Zaburi 45:1-17
Kwa kiongozi; imepatanishwa na “Maua ya Mayungiyungi.” Ya wana wa Kora.+ Maskili.* Wimbo wa upendo.
45 Moyo wangu umechangamushwa na jambo moja la muzuri.
Ninasema: “Wimbo wangu unahusu* mufalme.”+
Acha ulimi wangu ukuwe kalamu ya mwandikaji*+ mwenye ufundi.+
2 Uko na sura ya muzuri sana kuliko wana wote wa binadamu.
Maneno yenye kupendeza yanatiririka kutoka katika midomo yako.+
Ndiyo sababu Mungu amekubariki milele.+
3 Jifunge upanga wako+ kwenye upande wako, Ee mwenye nguvu,+
Katika heshima na utukufu wako.+
4 Na katika utukufu wako endelea mupaka upate ushindi;*+
Panda utetee kweli na unyenyekevu na haki,+
Na mukono wako wa kuume utatimiza* mambo yenye kuogopesha sana.
5 Mishale yako ni mikali, inaangusha vikundi vya watu mbele yako;+
Inatoboa mioyo ya maadui wa mufalme.+
6 Mungu ni kiti chako cha ufalme milele na milele;+
Fimbo ya ufalme wako ni fimbo ya unyoofu.*+
7 Ulipenda haki+ na kuchukia uovu.+
Ndiyo sababu Mungu, Mungu wako, amekutia mafuta+ kwa mafuta ya furaha+ kuliko wenzako.
8 Nguo zako zote zimetiwa marashi ya manemane na udi na kida;
Kutoka katika nyumba kubwa ya kifalme yenye kujengwa kwa pembe za tembo, vyombo vya kamba vinakufanya ushangilie.
9 Mabinti wa wafalme wanapatikana kati ya wanamuke wako wa heshima.
Malkia amesimama kwenye mukono wako wa kuume, akiwa amepambwa kwa zahabu ya Ofiri.+
10 Sikiliza, Ee binti, sikiliza kwa uangalifu na utege sikio lako;
Sahau watu wako na nyumba ya baba yako.
11 Na mufalme atatamani uzuri wako,
Kwa maana yeye ni bwana wako,
Kwa hiyo umuinamie.
12 Binti ya Tiro atakuja na zawadi;
Wenye kuwa matajiri zaidi kati ya watu watatafuta wema wako.*
13 Binti ya mufalme ni mwenye kupendeza sana katika nyumba ya mufalme;
Nguo zake zimepambwa kwa* zahabu.
14 Atapelekwa kwa mufalme akiwa amevaa nguo zenye kusukwa kwa ufundi mukubwa.*
Mabikira wenzake wenye kumufuata wanaingizwa ndani mbele ya mufalme.
15 Wataletwa kwa furaha na shangwe;
Wataingia katika nyumba ya kifalme.
16 Wana wako watakamata mahali pa mababu zako.
Utawaweka kuwa wakubwa katika dunia yote.+
17 Nitatangaza jina lako katika vizazi vyote vyenye kuja.+
Ndiyo sababu vikundi vya watu vitakusifu milele na milele.
Maelezo ya Chini
^ Angalia Maana ya Maneno.
^ Tnn., “Kazi zangu zinahusu.”
^ Ao “mwandishi.”
^ Ao “mafanikio.”
^ Tnn., “utakufundisha.”
^ Ao “haki.”
^ Ao “watatuliza uso wako.”
^ Tnn., “kwa vikalio vya.”
^ Ao pengine, “akiwa amevaa kanzu zenye michoro ya uzi imeshonewa juu yake.”
