Zaburi 31:1-24
Kwa kiongozi. Muziki wa Daudi.
31 Nimekukimbilia wewe, Ee Yehova.+
Nisipatishwe haya hata kidogo.+
Uniokoe kwa sababu ya haki yako.+
2 Unitegee sikio lako.*
Kuja haraka uniokoe.+
Ukuwe kwangu mulima wenye ni ngome,
Mahali kwenye ngome ili kuniokoa.+
3 Kwa maana wewe ni mwamba wangu na ngome yangu;+
Kwa ajili ya jina lako,+ utaniongoza na kunielekeza.+
4 Utanitosha katika wavu wenye* wamenitegea kwa siri,+
Kwa maana wewe ni ngome yangu.+
5 Ninaweka roho yangu katika mukono wako.+
Umenikomboa, Ee Yehova, Mungu wa ukweli.*+
6 Ninachukia wale wenye kushikamana na sanamu zenye hazina mafaa yoyote, za bure-bure,
Lakini mimi, ninamutegemea Yehova.
7 Nitashangilia sana katika upendo wako mushikamanifu,
Kwa maana umeona mateso yangu;+
Unajua taabu yangu nyingi.*
8 Haukunitia katika mukono wa adui,
Lakini unanifanya nisimame mahali salama.*
9 Unionyeshe wema, Ee Yehova, kwa maana niko katika taabu.
Uchungu umefanya macho yangu yakuwe zaifu,+ na pia mwili wangu wote.*+
10 Maisha yangu yamejaa huzuni+
Na miaka yangu imejaa kilio cha maumivu.+
Nguvu zangu zinapunguka kwa sababu ya zambi yangu;
Mifupa yangu inakuwa zaifu.+
11 Ninazarauliwa na maadui wangu wote,+
Zaidi sana majirani wangu.
Na wenye kunijua wananiogopa;
Wakati wananiona mahali kwenye watu, wananikimbia.+
12 Nimeondolewa katika moyo wao* na nimesahauliwa, kama vile nimekufa;
Niko kama mutungi wenye kuvunjika.
13 Nimesikia habari nyingi za uovu zenye haziko hakika;
Woga mukubwa unanizunguka.+
Wakati wanakusanyika pamoja kama mutu mumoja ili kunishambulia,
Wanafanya mupango wa kuondoa uzima wangu.*+
14 Lakini ninakutegemea wewe, Ee Yehova.+
Ninatangaza: “Wewe ni Mungu wangu.”+
15 Siku* zangu ziko katika mukono wako.
Uniokoe katika mukono wa maadui wangu na kutoka kwa wale wenye kunitesa.+
16 Fanya uso wako umuangazie mutumishi wako.+
Uniokoe kupitia upendo wako mushikamanifu.
17 Ee Yehova, nisipatishwe haya wakati ninakuitia.+
Acha waovu wapatishwe haya;+
Acha wanyamazishwe katika Kaburi.*+
18 Acha midomo yenye kusema uongo ikuwe bubu,+
Midomo yenye kuongea kwa kiburi juu ya mwenye haki, kwa majivuno na zarau.
19 Wema wako ni mwingi sana!+
Umeuweka kwa ajili ya wale wenye kukuogopa,+
Na umeuonyesha mbele ya wanadamu wote, kwa ajili ya wale wenye kukukimbilia wewe.+
20 Utawaficha mahali pa siri mbele yako+
Mbali na mipango mibaya ya wanadamu;
Utawaficha katika kibanda chako
Mbali na mashambulizi yenye nia mubaya.*+
21 Yehova asifiwe,
Kwa maana kwa njia ya ajabu, amenionyesha upendo wake mushikamanifu+ katika muji wenye kuzungukwa kwa ajili ya vita.+
22 Lakini mimi niliogopa sana na nikasema:
“Nitaangamia nisikuwe mbele yako.”+
Lakini ulisikia vilio vyangu vya kuomba musaada wakati nilikulilia kwa sauti kubwa.+
23 Mumupende Yehova, ninyi wote wenye kuwa washikamanifu kwake!+
Yehova analinda waaminifu,+
Lakini anamulipa malipo mengi sana mutu yeyote mwenye kuonyesha kiburi.+
24 Mukuwe hodari, na moyo wenu ukuwe na nguvu,+
Ninyi wote wenye kumungojea Yehova.+
Maelezo ya Chini
^ Ao “Uiname chini na unisikilize.”
^ Ao “makila yenye.”
^ Ao “Mungu muaminifu.”
^ Ao “taabu ya nafsi yangu.”
^ Ao “mahali penye nafasi kubwa.”
^ Ao “nafsi yangu na tumbo langu.”
^ Ao “akili yao.”
^ Ao “nafsi yangu.”
^ Tnn., “Nyakati.”
^ Ao “Sheoli,” ni kusema, kaburi la wanadamu wote. Angalia Maana ya Maneno.
^ Tnn., “Mbali na ugomvi wa ndimi.”
