“Siye wote tunataka maisha yetu ikuwe kama zamani.”​—Angela Merkel, Waziri mukuwa wa Alemanye.

 Vile COVID-19 iko naendelea kuua watu, tunaweza kuitikia maneno yake. Lakini, maisha ya “kawaida” ni nini? Watu wanategemea kufanya nini?

•   Kuishi sawa vile walikuwa wanaishi mbele Covid-19 ianze. Watu fulani wanapendaka kuishi na wengine, kukumbatiana na kusalimiana kwa mikono, na kusafiri. Kulingana na doktere Anthony Fauci a watu wanaona kama “kurudilia maisha ya kawaida” ni “kuenda ku restaurant, kutembelea fasi kwenye wanachezaka théâtre na mambo ingine sawa ile.”

•   Kufanya maisha yao ikuwe muzuri. Watu fulani wanaona nafasi ya kuwa na “maisha ingine ya sasa,” ni kusema, maisha ya muzuri kushinda ile walikuwa nayo mbele. Wanaona kama huu ulimwengu wenye uko na kazi za kulazimishana, ubaguzi, watu wenye kuwa na akili ya mubaya unapaswa kubadilika. Klaus Schwab, mwenye alianzisha Forum économique mondial, anasema hivi: “Ugonjwa wa kuambukiza unafanya ikuwe nguvu kufikiri namna maisha yetu inapaswa kuwa ao kutengeneza tena ulimwengu wetu.”

 Magonjwa inaleta mambo mingi ya mubaya kwa watu na inafanya watu wakose tumaini ya kuwa na maisha ya muzuri tena. Kwa mufano, wengi wamepoteza kazi, nyumba, afya yao ya muzuri, na jambo ya mubaya zaidi ndugu zao wamekufa.

 Kwa kweli, hakuna mutu anaweza kutabiri vile ulimwengu utakuwa kisha huu ugonjwa wa kuambukiza kuisha. (Muhubiri 9:11) Hata vile, Biblia inaweza kutusaidia kuwa na mawazo ya muzuri juu ya wakati wenye kuja na namna ya kupambana na hali yote yenye itatufikia. Kwa kuongezea, Biblia inazungumuzia wakati wa muzuri wenye kuja, wenye pengine hauwazie.

 Tangu zamani, Biblia ilitabiri kama “magonjwa ya kuambukiza” ingetokea katika “umalizio wa mupangilio wa mambo.” (Luka 21:11; Matayo 24:3) Tukiangalia COVID-19 na tuko na ile mawazo mu akili, tutaiona kama moja ya matukio makubwa​—sawa vile vita, matetemeko makubwa ya inchi, na upungufu wa chakula​—yenye unabii wa Biblia ilisema kama itatokea.

 Kujua ile kunatusaidia namna gani? Hata kama hali zinaweza kuwa muzuri zaidi mu kipindi ya ugonjwa wa kuambukiza, Biblia inatuonya kama tunaishi katika “nyakati za hatari zenye kuwa ngumu kuvumilia.” (2 Timoteo 3:1) Kujua ile kunatusaidia kuona mambo vile iko na kuwa na matazamio ya muzuri mu hii wakati ya magumu.

 Biblia inatupatia hii wazo ya muzuri: Ulimwengu huu wenye uko na magumu mingi utabadilishwa mu masiku kidogo. Ni mabadiliko gani itatokea?

 Biblia haikutabiri tu mambo ya mubaya yenye iko natokea leo, ilitabiri pia wakati wa muzuri wenye utafika hivi karibuni. Inaonyesha wakati wenye kuja wa muzuri sana wenye hakuna serikali ya mwanadamu inaweza kuleta, lakini Mungu tu. “Atapanguza kila chozi katika macho yao, na kifo hakitakuwa tena, wala maombolezo wala kilio wala maumivu havitakuwa tena.”​—Ufunuo 21:4.

 Yehova b Mungu aliahidi hivi: “Angalia! Ninafanya vitu vyote kuwa vipya.” (Ufunuo 21:5) Atamaliza magumu yote ya mu dunia na hata ile yenye ugonjwa wa kuambukiza umeleta. Ataleta hii mambo:

•   Afya ya kimwili na ya akili yenye kuwa kamilifu, hapana tena magonjwa na kifo.​—Isaya 25:8; 33:24.

•   Kazi ya muzuri yenye kuleta furaha, hapana kazi ya nguvu ya kulazimisha ao ya kuchokesha watu.​—Isaya 65:22, 23.

•   Maisha ya muzuri kwa kila mutu, hapana tena umaskini ao njaa.​—Zaburi 72:12, 13; 145:16.

•   Kuponesha mikazo na kuleta furaha ya kuwaona wapendwa wetu wanafufuliwa.​—Isaya 65:17; Matendo 24:15.

