HABARI YA KUJIFUNZA YA 41
WIMBO 13 Kristo Ni Mufano Muzuri
Siku 40 za Mwisho za Yesu ku Dunia, Zinatufundisha Nini?
“Walimuona kwa muda wa siku makumi ine (40), na alikuwa anasema juu ya Ufalme wa Mungu.”—MDO. 1:3.
WAZO KUBWA
Namna tunaweza kufuata mufano wenye Yesu alituachia mu siku 40 za mwisho zenye alifanya ku dunia.
1-2. Nini njo ilitokea wakati banafunzi bawili ba Yesu balikuwa naenda Emau?
NI SIKU ya 16 ya Nisani mwaka wa 33 kisha kuzaliwa kwa Yesu. Mitume wa Yesu wako na huzuni na wanaogopa sana. Bawili kati yao banatoka Yerusalemu na kuenda Emau, kijiji yenye kuwa ku kilometre 11 hivi, kutoka Yerusalemu. Balishavunjika moyo juu Yesu, mwanaume mwenye balikuwa nafuata, ametoka tu kuuawa. Inaonekana sawa vile mambo yote yenye balitumainia kama Masiya atafanya haitatimia tena. Lakini jambo fulani yenye habatazamie inatokea.
2 Mwanaume moya mwenye habajue anabakaribia na kuanza kutembea pamoya nabo. Mitume wanamuelezea namna balishavunjika moyo juu ya mambo yenye ilimufikia Yesu. Ule mwanaume anaanza kubafasiria juu ya mambo yenye habawezi kusahau mu maisha yabo. “Akianza na Musa na Manabii wote,” akabafasiria juu ya nini Masiya alipaswa kuteseka na kufa. Wakati banafika Emau, ule mwanaume mwenye habajue, anaonyesha yeye ni nani, ni Yesu mwenye amefufuliwa! Wazia namna wale mitume walikuwa na furaha sana wakati walijua kama Masiya iko muzima!—Lu. 24:13-35.
3-4. Nini ilifikia banafunzi ya Yesu, na tutajifunza nini mu hii habari? (Matendo 1:3)
3 Yesu alitokea banafunzi yake mara mingi mu siku 40 za mwisho zenye alipitisha ku dunia. (Soma Matendo 1:3.) Mu ile kipindi, Yesu alitia moyo banafunzi yake benye balikuwa na huzuni na woga bakuwe bahubiri na balimu ba habari njema ya Ufalme benye bidii. a
4 Tutapata faida mingi kama tunajifunza mambo yenye Yesu alifanya mu hii kipindi ya maana. Mu hii habari, tutaona namna Yesu alitumia ile kipindi ya wakati (1) juu ya kutia moyo banafunzi, (2) juu ya kubasaidia baelewe muzuri Maandiko, na (3) juu ya kubazoeza mu kazi yenye batakuwa nayo mu siku zenye kuya. Mu kila hali, tutaona namna tunaweza kuiga mufano wa Yesu.
TIA BENGINE MOYO
5. Juu ya nini banafunzi ya Yesu balikuwa na lazima ya kutiwa moyo?
5 Banafunzi ya Yesu balikuwa na lazima ya kutiwa moyo. Juu ya nini? Bamoya baliacha nyumba, familia, na kazi juu ya kumufuata Yesu wakati wote. (Mt. 19:27) Bengine balitendewa mubaya juu balikuwa banafunzi ya Yesu. (Yoh. 9:22) Balijitoa sana juu balijua kama Yesu alikuwa Masiya mwenye aliahidiwa. (Mt. 16:16) Lakini wakati Yesu aliuawa, tumaini yabo ilipotea na balivunjika moyo.
