Zekaria 11:1-17
11 “Fungua milango yako, Ee Lebanoni,
Ili moto uteketeze mierezi yako.
2 Omboleza, Ee muberoshi, kwa maana mwerezi umeanguka;
Miti yenye utukufu imeharibiwa!
Muomboleze, ninyi mialoni ya Bashani,
Kwa maana pori lenye miti yenye kusongamana limeanguka!
3 Sikiliza! Maombolezo ya wachungaji,
Kwa maana utukufu wao umeharibiwa.
Sikiliza! Kunguruma kwa wana-simba,*
Kwa maana miti mingi midogo-midogo pembeni ya Yordani imeharibiwa.*
4 “Yehova Mungu wangu anasema hivi: ‘Chunga kundi lenye limepangiwa kuchinjwa,+
5 lenye wanunuzi wake waliwachinja+ na hawahesabiwe kuwa na hatia. Na wale wenye kuwauzisha+ wanasema, “Yehova asifiwe, kwa maana nitakuwa tajiri.” Na wachungaji wao hawawasikilie huruma.’+
6 “‘Kwa maana sitaonyesha tena wakaaji wa inchi huruma,’ ni vile Yehova anasema. ‘Kwa hiyo nitafanya kila mutu aanguke katika mukono wa jirani yake na wa mufalme wake; na watavunja-vunja inchi, na sitawaokoa kutoka katika mukono wao.’”
7 Na nikaanza kuchunga kundi lenye limepangiwa kuchinjwa,+ kwa ajili yenu, Enyi wenye kuteseka kati ya kundi la wanyama. Kwa hiyo nikakamata fimbo mbili, na nikaita moja Uzuri,+ na ingine Umoja, na nikaanza kuchunga kundi.
8 Na nikaondoa wachungaji watatu (3) katika mwezi mumoja, kwa maana mimi sikuweza* kuwavumilia, na wao walinichukia* mimi pia.
9 Na nikasema: “Sitaendelea kuwachunga ninyi. Ule mwenye anakufa akufe, na ule mwenye anaangamia aangamie. Na wale wenye kubakia, kila mumoja akule nyama ya mwenzake.”
10 Basi nikakamata fimbo yangu yenye kuitwa Uzuri+ na nikaikata, na hivyo nikavunja agano langu lenye nilikuwa nimefanya pamoja na vikundi vyote vya watu.
11 Basi likavunjwa katika siku hiyo, na wenye kuteseka kati ya kundi wenye walikuwa wananiangalia wakajua kwamba hilo lilikuwa neno la Yehova.
12 Kisha nikawaambia: “Kama inaonekana muzuri kwenu, munipatie malipo yangu; lakini kama haiko vile, muyaache.” Na wakalipa* malipo yangu, vipande makumi tatu (30) vya feza.+
13 Kisha Yehova akaniambia: “Uitupe katika hazina—samani yenye utukufu yenye walinikadiria.”+ Basi nikakamata vile vipande makumi tatu (30) vya feza, na nikaitupa katika hazina kwenye nyumba ya Yehova.+
14 Kisha nikakata fimbo yangu ya pili, yenye kuitwa Umoja,+ na hivyo nikavunja undugu kati ya Yuda na Israeli.+
15 Na Yehova akaniambia: “Sasa kamata vifaa vya muchungaji mwenye hafae kitu.+
16 Kwa maana ninaacha muchungaji asimame katika inchi. Hatahangaikia kondoo wenye kuangamia;+ hatatafuta kondoo wadogo wala kuponyesha wenye waliumia+ wala kukulisha wenye wako na uwezo wa kusimama. Tofauti na hilo, anapasua nyama ya mwenye kunenepa+ na anangoa kwato* za kondoo.+
17 Ole wake muchungaji wangu mwenye hana mafaa yoyote,+ mwenye anaacha kundi!+
Upanga utakata mukono wake na jicho lake la kuume.
Mukono wake utakauka kabisa,
Na jicho lake la kuume litapofuka kabisa.”*
Maelezo ya Chini
^ Ao “wana-simba wenye manyoya ya murefu kwenye shingo.”
^ Ao “vichaka vikubwa pembeni ya Yordani vimeharibiwa.”
^ Ao “nafsi yangu haikuweza.”
^ Ao “nafsi yao ilinichukia.”
^ Tnn., “wakapima.”
^ Kwato ni sehemu ngumu ya chini ya muguu wa munyama.
^ Tnn., “litafifia.”
