Mu dunia yote, kuwa vegan ni jambo yenye watu wengi wanaanza kupenda sana.

•   “Kuwa vegan ni namna ya kuwaza na ya kuishi kwa kuepuka kadiri inawezekana kutendea wanyama mubaya ao kula chakula yoyote yenye muko nyama, na kuepuka kutumia wanyama juu ya ketengeneza nguo ao kitu ingine yoyote.”​—Vegan Society.

 Watu wengine wanakuwa wa vegan, haiko tu juu ya kuhangaikia wanyama, lakini pia juu wanapenda mazingira isiharibike, juu wanapenda kuwa na afya ya muzuri, ao juu ya dini yao inawaomba wafanye vile.

•   “Kuwa vegan haiko tu kuchagua aina fulani ya chakula yenye utakula ao hapana, lakini ni namna ya kuona mambo, ni uamuzi wenye mutu anaona kuwa ni muzuri akamate, na ni njia yenye itasaidia kila mutu kufanya dunia ikuwe muzuri zaidi.”​—Britannica Academic.

 Je, ni kuwa vegan njo kutafanya dunia ikuwa muzuri mu wakati wenye kuya? Biblia inasema nini?

 Biblia inaonyesha kama Yehova Mungu a, Muumbaji wetu, anaona wanadamu kuwa wa maana zaidi kuliko wanyama na alipatia watu mamlaka juu ya wanyama. (Mwanzo 1:27, 28) Zaidi ya ile, Yehova aliruhusu wanadamu wakule wanyama. (Mwanzo 9:3) Lakini hapendi watu watendee wanyama mubaya.​—Mezali 12:10.

 Kulingana na Biblia, kila mutu iko na haki ya kuamua ikiwa atakula nyama ao hapana. b Haiko kula nyama ao kukatala kuikula njo kunafanya mutu akuwe wa maana zaidi kwa Mungu. (1 Wakorinto 8:8) Hakuna mutu mwenye anapaswa kuchambua uamuzi wa mwingine kuhusu vitu vyenye anachagua kula.​—Waroma 14:3.

 Biblia inaonyesha kama haiko namna yetu ya kuishi njo itamaliza magumu ku dunia. Magumu mingi inatokana na mambo ya politike, mambo ya biashara, na hali ya maisha ya watu. Ile mambo imeharibika sana na hakuna mutu mwenye anaweza tena kuitengeneza. Biblia inasema hivi:

•   “Kitu chenye kukunjama hakiwezi kunyooshwa.”​—Muhubiri 1:15.

 Muumbaji wetu njo mwenye atamaliza magumu yote yenye tuko nayo leo. Biblia inatumia maneno ya mufano ili kuonyesha mambo yenye Mungu atafanya.

•   “Na nikaona mbingu mupya na dunia mupya; kwa maana mbingu ya kwanza na dunia ya kwanza vilikuwa vimepita, na bahari haiko tena.”​—Ufunuo 21:1.

 Mungu atatosha serikali zote za wanadamu ao “mbingu ya kwanza,” na ataweka “mbingu mupya,” ni kusema Ufalme wake wa mbiguni. Ufalme wake utatosha “dunia ya kwanza,” ni kusema watu wabaya na utatawala “dunia mupya,” ni kusema wale wenye wako tayari kujitiisha chini ya mamlaka yake.

 Ni chini tu ya utawala wa Ufalme wa Mungu njo wanadamu watajifunza kuishi kwa amani pamoya na wanyama na kuheshimia mazingira.​—Isaya 11:6-9.