Zaburi 7:1-17
-
Yehova ni Muamuzi mwenye haki
-
“Unihukumu, Ee Yehova” (8)
-
Wimbo wa huzuni* wa Daudi wenye alimuimbia Yehova kuhusu maneno ya Kushi Mubenyamini.
7 Ee Yehova Mungu wangu, nimekukimbilia wewe.+
Uniokoe kutoka kwa wale wote wenye kunitesa na unikomboe.+
2 Kama haufanye vile watanipasua* vipande-vipande kama vile simba anafanya,+
Watanibeba kinguvu pasipo mutu yeyote wa kuniokoa.
3 Ee Yehova Mungu wangu, kama nimekosea katika jambo hili,
Kama nimetenda kwa njia yenye haiko ya haki,
4 Kama nimemukosea mwenye ananitendea wema,+
Ao kama nimenyanganya vitu vya adui yangu bila sababu,*
5 Basi adui anifuatilie na kunifikia;*
Akanyangie uzima wangu chini kwenye udongo
Na kufanya utukufu wangu upotelee katika mavumbi. (Sela)
6 Simama katika hasira yako, Ee Yehova;
Simama upambane na kasirani kali ya maadui wangu,+
Amuka kwa ajili yangu, na uombe kwamba haki itendeke.+
7 Acha mataifa yakuzunguke;
Na utawakamatia hatua kutoka juu.
8 Yehova atahukumu vikundi vya watu.+
Unihukumu, Ee Yehova, kulingana na haki yangu
Na kulingana na uaminifu-mushikamanifu wangu.+
9 Tafazali, maliza matendo maovu ya waovu.
Lakini umufanye imara mwenye haki,+
Kwa kuwa wewe ni Mungu mwenye haki+ mwenye anachunguza mioyo+ na hisia za ndani kabisa.*+
10 Mungu ni ngao yangu,+ Mwokozi wa wale wenye kuwa wanyoofu katika moyo.+
11 Mungu ni Muamuzi mwenye haki,+
Na Mungu anatangaza hukumu zake* kila siku.
12 Kama mutu yeyote hatubu,+ Yeye ananoa upanga wake;+
Anakunja upinde wake na kuufanya ukuwe tayari.+
13 Anatayarisha silaha zake zenye kuua;
Anafanya mishale yake yenye kuwaka moto ikuwe tayari.+
14 Angalia ule mwenye kuwa na mimba ya uovu;
Anachukua mimba ya taabu na kuzaa uongo.+
15 Anachimba shimo na kuongeza urefu wake,
Lakini anaanguka katika shimo lilelile lenye alichimba.+
16 Taabu yenye anatokeza itarudia juu ya kichwa chake mwenyewe;+
Jeuri yake itaanguka juu ya sehemu ya juu ya katikati ya kichwa chake.
17 Nitamusifu Yehova kwa sababu ya haki yake;+
Nitaimbia jina la Yehova sifa*+ Mwenye Kuwa Juu Zaidi.+
Maelezo ya Chini
^ Ao “Wimbo wa maombolezo.
^ Ao “watapasua nafsi yangu.”
^ Ao pengine, “Wakati sikumuharibu ule mwenye ananipinga bila sababu.”
^ Ao “na kufikia nafsi yangu.”
^ Ao “mwenye anajaribu mioyo na figo.”
^ Ao “anavurumisha lawama zake.”
^ Ao “Nitapigia jina la Yehova muziki.”
