HABARI YA KUJIFUNZA YA 28
WIMBO 123 Tutii Mupango wa Kiteokrasi
Unatambua ile Kweli?
“Musimame imara, mukiwa mumejifunga kwenye kiuno mukaba wa ile kweli.”—EFE. 6:14.
WAZO KUBWA
Kujizoeza juu ya kutambua tofauti kati ya kweli yenye Yehova ametufundisha na uongo wenye Shetani na maadui wetu wanaeneza.
1. Tunaona kweli namna gani?
WATU wa Yehova wanapenda kweli yenye kuwa mu Neno ya Mungu. Imani yetu inategemea ile kweli. (Ro. 10:17) Tumefikia kuamini kama Yehova ameweka kutaniko ya Kikristo kuwa “nguzo na tegemezo la ile kweli.” (1 Ti. 3:15) Na tunajitiisha kwa furaha kwa “wale wenye wanaongoza” wakati wanafasiria kweli za Biblia na kutupatia muongozo wenye kupatana na mapenzi ya Mungu.—Ebr. 13:17.
2. Kulingana na Yakobo 5:19, ni jambo gani yenye inaweza kutokea kisha mutu kujifunza kweli?
2 Lakini, hata kisha kukubali kweli na kukubali kama Mungu anatumia tengenezo yake ili kututolea muongozo wenye kutegemeka, tunaweza kudanganywa. (Soma Yakobo 5:19.) Jambo yenye inamufurahishaka sana Shetani ni kutuchochea tusiamini tena Biblia ao muongozo wenye Yehova anatupatia kupitia tengenezo yake.—Efe. 4:14.
3. Juu ya nini tunapaswa kushikamana kabisa na kweli? (Waefeso 6:13, 14)
3 Soma Waefeso 6:13, 14. Hivi karibuni, Shetani ataeneza uongo mukubwa ili kudanganya mataifa juu imupinge Yehova. (Ufu. 16:13, 14) Tunaweza pia kutazamia kama Shetani atafanya yake yote ili kupotosha watu wa Yehova. (Ufu. 12:9) Kwa hiyo, ni jambo ya maana sana tujizoeze kuona tofauti kati ya kweli na uongo, na kisha tutii ile kweli. (Ro. 6:17; 1 Pe. 1:22) Kufanya vile kutaokoa uzima wetu wakati wa taabu kubwa!
4. Tutazungumuzia nini mu hii habari?
4 Mu hii habari, tutazungumuzia sifa mbili zenye zinaweza kutusaidia kutambua kweli yenye kutoka mu Biblia na kukubali muongozo wa tengenezo ya Mungu. Kisha tutazungumuzia mambo tatu yenye tunaweza kufanya juu tushikamane kabisa na kweli.
SIFA ZENYE TUKO NAZO LAZIMA JUU TUTAMBUE KWELI
5. Namna gani kumuogopa Yehova kunaweza kutusaidia kutambua kweli?
5 Kumuogopa Yehova. Wakati tunamuogopa Yehova mu njia yenye kufaa, tunamupenda sana na hatupendi hata siku moya kufanya jambo fulani yenye inaweza kumuhuzunisha. Ili Yehova atukubali, tunapaswa kujifunza tofauti kati ya mambo yenye kuwa sawa na yenye kuwa makosa, kati ya mambo ya kweli na mambo ya uongo. (Mez. 2:3-6; Ebr. 5:14) Mara mingi mambo yenye inafurahishaka wanadamu inamuchukizaka Yehova, njo maana tunapaswa kumupenda Yehova zaidi kuliko kuogopa wanadamu.
