1-2. Sadoki alikuwa nani? (1 Mambo ya Nyakati 12:22, 26-28)

 WAZIA hii hali: Kikundi ya wanaume zaidi ya 340000 wanakutana ili kumufanya Daudi kuwa mufalme juu ya Israeli yote. Kwa siku tatu, wale wanaume walibakia ku milima yenye kuwa karibu na Hebroni na wako wanazungumuza, wako nacheka, na kuimba nyimbo za kumusifu Yehova. (1 Ny. 12:39) Ingekuwa nguvu kutambua kijana mwanaume mwenye kuitwa Sadoki mu ile kundi kubwa ya watu. Lakini, Yehova alimuona na alipenda tujue kama alikuwa pale. (Soma 1 Mambo ya Nyakati 12:22, 26-28.) Sadoki alikuwa nani?

² Sadoki alikuwa kuhani mwenye alitumika sana na Kuhani Mukubwa Abiatari. Sadoki alikuwa pia muonaji mwenye aliweza kutambua mapenzi ya Mungu, na Mungu alimupatia ufahamu wa ajabu. (2 Sa. 15:27) Watu walikuwa wanaenda kumuona ili kutafuta mashauri yenye hekima. Alikuwa pia mwanaume hodari. Sifa yake ya uhodari njo tutazungumuzia mu hii habari.

3. (a) Juu ya nini waabudu wa Yehova wanapaswa kuwa hodari? (b) Tutazungumuzia nini mu hii habari?

³ Mu hizi siku za mwisho, Shetani iko nashambulia watu wa Mungu zaidi na zaidi. (1 Pe. 5:8) Wakati tuko nangoya Yehova aharibu Shetani na ulimwengu wake muovu, tunapaswa kuwa hodari. (Zb. 31:24) Tuone basi ni mu njia gani tatu tunaweza kuiga uhodari wa Sadoki.

 UUNGE MUKONO UFALME WA MUNGU

4. Juu ya nini watu wa Yehova wako na lazima ya uhodari ili kuunga mukono Ufalme wa Mungu? (Ona pia picha.)

⁴ Juu tuko watu wa Yehova, tunaunga mukono Ufalme wa Mungu kwa moyo wote. Lakini mara mingi inaombaka tukuwe hodari juu tuweze kufanya vile. (Mt. 6:33) Kwa mufano, mu huu ulimwengu muovu, inaomba kuwa hodari ili kutumikisha kanuni za Yehova mu maisha yetu, na kuhubiri habari njema. (1 Te. 2:2) Na juu watu wanaendelea kugawanyika, inaomba uhodari ili kuepuka kujiingiza mu mambo ya politike. (Yoh. 18:36) Watumishi wengi wa Yehova wamepoteza vitu vyao, wametendewa mubaya kimwili, ao hata wamefungwa juu wamekataa kujiingiza mu mambo ya politike ao mu jeshi.

5. Juu ya nini Sadoki alikuwa na lazima ya uhodari ili kumuunga Daudi mukono?

⁵ Sadoki hakuenda Hebroni ili tu kufurahi juu Daudi alikuwa amewekwa kuwa mufalme. Alienda kule na iko na silaha, tayari kwa ajili ya vita. (1 Ny. 12:38) Alikuwa tayari kumufuata Daudi katika vita na kupiganisha maadui wa Israeli. Inawezekana Sadoki hakukuwa na uzoefu mu mambo ya vita, lakini alikuwa hodari.

6. Namna gani Daudi alimuwekea Sadoki mufano muzuri? (Zaburi 138:3)

⁶ Namna gani kuhani wa kawaida sawa vile Sadoki alifikia kuwa hodari? Alizungukwa na wanaume wenye nguvu na wenye uhodari. Ni wazi kama mufano wao ulimusaidia sana. Kwa mufano, namna Daudi alionyesha uhodari wakati alikuwa ‘naongoza Israeli katika mapambano yao ya kijeshi,’ ilichochea Waisraeli wote wamuunge mukono kwa moyo wote. (1 Ny. 11:1, 2) Kila mara Daudi alitegemea musaada wa Yehova ili kupigana na maadui wake. (Zb. 28:7; Soma Zaburi 138:3.) Kulikuwa watu wengine wenye walikuwa mufano muzuri sana kwa Sadoki, sawa vile Yehoyada na mutoto wake Benaya mwenye alikuwa  mupiganaji-vita, na pia wakubwa 22 wa makabila ingine wenye walijiunga na Daudi. (1 Ny. 11:22-25; 12:26-28) Wale wanaume wote walikamata uamuzi wa kumufanya Daudi kuwa mufalme na kumulinda.

