Unawaza “Haiwezekane?”

MASHUA Titanic, iliyoanza safari yake kwa mara ya kwanza katika mwaka wa 1912, ndiyo ilikuwa mashua kubwa na nzuri sana ya wakati ule. Mafundi waliotengeneza mashua hiyo walisema kama “haiwezekane kuzama” kwa sababu ilitengenezwa kwa njia ya ajabu. Watu wengi wanajua kile kilichotukia, ni kusema, kuzama kwa mashua hiyo. Wakati wa safari yake ya kwanza tu, iligonga barafu (maji yaliyoganda na kuwa kama jiwe) huko kaskazini mwa bahari Atlantiki, kwa hiyo ikazama na watu 1500 wakakufa. Mashua ambayo mafundi walisema kama haiwezekane kuzama, ilishuka ndani ya bahari na kupotea kwa muda mufupi tu.

Tunaweza kuwaza kama jambo fulani “haliwezekane” kwa sababu hatuna uwezo wa kupambana nalo, kulitimiza, ao kulielewa. Mambo ambayo teknolojia inatimiza leo yalionekana kuwa hayawezekane wakati wa zamani kwa sababu wakati huo wanadamu hawakuwa na uwezo wa kuyafanya ao hata kuyawazia. Miaka 50 iliyopita, wanadamu hawakuwazia kama inawezekana kwenda kwenye mwezi, kutuma chombo kwenye Planète Mars na kukiongoza kutoka duniani, kuelewa vizuri sehemu zote za chembe za uriti za mwanadamu, kuona kwa njia ya televizyo, mambo yanayotendeka katika muji fulani ao duniani pote. Lakini leo, hayo ni mambo ya kawaida ambayo yalionekana kuwa hayawezikani. Ronald Reagan, raisi wa zamani wa États-Unis, alizungumuzia waziwazi jambo hilo alipowaambia wanasayansi fulani wenye kujulikana sana kama, mambo ambayo zamani yalionekana kama hayawezekane, wanasayansi wameyafanya yawezekane leo.

Kwa sababu ya mambo yenye kushangaza yanayotendaka leo, Profesere John Brobeck alisema hivi: “Mwanasayansi hawezi tena kusema kama jambo fulani haliwezekane. Anaweza tu kusema huenda lisitukie. Lakini anaweza kusema kama haliwezikane ili kumaanisha kama halijaeleweka kulingana na ujuzi wa sasa.” Profesere huyo aliendelea kusema kama ikiwa jambo fulani halijaeleweka kulingana na ujuzi wetu wa sasa, jambo hilo ni muujiza kwetu. Na katika maandishi yetu muujiza huo ni nguvu za Mungu.”

Mambo Yote Yanawezekana kwa Mungu

Miaka mingi mbele Profesere Brobeck aseme maneno hayo, Yesu wa Nazareti, anayejulikana kuwa mutu mukubwa zaidi aliyepata kuishi, alisema hivi: “Mambo yasiyowezekana kwa  wanadamu yanawezekana kwa Mungu.” (Luka 18:27) Roho takatifu ya Mungu ndiyo nguvu kubwa zaidi ulimwenguni. Haiwezi kulinganishwa na teknologia kwa njia yoyote. Roho takatifu inaweza kutuwezesha kufanya mambo ambayo haiwezekane tufanye kwa nguvu yetu wenyewe.

Sisi wanadamu, mara nyingi tunapatwa na hali ambazo tunaona kama hatuwezi kupambana nazo. Kwa mufano, ikiwa mutu tuliyemupenda anakufa ao ikiwa maisha yetu ya familia ni yenye kujaa na matatizo ao ikiwa namna yetu ya kuishi inatufanya tupoteze tumaini, tunajisikia kuwa wenye kuchoka na maisha na tunavunjika moyo sana. Namna gani tunaweza kupambana na hali kama hizo?