6. Namna gani kuogopa wanadamu kulifanya wakubwa kumi wa Waisraeli walete habari zenye hazikukuwa za kweli?
6 Kama tunaanza kuogopa wanadamu kuliko Mungu, pole kwa pole tutaanza kuacha kweli. Fikiria mufano wa wakubwa 12 wenye walienda kupeleleza inchi yenye Yehova alikuwa ameahidi kama atapatia Waisraeli. Woga wenye wale wapelelezi kumi walikuwa nao kwa Wakanaani, ulikuwa nguvu sana kupita upendo wao kwa Yehova. Waliambia hivi Waisraeli wenzao: “Hatuwezi kupanda ili kupigana na watu hao, kwa sababu wako na nguvu kutupita.” (Hes. 13:27-31) Ku macho ya wanadamu, ni kweli kama Wakanaani walikuwa nguvu zaidi kupita Waisraeli. Lakini kusema kama Waisraeli hawangeweza kushinda maadui wao, ilikuwa kumutia Yehova pembeni. Wale wapelelezi kumi walipaswa kukazia akili mambo yenye Yehova alipenda Waisraeli wafanye. Walipaswa pia kutafakari juu ya mambo yenye Yehova alikuwa ametoka kuwafanyia. Ile ingefanya watambue kama nguvu ya Wakanaani haikukuwa kitu kama inalinganishwa na nguvu ya Yehova, Mungu Mweza-Yote. Tofauti na wale wapelelezi wenye hawakukuwa na imani, Yoshua na Kalebu walipenda Yehova awakubali. Waliambia hivi watu: “Kama Yehova anapendezwa na sisi, hakika atatuingiza katika inchi hii na kutupatia ikuwe yetu.”—Hes. 14:6-9.
7. Ni nini inaweza kutusaidia tumuogope Yehova zaidi? (Ona pia picha.)
7 Juu tumuogope Yehova zaidi, tunapaswa kufanya yetu yote ili kumufurahisha mu kila uamuzi wenye tunakamata. (Zb. 16:8) Wakati uko nasoma habari za Biblia, ujiulize hivi: ‘Kama ningekuwa pale, ningekamata uamuzi gani?’ Kwa mufano, wazia uko pale wakati wale wapelelezi kumi Waisraeli wanaleta habari ya kuvunja moyo. Utaamini habari yao na kuanza kuogopa wanadamu, ao hautaogopa juu unamupenda Yehova na unapenda kumufurahisha? Kizazi yote ya Waisraeli ilishindwa kutambua kweli yenye Yoshua na Kalebu walisema. Matokeo ilikuwa nini? Walipoteza pendeleo ya kuingia mu inchi ya ahadi.—Hes. 14:10, 22, 23.
Ungeamini nani? (Ona fungu ya 7)
8. Tunapaswa kujikaza sana kukomalisha sifa gani, na juu ya nini?
8 Unyenyekevu. Yehova anafunua kweli yake kwa watu wanyenyekevu. (Mt. 11:25) Kwa unyenyekevu tulikubali kusaidiwa kujifunza kweli. (Mdo. 8:30, 31) Lakini, tunapaswa kuwa waangalifu juu tusikuwe na majivuno. Majivuno inaweza kufanya tuwaze kama maoni yetu ni yenye hekima, sawa tu vile kanuni za Biblia na muongozo wenye tengenezo ya Yehova unatutolea ni vyenye hekima.
9. Tunaweza kufanya nini juu tuendelee kuwa wanyenyekevu?
9 Juu tuendelee kuwa wanyenyekevu, tunapaswa kukumbuka kama tuko wa hali ya chini sana kama tunalinganishwa na ukubwa wa Yehova. (Zb. 8:3, 4) Tunaweza pia kumuomba Yehova atusaidie tukomalishe sifa ya unyenyekevu, na tukuwe tayari kufundishwa. Kuliko kutia mawazo yetu pa nafasi ya kwanza, Yehova atatusaidia tutie pa nafasi ya kwanza mawazo yake yenye anatutolea kupitia Neno yake na tengenezo yake. Mu usomaji wako wa Biblia, tafuta mambo yenye inaonyesha kama Yehova anapenda unyenyekevu na anachukia majivuno na kiburi. Na ujikaze sana ili uendelee kuwa munyenyekevu hata kama unapewa mapendeleo yenye inaweza kufanya uonekane sana.
NAMNA GANI TUNAWEZA KUSHIKAMANA NA ILE KWELI?