7. (a) Nani njo wameonyesha uhodari leo wenye tunaweza kuiga mufano wao? (b) Mufano wa ndugu Nsilu, wenye unazungumuziwa mu video unakufundisha nini?

⁷ Tunapata nguvu na uhodari wakati tunafikiria mifano ya wale wenye kuwa hodari, wenye waliunga mukono Ufalme wa Yehova. Mufalme wetu, Kristo Yesu, alikataa kabisa kujiingiza mu mambo ya politike ya huu ulimwengu wa Shetani. (Mt. 4:8-11; Yoh. 6:14, 15) Sikuzote alimutegemea Yehova ili amupatie nguvu. Leo kuko pia mifano ya vijana wanaume wenye wamekataa kujiingiza mu jeshi na mu mambo ya politike kwa sababu ya zamiri yao. Tunakutia moyo usome habari kuhusu wale vijana ku jw.org. a

SAIDIA NDUGU ZAKO

8. Ni wakati gani njo wazee wanaweza kuwa na lazima ya uhodari ili kusaidia ndugu zao?

⁸ Watu wa Yehova wanapenda kusaidiana. (2 Ko. 8:4) Lakini, wakati fulani inaomba kuwa hodari ili kufanya vile. Kwa mufano, wakati vita inatokea wazee wanatambua kama ndugu na dada zao wako na lazima ya kutiwa moyo, kutegemezwa, na pengine wako na lazima ya musaada wa kiroho ao wa kimwili. Juu wanapenda kondoo wa Mungu, wazee wanajitia katika hatari ili kutolea ndugu zao musaada wenye wako nao lazima. (Yoh. 15:12, 13) Wakati wanafanya vile wanaiga uhodari wa Sadoki.

9. Sawa vile 2 Samweli 15:27-29 inaonyesha, Daudi alimuambia Sadoki afanye nini? (Ona pia picha.)

⁹ Maisha ya Daudi ilikuwa mu hatari. Mutoto wake Absalomu aliazimia kumunyanganya ufalme. (2 Sa. 15:12, 13) Daudi alipaswa kutoka Yerusalemu bila kukawia! Aliambia hivi watumishi wake: “Musimame, na tukimbie, kwa maana hakuna mutu kati yetu mwenye  atamuponyoka Absalomu!” (2 Sa. 15:14) Wakati watumishi wake walikuwa natoka Yerusalemu, Daudi alitambua kama mutu fulani alipaswa kubakia Yerusalemu ili aendelee kumupatia habari juu ya mipango yenye Absalomu alikuwa nayo. Kwa hiyo aliambia Sadoki na makuhani wengine warudie mu muji juu wakuwe namupatia habari. (Soma 2 Samweli 15:27-29.) Walipaswa kuwa waangalifu sana. Mambo yenye Daudi aliambia wale makuhani wafanye ilikuwa hatari, na ingeweza hata kufanya wauawe. Absalomu alikuwa najipenda mwenyewe, alipenda kulipiza kisasi, na alikuwa musaliti. Fikiria mambo yenye angefanyia Sadoki na makuhani wengine ikiwa angejua kama wako napelekea Daudi habari kumuhusu!

10. Namna gani Sadoki na wengine wenye walikuwa pamoya naye walimulinda Daudi?

¹⁰ Daudi alipanga kufanya jambo fulani, na aliomba Sadoki na rafiki yake mushikamanifu Hushai wamusaidie. (2 Sa. 15:32-37) Mambo ilifanyika vile Daudi alipanga. Absalomu alimutumainia Hushai na Hushai akamupatia shauri yenye ilipatia Daudi wakati wa kujitayarisha kwa ajili ya vita. Kisha, Hushai akaambia Sadoki na Abiatari mambo yote yenye ilitokea. (2 Sa. 17:8-16) Kisha wale wanaume wawili wakatumia Daudi ile habari. (2 Sa. 17:17) Kwa musaada wa Yehova, Sadoki na makuhani wenzake walisaidia sana ili kumulinda Daudi.—2 Sa. 17:21, 22.

