VITA ya Kwanza ya Ulimwengu ilipolipuka katika mwaka wa 1914, watu wengi walianza sasa kutambua waziwazi kwamba Wanafunzi wa Biblia hawajiingize katika vita. (Isa. 2:2-4; Yoh. 18:36; Efe. 6:12) Wanafunzi wa Biblia wa Grande-Betagne walitenda namna gani wakati huo?

Sheria Kuhusu Kazi ya Jeshi iliyotungwa katika mwaka wa 1916 huko Grande-Betagne ilisema kwamba wanaume wasio na bibi walio kati ya miaka 18 na 40 ndio wanaoweza kuandikishwa katika jeshi. Sheria hiyo haikuwakaza wale waliokataa kujiandikisha katika jeshi “kwa sababu ya imani yao.” Serikali iliunda mahakama mbalimbali ili kufanya uchunguzi kuhusu wale ambao walikataa kwenda kwenye vita na ili kujua namna gani haki yao itaheshimiwa.

Kwa muda mufupi tu, Wanafunzi wa Biblia 40 hivi walitiwa katika magereza ya askari, na wengine 8 walikuwa wametumwa kwenye vita huko France. Kwa sababu ya kitendo hicho cha kuvunja sheria, ndugu wa Grande-Betagne walimuandikia Waziri wa Kwanza Herbert Asquith barua ili kupinga uamuzi huo wa kutia ndugu zetu katika magereza; na walimuandikia barua nyingine iliyokuwa na sinyatire ya watu 5500 ili kumuomba ashugulikie jambo hilo.

Kisha tu muda kidogo, ndugu walipata habari kwamba ndugu hao 8 waliotumwa kwenye vita huko France wangepigwa masasi kwa sababu walikataa kupigana. Lakini siku iliyopangwa ili wapigwe masasi ilipofika, hukumu yao ilibadilika na kuwa kifungo cha miaka kumi. Ndugu hao walirudishwa Grande-Betagne ili wapitishe miaka yao katika magereza ya watu wasiokuwa askari.

Vita ilipokuwa ikipamba moto, sheria ilionyesha kama wanaume walio na bibi wanaweza pia kuandikishwa katika jeshi. Kesi moja ya kupima jinsi uamuzi utakavyochukuliwa katika kesi zingine za namna hiyo, ilifanywa huko Manchester, Angleterre; Henry Hudson, aliyekuwa muganga na Mwanafunzi wa Biblia, ndiye aliyeshitakiwa. Tarehe 3 Mwezi wa 8, 1916, mahakama ilisema kama alivunja sheria, kwa hiyo alilipishwa amande na kutumwa katika jeshi. Wakati huohuo, kesi nyingine kama hiyo iliyofanywa katika Édimbourg, Écosse. James Frederick Scott, kolportere aliyekuwa na miaka 25 hakupatikana na kosa. Wakubwa wa serikali waliomba kesi hiyo ipelekwe kwenye mahakama ya juu lakini baadaye waliacha kufuatia jambo hilo kwa sababu kulikuwa kesi nyingine kupima ambayo walipaswa kushugulikia huko Londres. Katika kesi hiyo, ndugu aliyeitwa Herbert Kipps alikuwa na hatia, kwa hiyo, alilipishwa amande, na alitumwa katika jeshi.

Kufikia Mwezi wa 9, 1916, ndugu 264 waliomba wasiandikishwe katika jeshi. Maombi ya ndugu 5 yalikubaliwa, ndugu 154 walipewa kazi mbalimbali kama vile kutengeneza barabara, kupasua majiwe, ndugu 23 walipewa kazi katika jeshi ambayo ilikuwa tofauti na kupigana vita, ndugu 82  walitumwa katika jeshi, na wengine walihukumiwa na mahakama ya kijeshi. Watu wengi walilaumu serikali kwa sababu ya matendo ya kinyama ambayo ndugu zetu walitendewa, kwa hiyo serikali iliwatosha katika magereza ya askari na kuwatuma waende kutumika katika kambi za watu wasiokuwa askari.

Ndugu Edgar Clay na Pryce Hughes, aliyekuwa baadaye musimamizi wa Beteli ya Grande-Betagne, walishiriki katika kujenga ukuta wa kuzuia maji katika muto huko Pays de Galles. Kwa upande mwengine, ndugu Herbert Senior, aliyekuwa kati ya wale ndugu 8 waliotoka France, alitumwa katika Gereza la Wakefield huko Yorkshire. Wengine walifanya kazi ngumu na katika hali mbaya katika Gereza la Dartmoor, ambako kulikuwa ndugu zetu wengi waliokataa kazi ya jeshi.

Ndugu Frank Platt, Mwanafunzi wa Biblia aliyekubali kufanya kazi katika jeshi, lakini kazi ambayo ilikuwa tofauti na kupigana vita, aliendelea kuteswa sana alipotumwa mahali ambapo vita ilipiganwa. Ndugu Atkinson Padgett, aliyejifunza kweli kisha tu kuandikishwa katika jeshi, aliteswa pia kinyama na viongozi wa jeshi kwa sababu ya kukataa kujiingiza katika vita.

Wakati huo ndugu zetu hawakuelewa vizuri maana ya kutojiingiza katika vita, lakini waliazimia kumupendeza Yehova Mungu. Wale wanaotajwa katika habari hii walituachia mufano muzuri wa kutokujiingiza katika vita, zaidi sana katika “saa ya jaribu” kali. (Ufu. 3:10)​—Habari hii ilichukuliwa katika vitu vya maana sana vya historia yetu kutoka Grande-Betagne.