Biblia inatuambia kama mutu anaweza kupambana na hali zinazoonekana kuwa ngumu sana ikiwa anamutumaini Mungu Mweza Yote, anasali ili kupata roho Yake takatifu, na anafanya yote awezayo ili kumupendeza. Ona maneno haya ya Yesu yenye kutia moyo: ‘Kwa kweli ninawaambia ninyi kwamba mutu yeyote anayeuambia mulima huu, ongoka ukatupwe baharini, naye hana shaka moyoni mwake lakini ana imani kwamba yale anayosema yatatukia, itakuwa hivyo kwake.’ (Marko 11:23) Ikiwa tunaacha nguvu za Neno la Mungu na roho yake viongoze maisha yetu, hakuna hali ambayo tunaweza kusema haiwezekane ao ambayo inaweza kuonekana kwetu kuwa ngumu kupambana nayo.

Ona kwa mufano mwanaume fulani ambaye bibi yake alikufa na ugonjwa wa cancer kisha miaka 38 ya ndoa. Alivurugika sana. Aliona kama haiwezekane apambane na hali yake. Kulikuwa na wakati ambapo alitaka tu kufa kuliko kuendelea kuishi bila bibi yake. Alisema kama alijisikia kuwa mwenye kutembea katika bonde la giza. Anapokumbuka hali hiyo, anasema kama kusali kwa moyo wote, kusoma Biblia kila siku, na kutafuta muongozo wa roho takatifu ya Mungu, kulimusaidia apambane na hali hiyo ambayo aliwaza haiwezekane kupambana nayo.

Ndoa ya bwana moja na bibi yake huko Îles Salomon ilikuwa na magumu mengi, ni kusema, ilikuwa karibu kuvunjika. Bwana huyo alikuwa mukali sana na alikuwa na tabia mbaya nyingi. Bibi yake aliona kama haiwezekane kuendelea na maisha. Alijaribu hata kujiua. Kisha bwana yake akaanza kujifunza Biblia na Mashahidi wa Yehova. Mambo aliyojifunza yalimusaidia abadili tabia zake na hali yake ya jeuri. Bibi yake alishangaa sana kuona mabadiliko hayo, kwa sababu aliwaza kama “haiwezekane” bwana yake abadilike.

Mwanaume mwengine anaeleza kama alivunjika moyo sana kwa sababu alikuwa anatumia dawa za kulewesha na alikuwa na mwenendo muchafu. Anasema hivi: “Nilipoteza heshima yangu yote.” Kwa bidii alisali Mungu hivi: “Bwana, ninajua kama uko. Tafazali, unisaidie!” Mungu alisikiliza sala yake. Alianza kujifunza Biblia na Mashahidi wa Yehova, na akafanya mabadiliko makubwa katika maisha yake. Anasema hivi: “Nilianza kujihukumu kila mara na kujisikia kuwa sifai kitu. Wakati fulani nilikuwa mwenye kuvunjika moyo sana. Lakini, Neno la Mungu lilinisaidia kushinda mawazo hayo yenye kusumbua. Nilipokosa usingizi, nilianza kurudilia maandiko niliyojifunza. Maandiko hayo yalinisaidia sana kuondoa mawazo mabaya.” Sasa mwanaume huyo ni mwenye furaha katika ndoa yake. Yeye na bibi yake wanahubiri kwa bidii ili kusaidia wengine waamini kama Neno la Mungu lina nguvu ya kubadilisha maisha ya watu. Alipokuwa kijana mwenye kuvurugika, angewaza kama haiwezekane maisha yake yabadilike.

Mifano ambayo tumezungumuzia inaonyesha kama Neno la Mungu lina nguvu sana na kama roho takatifu yake inaweza kutimiza katika maisha yetu mambo ambayo tuliwaza kama “hayawezekane.” Lakini, unaweza kusema: Ili kufikia hali hiyo, “inaomba kuwa na imani!” Ndiyo, na hiyo ni kweli. Hata Biblia inasema kama ‘bila imani haiwezekane kamwe kumupendeza [Mungu].’ (Waebrania 11:6) Ili kuelewa jambo hilo, wazia mufano huu: Rafiki  yako mumoja, labda musimamizi wa banki ao mutu fulani mwenye mamlaka, anakuambia hivi: “Usiogope, ikiwa una lazima ya kitu chochote, kuja unione.” Hakika, ahadi kama hiyo itakutia moyo sana, sivyo? Lakini, jua kama mara nyingi wanadamu hawatimize ahadi zao. Labda hali za rafiki yako zinaweza kubadilika na kufanya isiwezekane tena atimize ahadi yake, ijapokuwa anapenda kukusaidia. Kama rafiki huyo anakufa, nia yake nzuri na uwezo wake wa kukusaidia vinakwisha. Tofauti na rafiki huyo, hakuna hali yoyote isiyotazamiwa ambayo inaweza kumuzuia Mungu asitimize ahadi zake. Biblia inatuhakikishia hivi: “Hakuna jambo lisilowezekana kwa Mungu.”​—Luka 1:37, Biblia Takatifu.

