Kuko Siku Chuki Haitakuwaka Tena!
Hata kama tunatosha chuki mu moyo wetu, hatuwezi kuitosha mu mioyo ya wengine. Watu wenye hawana kosa wanaendelea tu kutendewa mubaya juu wengine wanawachukia. Sasa, nini njo itamaliza kabisa chuki?
Yehova Mungu tu njo anaweza kumaliza kabisa chuki. Na Biblia inatuhakikishia kabisa kama atafanya vile. —Mezali 20:22.
MUNGU ATAMALIZA MAMBO YENYE INALETAKA CHUKI
-
1. SHETANI IBILISI. Shetani, ule malaika muasi, njo iko nachochea chuki yenye tuko naona leo. Mungu atamuharibu Shetani na wale wote wenye wako nachukia wengine sawa yeye.—Zaburi 37:38; Waroma 16:20.
-
2. ULIMWENGU WA SHETANI. Mungu ataharibu wale wote wenye wako nachochea chuki. Kati yao, kuko viongozi wa politike na viongozi wa dini. Pia, Mungu atamaliza mambo ya biashara yenye pupa na yenye iko nafanya watu watumikishe wenzao mubaya juu tu ya kupata faida.—2 Petro 3:13.
-
3. HALI YA KUTOKAMILIKA. Biblia inaonyesha kama wanadamu wote wameriti hali ya kutokamilika. Kwa hiyo, mara mingi wanawazaka mambo ya mubaya na wanafanyaka mambo ya mubaya. (Waroma 5:12) Ile njo inafanya wakuwe na mawazo ya chuki na matendo ya chuki. Mungu atasaidia wanadamu watoke mu hali yao ya zambi. Na ile itafanya chuki isikuwake tena.—Isaya 54:13.
BIBLIA INASEMA KAMA MU DUNIA HAMUTAKUWAKA TENA CHUKI
-
1. HAKUNA MWENYE ATATENDEWAKA BILA HAKI. Dunia itatawaliwa na Ufalme wa Mungu, serikali ya mbinguni yenye itatawala milele kwa haki. (Danieli 2:44) Watu watafurahia kuishi na watu wenye wako tofauti nao na hawatakuwa nawabagua. Mungu atamaliza mambo yote ya ukosefu wa haki yenye iko nahangaisha watu leo.—Luka 18:7.
-
2. WATU WOTE WATAKUWA NA AMANI. Hakuna mwenye atateseka juu ya jeuri ao vita. (Zaburi 46:9) Watu wote mu dunia watapenda amani. Njo maana dunia itakuwa fasi ya muzuri kwenye watu wataishi kwa amani na usalama.—Zaburi 72:7.
-
3. KILA MUTU ATAISHI MILELE MU HALI YA MUZURI. Watu wote mu dunia watapendana kwelikweli. (Matayo 22:39) Hakuna mambo yenye itahangaisha mutu. Hata mawazo ya mubaya ao mambo ya zamani, yote haitahangaisha mutu. (Isaya 65:17) Ile wakati, wanadamu wenye hawana chuki, “watapata furaha nyingi sana katika wingi wa amani.”—Zaburi 37:11.
Unapenda kuishi mu dunia ya vile? Hata leo, watu wako najikaza kuachana na chuki kwa kutumikisha kanuni za Biblia. (Zaburi 37:8) Ni vile mamilioni ya Mashahidi wa Yehova mu dunia yote wako nafanya leo. Hata kama ni wa desturi tofauti-tofauti na wametoka fasi mbalimbali, wako naishi kwa umoja na kwa upendo sawa watu wa familia moya.—Isaya 2:2-4.
Mashahidi wa Yehova watafurahi kukuambia mambo yenye wamejifunza juu ya namna ya kuvumilia ukosefu wa haki na ubaguzi. Mambo yenye utajifunza itakusaidia polepole uachane kabisa na chuki na ukuwe na upendo. Utajua namna ya kutendea watu wote muzuri, hata wale wenye wanaonekana kuwa hawana shukrani, ao wenye kuwa na chuki. Ile itakusaidia ukuwe na furaha sasa na ukuwe na uhusiano wa muzuri pamoya na wengine. Na zaidi ya yote, utajua mambo yenye unaweza kufanya juu uishi chini ya utawala wa Ufalme wa Mungu, wakati chuki haitakuwa tena.—Zaburi 37:29.
Ona pia...
MUNARA WA MULINZI
Ufalme wa Mungu Utafanya Nini?
Yesu alijua kama Ufalme wa Mungu tu njo serikali yenye inaweza kumaliza magumu ku dunia. Ni mambo gani yenye ule Ufalme umekwisha kufanya juu tuutumanie?
AMUKA!
Ubaguzi—Dawa Yenye Itamaliza Ubaguzi Milele
Ni mambo gani ine yenye Ufalme wa Mungu utafanya ili kumaliza ubaguzi?