10. Yehova ametumia nani ili kufundisha watu wake na kuwatolea muongozo?
10 Endelea kutumainia muongozo wa kiteokrasi. Mu Israeli ya zamani, Yehova alitumia Musa na Yoshua ili kupatia watu wake maagizo. (Yos. 1:16, 17) Waisraeli walibarikiwa wakati waliona wale wanaume kuwa wajumbe wa Yehova Mungu. Kisha miaka mingi, wakati kutaniko ya Kikristo ilianzishwa, mitume 12 njo walikuwa natoa muongozo. (Mdo. 8:14, 15) Kisha wazee wengine katika Yerusalemu waliongezwa mu ile kikundi. Wakati Wakristo walifuata muongozo wenye wale wanaume waaminifu walitoa, ‘makutaniko yaliendelea kuwa nguvu katika imani na hesabu ya waamini iliendelea kuongezeka siku kwa siku.’ (Mdo. 16:4, 5) Siye pia tunabarikiwa wakati tunafuata muongozo wa kiteokrasi wenye tengenezo ya Yehova inatutolea. Lakini Yehova atajisikia namna gani kama hatukubali wale wenye ameweka ili kutuongoza? Juu ya kujibia ile ulizo, tufikirie mambo yenye ilitokea wakati Waisraeli walikuwa mu safari ya kuenda mu inchi ya ahadi.
11. Mu Israeli ya zamani ni nini ilifikia wale wenye hawakuheshimia Musa, mwanaume mwenye Yehova alichagua ili kuwaongoza? (Ona pia picha.)
11 Mu safari ya Waisraeli ya kuenda mu inchi ya ahadi, wakati fulani wanaume fulani wenye walikuwa na mamlaka walipinga Musa na daraka yenye Yehova alikuwa amemupatia. Walisema hivi: “Mukusanyiko wote [hapana tu Musa] ni mutakatifu, watu wote, na Yehova iko katikati yao.” (Hes. 16:1-3) Ni kweli kama Yehova aliona “mukusanyiko wote” kuwa mutakatifu, lakini alikuwa amechagua Musa ili aongoze watu wake. (Hes. 16:28) Kwa kusema mubaya juu ya Musa, ni Yehova njo wale waasi walikuwa wanasema mubaya. Hawakufikiria mambo yenye Yehova alipenda, lakini walifikiria mambo yenye wao walipenda; walipenda kuwa na mamlaka zaidi na kujulikana. Mungu aliua wale wenye walianzisha ule uasi, na maelfu ya watu wenye waliwaunga mukono. (Hes. 16:30-35, 41, 49) Leo tunaweza kuwa hakika kama Yehova hakubali wale wenye hawaheshimie mipango yenye ametia mu tengenezo yake.
Ungeunga mukono nani? (Ona fungu ya 11)
12. Juu ya nini tunapaswa kuendelea kutumainia tengenezo ya Yehova?
12 Tunapaswa kuendelea kutumainia tengenezo ya Yehova. Wakati inaonekana kuwa ni lazima tubadilishe namna yetu ya kuelewa kweli fulani ya Biblia ao namna ya kupanga kazi yetu ya kuhubiri, wale wenye kuongoza wako tayari kufanya mabadiliko. (Mez. 4:18) Wanafanya vile juu wanapenda kumufurahisha Yehova, kuliko kufurahisha wanadamu. Pia wanajikaza sana ili maamuzi yao yote itegemee Neno ya Mungu, yenye watu wote wa Yehova wanapaswa kufuata.
13. “Mufano wa maneno yenye faida” ni nini, na tunapaswa kufanya nini?
13 “Endelea kushika mufano wa maneno yenye faida.” (2 Ti. 1:13) “Mufano wa maneno yenye faida” ni mafundisho ya Kikristo yenye kuwa mu Biblia. (Yoh. 17:17) Ile mafundisho njo musingi wa mambo yote yenye tunaamini. Tengenezo ya Yehova imetufundisha kushikamana na ile maneno. Kama tunaendelea kufanya vile, tutabarikiwa.