11. Namna gani tunaweza kuiga uhodari wa Sadoki wakati tuko nasaidia ndugu zetu?

¹¹ Kama wanatuomba tusaidie ndugu zetu mu kipindi yenye kuwa hatari, namna gani tunaweza kuonyesha uhodari kama Sadoki? (1) Fuata muongozo. Mu hali ya vile, ni jambo ya maana kuendelea kuwa na umoja. Fuata muongozo wa tawi ya inchi yenu. (Ebr. 13:17) Wazee wanapaswa kuchunguza kwa ukawaida mipango mbalimbali ya kujitayarisha kwa ajili ya misiba, na pia muongozo wenye tengenezo inatoa kuhusu namna ya kutenda wakati  musiba unatokea. (1 Ko. 14:33, 40) (2) Ukuwe hodari lakini muangalifu. (Mez. 22:3) Ufikiri mbele ya kutenda. Usijitie mu hatari bila sababu. (3) Umutegemee Yehova. Kumbuka kama Yehova anahangaikia sana usalama wako na wa ndugu zako. Anaweza kukusaidia juu utolee ndugu zako musaada mu njia yenye kuwa salama.

12-13. Mufano wa Viktor na Vitalii unakufundisha nini? (Ona pia picha.)

¹² Fikiria mufano wa Viktor na Vitalii, Mashahidi wawili wenye walisaidia kupelekea ndugu zao chakula na maji mu Ukraine. Viktor anasema hivi: “Tulitafuta chakula fasi yote. Mara mingi tulikuwa nasikia masasi iko nalia karibu yetu. Ndugu moya alitoa chakula yenye ilikuwa mu depo yake. Ile chakula ilisaidia wahubiri wengi wapate namna ya kuishi kwa wakati fulani. Wakati tulikuwa tunaweka chakula mu gari, bombe iliripuka ku metre 20 kutoka kwenye tulikuwa. Ile siku yote, nilimuomba Yehova anipatie uhodari ili niweze kuendelea kusaidia wahubiri.”

¹³ Vitalii anasema hivi: “Iliomba nikuwe hodari sana. Safari yangu ya kwanza ilikamata saa 12. Nilisali kwa Yehova njia yote.” Vitalii alikuwa hodari, lakini alikuwa pia muangalifu. Anasema tena hivi: “Niliendelea kumuomba Yehova anipatie hekima na kiasi. Nilitembeza gari mu barabara yenye wakubwa wa serikali waliruhusu. Kujionea namna ndugu na dada wametumika pamoya kumeniletea faida sana. Walitosha vitu vyenye vilikuwa nafunga barabara, walibeba na kuingiza mu gari misaada, na kila kwenye tulipita walitupatia chakula na fasi ya kupumuzikia.”

BAKIA MUSHIKAMANIFU KWA YEHOVA

14. Tunaweza kujisikia namna gani ikiwa mutu mwenye tunapenda anamuacha Yehova?

¹⁴ Wakati mutu wa familia ao rafiki anamuacha Yehova, ile inavunjaka moyo sana. (Zb. 78:40; Mez. 24:10) Kama tulikuwa napenda sana ule mutu, itakuwa nguvu zaidi kwetu kuvumilia ile hali. Kama hali ya kuumiza sana sawa ile ilishakakufikia, mufano wa ushikamanifu wa Sadoki unaweza kukutia nguvu.

