Biblia Inasema Nini Kuhusu Tatizo ya Maji mu Dunia Yote?

CHAGUA LUGA

Siye wote tuko na lazima ya maji safi juu tuishi. Lakini Secrétaire général wa Umoja wa Mataifa António Guterres alionya hivi: “Juu watu wako na lazima ya maji zaidi mu dunia yote, tunapambana na tatizo kubwa ya maji.” Tayari mamiliare ya watu mu dunia yote hawapate maji safi ya kunywa.

Strdel/AFP via Getty Images

Kuko siku watu wote watakuwa na maji ya kutosha? Ao tutaendelea kuwa na tatizo ya kupata maji? Biblia inasema nini?

Mambo yenye Biblia inaahidi kuhusu maji

Biblia inasema kama kuko siku watu hawatakosa tena maji. Na hata inasema kutakuwa maji mingi, yenye kuwa safi.

“Maji yatabubujika katika jangwa, na mito midogo katika jangwa tambarare. Inchi yenye kukaushwa na joto itakuwa kama kiziwa cha maji chenye matete, na inchi yenye kiu kama chemchemi za maji.”—Isaya 35:6, 7.

Juu ya nini tunaweza kuamini mambo yenye Biblia inaahidi? Tuone jambo fulani yenye Biblia inasema juu ya namna dunia yetu iliumbwa.

Mambo yenye Biblia inasema kuhusu dunia na muzunguuko wa maji

“[Mungu] hakuiumba [dunia] tu bila sababu, lakini aliifanya ili ikaliwe na watu.”—Isaya 45:18.

Juu Mungu aliumba dunia ili watu waweze kuishi ndani, aliweka mufumo fulani wa asili wa kusaidia siku zote kukuwe maji mingi yenye kuwa safi.

“[Mungu] anakusanya juu matone ya maji; yanagandamana katika kunguku yake na kufanyiza mvua; Kisha mawingu yanamwanga maji hayo chini; yananyesha kwa wingi juu ya wanadamu.”—Yobu 36:27, 28.

Mu maneno ya mwepesi, hii andiko inafasiria muzunguko wenye kutegemeka wenye Yehova aliweka ili kututolea maji safi. Wakati jua inapiga juu ya maji yenye kuwa ndani ya mito na bahari, muvuke inapanda, inagandamana, na kisha inanyesha kama mvua. Ile inafanya watu na wanyama waendelee kuwa na maji safi.—Muhubiri 1:7; Amosi 5:8.

“Nitawapatia matone ya mvua kwa wakati wake wenye kufaa, na inchi itatoa mazao yake, na miti ya mashamba itatoa matunda yake.”—Mambo ya Walawi 26:4.

Mungu aliahidi kama atabariki Waisraeli wa zamani, wenye walikuwa walimaji, kwa kuwatolea vipindi vya mvua na ile ingefanya wavune chakula ya mingi. Alijua kama juu udongo utoe chakula ya mingi, inaomba kukuwe mvua ya kutosha kwa wakati wenye kufaa.

Mungu atafanya ku dunia yote mambo yenye alifanya mu Israeli ya zamani. (Isaya 30:23) Lakini kwa sasa, mu sehemu mingi za dunia, kunaendelea kuwa tatizo ya kupata maji. Mvua kukosekana ni moja kati ya mambo yenye inaleta ile tatizo. Biblia inasema nini ingine kuhusu namna ya kumaliza tatizo ya maji?

Namna tatizo ya maji itaisha

Biblia inasema kama kupitia Ufalme wake, Mungu atamaliza matatizo yenye iko ku dunia, hata tatizo ya kukosa maji yenye tuko nayo leo. (Matayo 6:9, 10) Ufalme wa Mungu ni serikali yenye kuwa mbinguni, yenye itatawala dunia. (Danieli 2:44; Ufunuo 11:15) Tena, Ufalme wa Mungu utafanya mambo yenye serikali za wanadamu haziwezi kufanya, ni kusema itamaliza mambo yenye kuleta tatizo ya kupata maji.

Tatizo: Kubadilika kwa hali ya hewa ni kati ya mambo yenye inaharibisha muzunguko wa maji. Ile inafanya kukuwe kipwa ya nguvu sana. Inafanya pia kukuwe mvua ya mingi sana yenye inaharibisha vitu na kufanya bahari ziyale sana; na wakati bahari zinayala sana maji inaenda ku inchi kavu na kuharibu vitu.

Namna hii tatizo itamalizika: Ufalme wa Mungu utarudisha hali ya muzuri ya mazingira na kufanya dunia yetu ikuwe tena muzuri. Mungu anaahidi hivi: “Angalia! Ninafanya vitu vyote kuwa vipya.” (Ufunuo 21:5) Maeneo yenye kukauka itakuwa tena na maji mingi ya muzuri na ile itafanya iwezekane kuishi fasi kwenye leo hakuna hata mimea na wanyama. (Isaya 41:17-20) Chini ya utawala wa Yesu Kristo, Ufalme wa Mungu utafanya nguvu za asili za dunia zisilete tena uharibifu.

Wakati Yesu alikuwa ku dunia, alituliza upepo mukali wenye kuogopesha. Kwa kufanya vile alitusaidia kuelewa kwa kiasi kidogo tu nguvu mingi yenye Mungu alikuwa amemupatia. (Marko 4:39, 41) Chini ya utawala wa Yesu Kristo, Mufalme wa Ufalme wa Mungu, hakutakuwa tena misiba ya asili. Watu watakuwa na amani ya kweli na usalama, hawataogopa musiba wowote.

Tatizo: Wanadamu wenye hawafikiriake matokeo ya matendo yao, na kompanyi zenye pupa zinachafua mitoni, ziwa, na maji yenye kuwa chini ya udongo. Ile inaongeza tatizo ya kupata maji safi.

Namna hii tatizo itamalizika: Mungu atasafisha dunia, mitoni, ziwa, bahari, na udongo. Dunia itakuwa paradiso. Biblia inasema hivi kwa kutumia maneno ya mufano: “Jangwa na inchi yenye kukauka vitafurahi, jangwa tambarare litashangilia na kutoa maua kama zafarani.”—Isaya 35:1.

Ni nini itapata wale wenye hawahangaikie mazingira ao wanadamu wenzao? Mungu anaahidi “kuharibu wale wenye wanaharibu dunia.”—Ufunuo 11:18; Mezali 2:21, 22.

Tatizo: Watu wanatumikisha maji mubaya, hawaachie dunia wakati wa kutosha ili itokeze maji safi.

Namna hii tatizo itamalizika: Kupitia Ufalme wa Mungu, mapenzi yake, hapana ya wanadamu wenye kujifikiria, njo ‘itafanyika . . . duniani.’ (Matayo 6:9, 10) Ufalme wa Mungu utatolea raia wake elimu ya muzuri sana. Isaya 11:9 inasema hivi: “Dunia hakika itajaa ujuzi juu ya Yehova”. a Juu wanadamu watakuwa na elimu ya juu sana na watamupenda sana Mungu na uumbaji wake wote, ile itafanya wahangaikie muzuri sana dunia yetu yenye kupendeza na vitu vyote vyenye kuwa ku dunia.

Ili kujua mambo ya mingi juu ya mambo yenye Ufalme wa Mungu utafanya, ona habari “Ufalme wa Mungu Utatimiza Nini?”
Soma sura ya 35 ya kitabu ya Isaya, juu uone namna dunia itageuzwa na kuwa paradiso.
Angalia video Sababu Gani Mungu Aliumba Dunia? juu ujue mambo ya mingi kuhusu kusudi ya Mungu juu ya dunia na wanadamu.