“Je, Unaamini Hilo?”

Katika Biblia muna matukio mengi yanayoonyesha kabisa kama hakuna jambo lisilowezekana kwa Mungu. Tuzungumuzie matukio fulani.

Mwanamuke mwenye miaka 90 anayeitwa Sara alicheka wakati aliambiwa kama atazaa mutoto. Jambo hilo liliwezekana kabisa kwa sababu taifa la Israeli lilitokana naye. Mwanaume fulani alimezwa na samaki mukubwa, akakaa kwa muda wa siku tatu ndani ya tumbo la samaki huyo, kisha samaki huyo akamutapika na akaishi tena na yeye mwenyewe akaandika habari hiyo. Mwanaume huyo ni Yona. Luka, muganga aliyejua vizuri tofauti kati ya kuzimia na kufa, aliandika namna kijana anayeitwa Eutiko alivyoanguka kutoka kwenye dirisha la chumba cha juu na kufa, lakini akafufuliwa. Jambo hilo si hadisi ya kutungwa, lilitendeka kabisa. Tukichunguza kwa uangalifu kila tukio kati ya matukio hayo, tutaona kama ni mambo yaliyotukia kabisa, si mambo ya kuwazia-wazia.​—Mwanzo 18:10-14; 21:1, 2; Yona 1:17; 2:1, 10; Matendo 20:9-12.

Yesu alimuambia Martha, maneno haya yenye kushangaza: ‘Kila mutu aliye hai na ananiamini hatakufa kamwe.’ Kwa sababu Martha aliwaza kama jambo hilo haliwezekane, Yesu akamuuliza ulizo hili la maana sana: “Je, unaamini hilo?” Hata leo, sisi pia tunapaswa kufikiria kwa uzito ulizo hilo.​—Yohana 11:26.

Kuishi Milele Duniani​—Unawaza Haiwezekane?

Katika gazeti fulani linalozungumuzia urefu wa maisha ya wanadamu, waandikaji walisema hivi: “Inawezekana wakati unakaribia ambapo tunaweza kuishi kwa muda murefu zaidi, labda hata milele.” Kitabu kimoja (The New Encyclopædia Britannica) kinaeleza kama jambo linalotokeza kifo halijaeleweka kabisa; jambo hilo ndilo linalofanya mwili usitumike vizuri ao uache kutumika. Hatuwezi kusema kama ni chembe ambazo zinaacha kutumika ao kuchoka wala si hatua nyingine yoyote. * Kitabu hicho kinasema tena kama miili yetu haizeeki kwa sababu tu inachoka. Lakini, inawezekana kuna jambo lingine linalosababisha uzee na wanasayansi wanafanya yote wawezayo ili kumaliza jambo hilo.

Hata ikiwa mambo yote hayo yaliyosemwa na wanasayansi ni yenye kupendeza, Biblia ndiyo inatupatia sababu kubwa ya kuamini kama tunaweza kuishi milele. Yehova Mungu, Muumbaji wetu, chemuchemu ya uzima, anaahidi kama “Yeye kwa kweli atameza kifo milele.” (Zaburi 36:9; Isaya 25:8) Je, unaamini jambo hilo? Hiyo ni ahadi ya Yehova, naye haiwezekane aseme uongo.​—Tito 1:2.

[Maelezo ya chini]

[Wazo la fungu kwenye ukurasa 27]

RONALD REAGAN alisema kama “mambo ambayo zamani yalionekana kama hayawezekane ndiyo mambo ya kawaida leo.”

[Wazo la fungu kwenye ukurasa 28]

Unamutegemea nani inapoonekana kama mambo hayawezekane katika maisha yako?

[Maneno ili kueleza mahali picha ilitokea, ukurasa wa 27]

Picha ya NASA