6. Yesu alifanya nini kisha kufufuliwa?
6 Yesu hakuona huzuni ya banafunzi yake kuwa alama ya kuonyesha kama habakukuwa nguvu kiroho. Lakini alielewa kama balitenda vile juu balimupoteza. Kwa hiyo, siku ya kwanza tu kisha kufufuka, Yesu alianza kutia moyo barafiki yake. Kwa mufano, alimutokea Maria Magdalene wakati alikuwa nalia ku kaburi. (Yoh. 20:11, 16) Alitokea pia banafunzi bawili benye tulizungumuzia ku mwanzo wa hii habari. Na alitokea pia mutume Petro. (Lu. 24:34) Mufano wa Yesu unaweza kutufundisha nini? Tuone mambo ilikuwa namna gani wakati alimutokea Maria Magdalene.
7. Vile Yohana 20:11-16 inaonyesha, Yesu alimuona Maria iko nafanya nini asubui ya Nisani 16, na ile ilimuchochea Yesu kufanya nini? (Ona pia picha.)
7 Soma Yohana 20:11-16. Asubui ya Nisani 16, kikundi ya banamuke baaminifu inaenda ku kaburi ya Yesu. (Lu. 24:1, 10) Acha tuzungumuzie mufano wa mwanamuke moya kati yao, Maria Magdalene. Wakati alifika ku kaburi, mwili wa Yesu haukukuwa ndani. Alikimbia na kuenda kumujulisha Petro na Yohana. Kisha, wakati Petro na Yohana walikimbia kuenda ku kaburi, alikuwa nabafuata. Kisha kuhakikisha kama mwili wa Yesu haukukuwa mu kaburi, Petro na Yohana balirudia. Lakini Maria hakurudia. Alibakia pale ku kaburi na iko nalia. Hata kama Maria hakujua, Yesu alikuwa namuona. Yesu aliona machozi ya ule mwanamuke muaminifu na ile ilimugusa sana. Kwa hiyo, alimutokea Maria na alimufanyia kitu fulani ya mwepesi yenye ilimutia moyo sana. Alizungumuza naye na alimupatia mugao wa lazima sana. Mugao ya kuenda kuambia ndugu zake kama Yesu amefufuliwa.—Yoh. 20:17, 18.
Umuige Yesu kwa kuwa mutazamaji muangalifu na kwa kujiweka pa nafasi ya wenye kuvunjika moyo (Ona fungu ya 7)
8. Tunaweza kumuiga Yesu namna gani?
8 Tunaweza kumuiga Yesu namna gani? Kama Yesu, ni muzuri kujua magumu yenye ndugu na dada zetu wanapitia na kujitia pa nafasi yao wakati tuko nazungumuza nao. Tunaweza kubatia moyo juu baendelee kumutumikia Yehova. Ona mambo yenye ilimufikia dada Jocelyn. Dada yake alikufa mu aksida ya mubaya sana. Dada Jocelyn anasema hivi: “Kwa miezi mingi, nilikuwa tu na huzuni sana.” Lakini, ndugu moya na bibi yake walimualika ku nyumba, walimusikiliza na kujitia pa nafasi yake, na kumuhakikishia kama iko wa maana kwa Mungu. Jocelyn anasema hivi: “Ni sawa vile nilikuwa nazama mu mayi yenye kuwa na zoruba kali, na Yehova alitumia ule ndugu na bibi yake juu ya kuniokoa kutoka mule. Balinisaidia nikuwe tena na nia ya kumutumikia Yehova.” Na siye tunaweza kutia moyo bengine kwa kubasikiliza kwa uangalifu wakati banatufungulia moyo wao na kujitia pa nafasi yao wakati tuko nazungumuza nao juu ya kubatia moyo baendelee kumutumikia Mungu.—Ro. 12:15.
TUMIA MAANDIKO
9. Banafunzi ya Yesu balipambana na magumu gani, na namna gani Yesu alibasaidia?
9 Banafunzi ya Yesu balikubali Neno ya Mungu na balifanya yote juu ya kuitumikisha mu maisha yao. (Yoh. 17:6) Lakini balivurugika juu Yesu alikufa ku muti wa mateso sawa vile mutenda-zambi. Yesu alielewa kama balikuwa na mashaka, hapana juu balikuwa batu babaya, lakini juu habakuelewa mambo muzuri. (Lu. 9:44, 45; Yoh. 20:9) Kwa hiyo, alibafundisha kutumia Maandiko ili kuelewa mambo. Ona namna alifanya vile wakati alitokea banafunzi bawili mu njia ya kuenda Emau.
