Mbele tu ya Pasaka ya mwaka wa 32, mitume walirudia kutoka mu kazi ya kuhubiri. Kwa sababu walikuwa wamechoka, Yesu na mitume wake walipanda mu mashua (bateau) ya kuenda Betsaida ili wapumuzike. Lakini wakati mashua ilikaribia kufika pembeni ya bahari, Yesu aliona kama watu mingi walikuwa wamewafuata. Hata kama alipenda yeye na mitume wake wakuwe peke yao, alitendea muzuri wale watu. Aliponyesha wagonjwa wao, na alianza kuwafundisha. Ile siku yote, aliwafundisha juu ya Ufalme wa Mungu. Wakati ilikuwa mangaribi, mitume walimuambia: ‘Watu wanasikia njaa. Uwaambie waende kujitafutia chakula.’

Yesu akawajibu: ‘Haiko lazima waende. Munaweza kuwapatia chakula hapa.’ Kisha, Mitume wakamuuliza: ‘Unataka tuende kuwauzia mikate?’ Filipo, mumoja wa mitume, akasema: ‘Hata tukuwe na feza mingi hatutaweza kuuza mikate yenye itawashibisha.’

Yesu akauliza: ‘Tuko na chakula gani?’ Andrea akamujibu: ‘Tuko tu na mikate tano na samaki mbili za kidogo-kidogo. Ile chakula haitaenea watu wote wenye kuwa hapa. Yesu akasema: ‘Muniletee ile mikate na samaki.’ Kisha, akaambia watu wakae juu ya majani, wajipange mu vikundi-vikundi vya watu 50 na 100. Yesu akakamata mikate na samaki, akaangalia juu mbinguni, na kusali. Kisha akapatia mitume, mitume nao wakapatia watu. Wanaume 5000, wanamuke, na watoto wakakula na  kushiba. Kisha, mitume wakakusanya chakula chenye kilibakia, ili kusikuwe chakula chenye kingetupwa. Chakula chenye kilibakia kilijaa vitunga 12. Ule ni muujiza wenye kushangaza sana, hauone vile?

Watu walifurahi sana na walitaka kumufanya Yesu akuwe mufalme wao. Lakini Yesu alijua kama wakati wenye Yehova alimuwekea ili akuwe mufalme ulikuwa haujafika. Kwa hiyo, aliambia watu warudie na akaambia mitume waende ngambo ingine ya Bahari ya Galilaya. Mitume walipanda mu mashua, lakini Yesu alienda ku mulima peke yake. Juu ya nini? Kwa sababu alipenda asali kwa Baba yake. Hata wakati alikuwa na mambo mingi ya kufanya, Yesu alitafuta wakati wa kusali.