 Kujua ile kunatusaidia namna gani? Biblia inasema kama: “Tuko na tumaini hilo kama nanga ya uzima wetu.” (Waebrania 6:19, maelezo ya chini) Tumaini hii kuhusu mambo ya muzuri yenye kuja inatusaidia sana. Inaweza kutusaidia kupambana na matatizo yenye kutupata leo, kupunguza mahangaiko na kuwa na hisia ya muzuri.

 Juu ya nini uamini ahadi za Biblia? Soma habari yenye kichwa: “Biblia Ni Kitabu Chenye Kinatusaidia Kupata Kweli.”

•   Heshimia uzima

   Andiko: “Hekima inalinda uzima wa mwenye kuwa nayo.”​—Muhubiri 7:12.

   Iko na maana gani kwako? Kukamata maamuzi ya muzuri juu ya kupunguza uwezekano wa kugonjwa. Kujua hatari mu eneo yako. Kufuata sheria kuhusu kulinda afya, kujua maambukizi iko mingi kadiri gani, na ni watu ngapi wenye walishapata doses za vaccin zenye zinaombwa.

•   Ukuwe muangalifu

   Andiko: “Mwenye hekima ni muangalifu na anaepuka uovu, lakini mujinga hahangaike, na anajiaminia sana.”​—Mezali 14:16.

   Iko na maana gani kwako? Endelea kufanya nguvu juu uchunge afya yako. Watu wenye kuangalia mambo ya afya wanasema kama Corona itaendelea kuwa kwa masiku mingi.

•   Tumia habari ya kweli

   Andiko: “Mujinga anaamini kila neno, lakini mwerevu anafikiria sana kila hatua.”​—Mezali 14:15.

   Iko na maana gani kwako? Chagua kwa uangalifu mashauri ya kufuata. Kuchakula kwako kuko na maana sana juu afya yako inaweza kuharibika kama unakamata maamuzi yenye inafuata habari ya uongo.

•   Tumainia kama mambo itabadilika

   Andiko: “Usiseme: ‘Sababu gani siku za zamani zilikuwa muzuri zaidi kuliko siku hizi?’ kwa maana haiko hekima ndiyo inakufanya uulize vile.”​—Muhubiri 7:10.

   Iko na maana gani kwako? Amua kuishi maisha yenye utaweza. Hapana kuanza kukumbuka-kumbuka sana vile maisha ilikuwa mbele ugonjwa wa kuambukiza uanze, na usikuwe na mawazo juu ya mambo yenye haukufanya kwa sababu ya ugonjwa wa kuambukiza.

•   Heshimia watu wengine

   Andiko: “Muheshimie watu wa namna zote.”​—1 Petro 2:17.

   Iko na maana gani kwako? Watu walitenda mu namna mbalimbali wakati coronavirus ilitokea. Heshimia mawazo yao, lakini bakia na maamuzi yako ya muzuri yenye ulikamata. Ukuwe muangalifu na watu wenye hawajapata vaccin, wazee-wazee, na watu wenye kuwa na matatizo ya afya.

•   Ukuwe muvumilivu

   Andiko: “Upendo ni wenye uvumilivu na wenye fazili.”​—1 Wakorinto 13:4.

   Iko na maana gani kwako? Ukuwe na fazili wakati watu wengine wanaonyesha mawazo yao juu ya kurudilia maisha yenye walikuwa nayo mbele ya coronavirus. Wakati uko napanga mambo yako, ukuwe muvumilivu na maisha yako kadiri hali inaanza kuwa mwepesi.

 Mashahidi wa Yehova wanategemea ahadi za Biblia juu ya kuwa na wakati wenye kuja wa muzuri, na inawasaidia kutegemea ile wakati. Wanasaidiana kwa kufuata maagizo ya Biblia ya kuwa na mikutano juu ya kuabudu Mungu. (Waebrania 10:24, 25) Kila mutu anakaribishwa kuingia mu mikutano ya Mashaidi wa Yehova, yenye iko nafanyika kupitia vidéoconférence mu hii wakati ya coronavirus.

 Wengine wanasema kama kukusanyika na Mashahidi wa Yehova mu hii wakati ya matatizo inawasaidia sana. Kwa mufano, mwanamuke moya mwenye alipata coronavirus alikubali mwaliko wa kukusanyika na Mashahidi wa Yehova kupitia vidéoconférence. Mikutano ilimusaidia sana kuwa na mawazo ya muzuri hata kama alikuwa na coronavirus. Kisha alisema: “Najisikia kama na miye niko mu hii familia. Kusoma Biblia kunanipatia amani ya akili na ya moyo. Inanisaidia kuangalia tumaini yangu ya wakati wenye kuja, na hapana kuangalia magumu yangu. Aksanti sana kwa kunisaidia kumujua ule Mungu mwenye nilikuwa natafuta mu maisha yangu yote.”