10. Yesu alihakikishia namna gani banafunzi yake kama yeye njo alikuwa Masiya? (Luka 24:18-27)
10 Soma Luka 24:18-27. Tunaona kama Yesu hakuambia palepale bale banaume kama yeye ni nani. Lakini, alibauliza maulizo. Juu ya nini? Pengine alipenda baeleze mambo yenye ilikuwa mu akili na mu moyo wao. Na ni vile balifanya. Balimuambia kama balitazamia kuwa Yesu atakomboa Waisraeli kutoka mu mikono ya Waroma. Kisha bale banaume kufasiria waziwazi mawazo yao, Yesu alitumia Maandiko juu ya kubasaidia kuelewa mambo yenye ilitokea. b Kisha, mangaribi ya ile siku Yesu alifasiria banafunzi bengine zile kweli. (Lu. 24:33-48) Hii habari inatufundisha nini?
11-12. (a) Namna Yesu alifundisha kweli zenye kuwa mu Biblia inatufundisha nini? (Ona pia picha.) (b) Mwalimu wa Biblia wa Nortey alimusaidia namna gani?
11 Tunaweza kumuiga Yesu namna gani? Kwanza, wakati tuko nafundisha banafunzi ya Biblia, tubaulize maulizo yenye itatusaidia kujua mambo yenye iko mu akili na mu moyo wao. (Mez. 20:5) Kisha kuelewa namna biko najisikia, ubaonyeshe namna ya kupata maandiko yenye inahusu hali yao. Uepuke kabisa kubaambia mambo ya kufanya. Lakini ubasaidie kufikiri kupitia Maandiko na ubasaidie baone namna banaweza kutumikisha kanuni za Biblia mu maisha yao. Ona mufano ya ndugu Nortey wa mu inchi ya Ghana.
12 Wakati Nortey alikuwa na miaka 16 alianza kujifunza Biblia. Bila kukawia familia yake ilimupinga. Ni nini ilimusaidia aendelee kujifunza Biblia? Mwalimu wake wa Biblia alikuwa ametumia Matayo sura ya 10 juu ya kumufasiria kama Wakristo wa kweli watateswa. Nortey alisema hivi: “Wakati balianza kunitesa nilikuwa hakika kama nimepata kweli.” Mwalimu wake alimusaidia kufikiri juu ya andiko ya Matayo 10:16 ili akuwe muangalifu na atende kwa heshima wakati iko nazungumuza na batu ya familia yake juu ya mambo yenye anaamini. Kisha kubatizwa, Nortey alipenda kuwa painia, lakini baba yake alipenda aende ku masomo ya juu. Kuliko kumuambia mambo ya kufanya mwalimu wake alitumia maulizo na kumusaidia kufikiria kanuni za Biblia. Matokeo ilikuwa nini? Nortey aliamua kuingia mu utumishi wa wakati wote na baba yake alimufukuza ku nyumba. Nortey anajisikia namna gani juu ya mambo yote yenye ilimufikia? Anasema hivi: “Niko hakika kama nilikamata uamuzi wa muzuri.” Kama na siye tunasaidia bengine kutumia Maandiko, tunaweza kubasaidia kuwa Wakristo wenye kukomala kiroho.—Efe. 3:16-19.
Iga Yesu kwa kusaidia bengine batumie Maandiko (Ona fungu ya 11) e
ZOEZA NDUGU WAKUWE “ZAWADI KATIKA WANADAMU.”
