Yobu 3:1-26
3 Kisha mambo hayo Yobu akaanza kusema na kulaani siku yenye alizaliwa.*+
2 Yobu akasema:
3 “Iangamie ile siku yenye nilizaliwa,+Pia ule usiku wenye mutu fulani alisema: ‘Mwanaume amechukuliwa mimba!’
4 Siku hiyo ikuwe giza.
Mungu mwenye kuwa juu asifikirie siku hiyo;Mwangaza wowote usiiangazie.
5 Giza nzito lifunike* siku hiyo.
Wingu la mvua likae juu yake.
Jambo lolote lenye kuleta giza wakati wa muchana liogopeshe sana siku hiyo.
6 Usiku huo—utawaliwe na giza;+Usikuwe na furaha kati ya siku za mwaka,Na usiingie kati ya hesabu ya miezi.
7 Ndiyo! Usiku huo ukuwe tasa;*Vigelegele vya shangwe visisikiwe usiku huo.
8 Wenye kulaani siku hiyo wailaani,Wale wenye wanaweza kuamusha Leviatani.*+
9 Nyota za ile mangaribi wakati giza linaanza zikuwe na giza;Usiku huo ungojee mwangaza lakini usiupate,Na usione miali ya mapambazuko.*
10 Kwa maana usiku huo haukufunga milango ya tumbo la uzazi la mama yangu;+Wala haukuzuia macho yangu yasione taabu.
11 Sababu gani sikukufa wakati nilizaliwa?
Sababu gani sikukata pumuzi wakati nilitoka katika tumbo la uzazi?+
12 Sababu gani magoti yalikuwa pale ili kunipokeaNa maziwa ili kuninyonyesha?
13 Kwa maana kwa sasa ningekuwa nimelala pasipo kusumbuliwa;+Ningekuwa nimelala usingizi na kupumuzika+
14 Pamoja na wafalme wa dunia na washauri wao,Wenye walijijengea mahali kwenye sasa ni mabomoko,*
15 Ao pamoja na wakubwa wenye walikuwa na zahabu,Wenye nyumba zao zilikuwa zimejaa feza.
16 Ao sababu gani sikukuwa kama mimba yenye iliharibika kwa uficho,Kama watoto wenye hawajaona mwangaza hata siku moja?
17 Kule hata waovu wameacha kusumbua;Kule wenye kuchoka wanapumuzika.+
18 Kule wafungwa ni wenye kutulia pamoja;Hawasikie sauti ya mutu mwenye anawalazimisha kufanya kazi.
19 Wadogo na wakubwa wako sawasawa kule,+Na mutumwa anapata uhuru, haiko tena chini ya mamlaka ya bwana wake.
20 Sababu gani anapatia mwangaza mutu mwenye kutesekaNa uzima kwa wale wenye uchungu mwingi?*+
21 Sababu gani wanatamani sana kifo, lakini hakifike?+
Wanakitafuta sana kuliko namna wanatafuta hazina zenye kufichwa,
22 Wale wenye kushangilia sana,Wenye kufurahi wakati wanapata kaburi.
23 Sababu gani anapatia mwangaza mwanaume mwenye amepotea njia,Mwenye Mungu ametia ukuta kumuzunguka pande zote?+
24 Kwa maana kuliko kula chakula changu ninalia kwa maumivu,+Na kilio changu cha maumivu+ kinamwangika kama maji.
25 Kwa maana kile ninaogopa kimenifikia,Na kile ninaogopa kimenipata.
26 Sina amani, sina utulivu, sina pumuziko,Lakini taabu inaendelea kuja.”
Maelezo ya Chini
^ Tnn., “kulaani siku yake.”
^ Ao “Giza na kivuli cha kifo vifunike.”
^ Ao “Ingekuwa muzuri mutu asizaliwe usiku huo.”
^ Inaeleweka kwamba maneno haya yanahusu mamba ao munyama mwingine mukubwa mwenye nguvu mwenye anaishi ndani ya maji.
^ Mapambazuko ni wakati mwangaza wa asubui unaanza kutokea.
^ Ao pengine, “wenye walijijengea mahali kwenye kuwa ukiwa.”
^ Ao “wenye uchungu wa nafsi.”