14. Namna gani Wakristo fulani waliacha kushikamana na “mufano wa maneno yenye faida”?
14 Ni nini inaweza kutufikia kama tunaacha “mufano wa maneno yenye faida”? Fikiria hii mufano: Mu karne ya kwanza, habari fulani ya uongo ilienea kati ya Wakristo fulani yenye ilisema kama siku ya Yehova ilikuwa imefika. Inaonekana kulikuwa barua yenye ilisemekana kama iliandikwa na mutume Paulo; ile barua njo ilikuwa na ile habari. Bila kuchunguza ikiwa ilikuwa ya kweli ao hapana, Wakristo fulani katika Tesalonike waliamini ile habari ya uongo na hata wakaanza kuieneza. Ikiwa wangekumbuka mambo yenye Paulo alikuwa amewafundisha wakati alikuwa pamoya nao, hawangedanganywa vile. (2 Te. 2:1-5) Paulo alishauria ndugu zake wasiamini kila jambo yenye wanasikia. Na ili kuwasaidia wasiangukie tena mu ile mutego, Paulo alimalizia barua yake kwa Watesalonike na hii maneno: “Hii ni salamu yangu, mimi Paulo, yenye niliandika kwa mukono wangu mwenyewe. Na ni alama katika kila barua; hii ndiyo namna yangu ya kuandika.”—2 Te. 3:17.
15. Namna gani tunaweza kujilinda ili tusidanganywe na habari za uongo zenye zinaonekana kuwa za kweli? Toa mufano. (Ona pia picha.)
15 Maneno ya Paulo kwa Watesalonike inaweza kutufundisha nini? Wakati tunasikia habari fulani yenye haipatane na mambo yenye tumejifunza mu Biblia ao wakati tunasikia habari za ajabu-ajabu, tunapaswa kuwa na utambuzi. Wakati wa utawala wa Wasovieti, maadui wetu walipatia ndugu barua yenye ilisemekana kuwa inatoka ku makao makubwa. Ile barua ilitia moyo ndugu fulani wajitenge na tengenezo na wafanyize kikundi yao. Ile barua ilionekana kuwa ya kweli. Lakini ndugu waaminifu hawakudanganywa. Walitambua kama ujumbe wenye ulikuwa mu ile barua haukupatana na mambo yenye walikuwa wamefundishwa. Leo, wakati fulani maadui wetu wanatumia teknolojia ya sasa ili kujaribu kutuvuruga na kutugawanya. Kama ile hali inatokea, “akili [yetu] isivurugwe haraka,” tujilinde kwa kujiuliza ikiwa mambo yenye tunasikia inapatana na kweli zenye tunajua tayari.—2 Te. 2:2; 1 Yo. 4:1.
Usidanganywe na habari za uongo zenye zinaonekana kuwa za kweli (Ona fungu ya 15) a
16. Kulingana na Waroma 16:17, 18, tunapaswa kufanya nini ikiwa Wakristo fulani wanaacha kweli?
16 Endelea kushikamana na wale wenye kuwa washikamanifu kwa Yehova. Mungu anapenda tumuabudu kwa umoja pamoya na ndugu na dada zetu. Tutaendelea kuwa na umoja ikiwa tunashikamana na kweli. Kila mutu mwenye anaacha kweli anatokeza migawanyiko mu kutaniko. Kwa hiyo Mungu anapenda ‘tumuepuke.’ Kama hatufanye vile, siye pia tunaweza kufikia kuacha kweli.—Soma Waroma 16:17, 18.
17. Tunapata faida gani wakati tunatambua kweli na tunashikamana kabisa nayo?
17 Kama tunatambua kweli na tunashikamana kabisa nayo, tutaendelea kuwa na hali ya muzuri ya kiroho. (Efe. 4:15, 16) Hatutadanganywa na mafundisho ya uongo na habari za uongo zenye Shetani anaeneza, na Yehova ataendelea kutulinda wakati wa taabu kubwa. Endelea kushikamana na kweli, ‘na Mungu wa amani atakuwa pamoja na weye.’—Flp. 4:8, 9.
WIMBO 122 Tukuwe na Nguvu na Tusitikisike!
a MAFASIRIO YA PICHA: Picha yenye kuonyesha namna mambo ilikuwa miaka fulani yenye imepita, wakati ndugu wa mu utawala wa Sovieti ya zamani walipata barua yenye ilionekana kuwa inatoka ku makao makubwa lakini ilikuwa inatoka kwa maadui wetu. Mu siku zetu, maadui wetu wanaweza kutumia Enternete ili kueneza habari ya uongo kuhusu tengenezo yetu.