13. Yesu alifanya nini juu ya kuhakikisha kama kazi ya Baba yake itaendelea? (Waefeso 4:8)
13 Wakati alikuwa ku dunia Yesu alihangaikia kazi yenye Baba yake alimupatia. (Yoh. 17:4) Yesu hakukuwa na hii mawazo: ‘Kama unapenda kitu ifanyiwe muzuri, uifanye weye peke.’ Mu miaka tatu na nusu ya utumishi wake ku dunia, Yesu alizoeza bengine mbele arudie mbinguni. Alipatia banafunzi yake daraka ya kuhangaikia kondoo wa Mungu na ya kuongoza kazi ya kuhubiri na kufundisha; inawezekana bamoya kati banafunzi yake balikuwa na miaka 20 ao zaidi. (Soma Waefeso 4:8.) Yesu alitumia namna gani siku 40 za mwisho zenye alipitisha ku dunia juu ya kusaidia bale banaume benye kujitoa, bashikamanifu, na benye bidii bafikie kuwa “zawadi katika wanadamu?”—Efe. 4:8.
14. Namna gani Yesu alisaidia banafunzi yake kukomala kiroho mu siku 40 za mwisho zenye alipitisha ku dunia? (Ona pia picha.)
14 Yesu alipatia banafunzi yake mashauri yenye ilikuwa wazi lakini yenye upendo. Kwa mufano, alitambua kama banafunzi yake fulani balikuwa na muelekeo wa kuwa na mashaka, kwa hiyo alibashauria. (Lu. 24:25-27; Yoh. 20:27) Alibaambia kama ni jambo ya maana sana kutia pa nafasi ya kwanza kazi ya uchungaji kuliko kazi ya kimwili. (Yoh. 21:15) Alibaambia kama haiko jambo ya maana kuhangaikia mapendeleo yenye bengine banaweza kupata mu kazi ya Yehova. (Yoh. 21:20-22) Na alibasaidia kubadilisha mawazo fulani yenye balikuwa nayo juu ya Ufalme na akabasaidia kukazia akili kazi ya kuhubiri habari njema. (Mdo. 1:6-8) Mufano wa Yesu unafundisha wazee nini?
Iga Yesu kwa kusaidia ndugu wastahili kutumikia madaraka zaidi (Ona fungu ya 14)
15-16. (a) Wazee wanaweza kumuiga Yesu namna gani? Fasiria. (b) Namna gani mashauri ilimusaidia Patrick?
15 Wazee wanaweza kumuiga Yesu namna gani? Wanapaswa kuzoeza na kusaidia ndugu, hata wale wenye wangali vijana sana juu wastahili kutumikia madaraka zaidi mu kutaniko. c Wazee hawatazamie kama ndugu wenye wanazoeza watakuwa wakamilifu. Wanapaswa kuwatolea mashauri kwa upendo juu wale ndugu vijana wakuwe na uzoefu na waone kama ni jambo ya lazima wakuwe wanyenyekevu, waaminifu, na tayari kutumikia bengine.—1 Ti. 3:1; 2 Ti. 2:2; 1 Pe. 5:5.
16 Ona namna mashauri ilisaidia ndugu mwenye kuitwa Patrick. Wakati alikuwa kijana, alikuwa nazungumuza na bengine kwa ukali na hakukuwa natenda kwa upendo; ni vile alitendea hata dada Wakristo. Muzee moya mwenye kukomala kiroho alitambua uzaifu wa Patrick na alimupatia mashauri kwa upendo lakini yenye kuwa wazi. Patrick anasema hivi: “Ninafurahi sana juu alifanya vile, nilikuwaka navunjika moyo wakati ndugu wengine walikuwa napata mapendeleo yenye nilikuwa napenda. Lakini shauri ya ule muzee ilinisaidia kuona kama jambo ya maana zaidi ni kutumikia ndugu na dada kwa unyenyekevu haiko kupata mapendeleo ao madaraka mu kutaniko.” Matokeo ilikuwa nini? Patrick aliwekwa kuwa muzee wakati alikuwa na miaka 23.—Mez. 27:9.
