai 2:14; Waebrania 8:7-13) Wakati Mungu atamwanga roho yake takatifu kwenye siku ya Pentekoste ya mwaka wa 33 kisha kuzaliwa kwa Yesu, itaonekana wazi kabisa kwamba wanafunzi wa Yesu ndio wamekubaliwa na Mungu, hapana Wafarisayo na wale wenye kuwaunga mukono.