15. Juu ya nini Sadoki alikuwa na lazima ya uhodari ili kubakia mushikamanifu kwa Yehova? (1 Wafalme 1:5-8)

¹⁵ Sadoki alibakia mushikamanifu kwa Yehova wakati Abiatari, rafiki yake wa karibu sana, aliacha kuwa mushikamanifu kwa Yehova. Aliacha kuwa mushikamanifu ku mwisho wa utawala wa mufalme Daudi. Wakati Daudi alikaribia kufa, Adoniya alijaribu kujifanya kuwa mufalme, lakini Yehova alikuwa ameahidi kama ni Sulemani njo atakuwa mufalme. (1 Ny. 22:9, 10) Abiatari aliamua kumuunga mukono Adoniya. (Soma 1 Wafalme 1:5-8.) Kwa kufanya vile, Abiatari hakukuwa tena mushikamanifu kwa Daudi lakini pia kwa Yehova! Wazia namna ile ilipaswa kumuhuzunisha na kumuvunja moyo Sadoki. Kwa zaidi ya miaka 40, alikuwa amefanya kazi ya ukuhani pamoya na Abiatari. (2 Sa. 8:17) Walikuwa wamehangaikia “Sanduku la Mungu wa kweli” pamoya. (2 Sa. 15:29) Ku mwanzo, wote wawili waliunga Mukono utawala wa Daudi, na walifanya mambo ingine ya mingi pamoya.—2 Sa. 19:11-14.

16. Inawezekana ni nini njo ilimusaidia Sadoki abakie mushikamanifu?

¹⁶ Sadoki alibakia mushikamanifu kwa Yehova hata kama Abiatari alikamata uamuzi mubaya. Daudi alikuwa hakika kama Sadoki alikuwa mushikamanifu. Wakati mupango wa Adoniya ulijulikana, Daudi alimuomba Sadoki, Natani, na Benaya wamuweke Sulemani kuwa mufalme. (1 Fa. 1:32-34) Inawezekana kabisa kama kuwa pamoya na waabudu wa Yehova washikamanifu, sawa vile Natani na wengine wenye walimuunga mukono Mufalme Daudi, kulimutia nguvu Sadoki na kulimutia  moyo. (1 Fa. 1:38, 39) Wakati Sulemani alikuwa sasa mufalme, ‘aliweka Sadoki kuwa kuhani pa nafasi ya Abiatari.’—1 Fa. 2:35.

17. Namna gani tunaweza kuiga mufano wa Sadoki kama mutu mwenye tunapenda anamuacha Yehova?

¹⁷ Namna gani tunaweza kuiga Sadoki? Kama mutu fulani mwenye tunapenda anaamua kumuacha Yehova, tuonyeshe wazi kama siye tutabakia washikamanifu kwa Yehova. (Yos. 24:15) Yehova atakupatia nguvu na uhodari wenye uko nao lazima. Umutegemee kwa kuendelea kusali kwake na kubakia karibu na waabudu wenzako wenye kuwa washikamanifu. Yehova anafurahia sana ushikamanifu wako, na atakubariki.—2 Sa. 22:26.

18. Mufano wa Marco na Sidse unakufundisha nini?

¹⁸ Fikiria mufano wa Marco na bibi yake Sidse. Watoto wao wawili wanamuke waliacha kweli. Marco anasema hivi: “Kuanzia tu siku watoto wako wanazaliwa, unawapenda sana. Uko tayari kufanya jambo yoyote ili kuwalinda. Kwa hiyo, wakati wanaamua kumuacha Yehova, ile inavunja moyo sana.” Anaendelea kusema hivi: “Lakini Yehova ametutegemeza. Amehakikisha kama wakati niko muzaifu, bibi yangu iko na nguvu, na wakati iko muzaifu, miye niko na nguvu.” Sidse anaongeza hivi: “Hatungeweza kuvumilia ikiwa Yehova hangetupatia nguvu yenye tulikuwa nayo lazima. Niliwaza kama ilikuwa kosa yangu na ile ilinihangaisha sana. Kwa hiyo nilimuambia Yehova namna nilikuwa najisikia. Kisha wakati fulani, dada moya mwenye kulikuwa kulishapita miaka mingi na hatuonane, alikuya na akatia mikono yake ku mabega yangu, akaniangalia mu macho na kusema: ‘Sidse, kumbuka kama haiko kosa yako!’ Kwa musaada wa Yehova, nimeweza kuendelea kumutumikia kwa furaha.”

19. Umeazimia kufanya nini?

¹⁹ Yehova anapenda waabudu wake wote wakuwe hodari kama Sadoki. (2 Ti. 1:7) Lakini, hapendi tutegemee nguvu yetu siye wenyewe. Anapenda tumutegemee. Kwa hiyo, wakati unajikuta mu hali yenye inaomba kuonyesha uhodari, sali kwa Yehova. Unaweza kuwa hakika kama atakufanya kuwa hodari kama Sadoki!—1 Pe. 5:10.