17. Yesu alionyesha namna gani kama alitumainia banafunzi yake?
17 Yesu alipatia banafunzi yake mugao wa kuhubiri, lakini pia mugao wa kufundisha. (Mt. 28:20) Pengine banafunzi baliona kama habastahili ile mugao. Lakini Yesu alikuwa hakika kama batafanya ile kazi na alibaambia vile. Ili kuonyesha kama alibatumainia kabisa, Yesu alibaambia hivi: “Kama vile Baba amenituma, mimi pia ninawatuma ninyi.”—Yoh. 20:21.
18. Namna gani wazee wanaweza kumuiga Yesu?
18 Wazee wanaweza kumuiga Yesu namna gani? Wazee wenye uzoefu hawafanyake wao wenyewe kazi yote, lakini wanapatiaka pia wengine kazi fulani. (Flp. 2:19-22) Kwa mufano, wazee wanaweza kuomba vijana wasaidie kusafisha na kutunza Jumba ya Ufalme. Kisha kuwapatia kazi wanaweza kuonyesha kama wanawatumainia kwa kuwazoeza na kuwa hakika kama watatimiza ile kazi muzuri. Muzee mupya mwenye kuitwa Matthew anasema kama anafurahia sana wazee wenye uzoefu wenye wanamuzoeza juu atimize mugao fulani, na wanatumainia kama atautimiza muzuri. Matthew anasema hivi: “Nilifurahia kuona vile banaelewa kama ni jambo ya kawaida kufanya makosa wakati mutu iko najifunza na bananisadia juu nifanye kazi muzuri zaidi.” d
19. Tunapaswa kuazimia kufanya nini?
19 Yesu alitumia masiku 40 ya mwisho yenye alipitisha ku dunia juu ya kutia bengine moyo, kubafundisha, na kubazoeza. Tuazimie basi kufuata mufano wake kwa ukaribu. (1 Pe. 2:21) Na yeye atatusaidia kufanya vile. Alituahidi hivi: “Niko pamoja na ninyi sikuzote mupaka umalizio wa mupangilio wa mambo.”—Mt. 28:20.
WIMBO 15 Tumusifu Muzaliwa wa Kwanza wa Yehova!
a Vitabu vya Injili na vitabu vingine vya Biblia vinazungumuzia wakati mbalimbali wenye Yesu alitokea batu kisha kufufuliwa kwake. Kwa mufano, alitokea Maria Magdalene (Yoh. 20:11-18); alitokea banamuke bengine (Mt. 28:8-10; Lu. 24:8-11); alitokea banafunzi 2 (Lu. 24:13-15); alitokea Petro (Lu. 24:34); alitokea mitume kutosha tu Tomasi (Yoh. 20:19-24); alitokea mitume na Tomasi naye alikuwa (Yoh. 20:26); alitokea banafunzi 7 (Yoh. 21:1, 2); alitokea banafunzi zaidi ya 500 (Mt. 28:16; 1 Ko. 15:6); alitokea ndugu yake Yakobo (1 Ko. 15:7); alitokea mitume wote (Mdo. 1:4); na alitokea mitume karibu na Betania. (Lu. 24:50-52) Pengine Biblia haizungumuzie mara zingine zenye Yesu alitokea batu.—Yoh. 21:25.
b Juu ya kupata liste ya maunabii yenye kuzungumuzia Masiya, ona ku jw.org habari, “Maunabii Juu ya Masiya Inaonyesha Kabisa Kama Yesu Alikuwa Masiya?”
c Mu hali fulani, ndugu wenye kuwa na miaka kati ya 25 na 30 wanaweza kuwekwa kuwa waangalizi wa muzunguko. Lakini wanapaswa kwanza kuwa wazee.
d Juu ya kupata mapendekezo zaidi juu ya namna ya kusaidia ndugu vijana wastahili kutumikia madaraka, soma Munara wa Mulinzi wa Mwezi wa 8, 2018, uku. 11-12, fu. 15-17, na wa tarehe 15, Mwezi wa 4, 2015, uku. 3-13.
e MAFASIRIO YA PICHA: Kisha mwalimu wake kumusaidia kufikiri kwa kutumia Maandiko, mwanafunzi wa Biblia anaamua kutupa mapambo ya Noeli.
