Waamuzi 9:1-57
9 Kisha wakati fulani Abimeleki+ mwana wa Yerubaali akaenda Shekemu kwa ndugu za mama yake, na akasema nao na familia yote ya babu yake:*
2 “Tafazali muulize viongozi* wote wa Shekemu, ‘Ni jambo gani lenye kuwa muzuri zaidi kwenu, kutawaliwa na wana wote makumi saba (70) wa Yerubaali+ ao kutawaliwa na mutu mumoja tu? Na mukumbuke kwamba mimi ni mufupa wenu na nyama yenu.’”*
3 Basi ndugu za mama yake wakaambia viongozi wote wa Shekemu maneno hayo kwa ajili yake, na mioyo yao ikaelekea kumufuata Abimeleki, kwa maana walisema: “Yeye ni ndugu yetu.”
4 Kisha wakamupatia vipande makumi saba (70) vya feza kutoka katika nyumba ya* Baal-beriti,+ na akavitumia kulipa watu wavivu na wenye hawana adabu ili wamufuate.
5 Kisha akaenda kwenye nyumba ya baba yake kule Ofra+ na kuua ndugu zake,+ wana makumi saba (70) wa Yerubaali, juu ya jiwe moja. Mutu mumoja tu mwenye aliokoka alikuwa Yotamu, mwana mudogo zaidi wa Yerubaali, kwa sababu alijificha.
6 Kisha viongozi wote wa Shekemu na Bet-milo yote wakakusanyika pamoja na kumufanya Abimeleki kuwa mufalme,+ karibu na ule muti mukubwa, pembeni ya nguzo yenye ilikuwa Shekemu.
7 Wakati walimuambia Yotamu habari hizo, akaenda mara moja na kusimama kwenye kichwa cha Mulima Gerizimu,+ akawaambia kwa sauti kubwa: “Munisikilize, ninyi viongozi wa Shekemu, na kisha Mungu atawasikiliza.
8 “Siku moja miti ilienda kumutia mafuta mufalme juu yao. Basi ikaambia muzeituni, ‘Utawale juu yetu.’+
9 Lakini muzeituni ukaiambia, ‘Je, niache mafuta* yangu yenye wanatumia ili kumutukuza Mungu na wanadamu, ili niende na kuwayawaya juu ya miti ingine?’
10 Kisha miti ikaambia muti wa tini, ‘Kuja na utawale juu yetu.’
11 Lakini muti wa tini ukaiambia, ‘Je, niache utamu wangu na matunda yangu ya muzuri ili niende na kuwayawaya juu ya miti ingine?’
12 Kisha miti ikaambia muzabibu, ‘Kuja na utawale juu yetu.’
13 Muzabibu ukasema, ‘Je, niache divai yangu mupya yenye inafurahisha Mungu na wanadamu ili niende na kuwayawaya juu ya miti ingine?’
14 Mwishowe miti ingine yote ikaambia muti wa mukwamba, ‘Kuja na utawale juu yetu.’+
15 Kwa hiyo muti wa mukwamba ukaambia miti, ‘Ikiwa kweli munanitia mafuta nikuwe mufalme juu yenu, mukuje na mujifiche chini ya kivuli changu. Kama hamufanye vile, moto utoke ndani ya muti wa mukwamba na kuteketeza mierezi ya Lebanoni.’
16 “Sasa je, mumetenda kwa unyoofu na heshima kwa kumufanya Abimeleki kuwa mufalme,+ na je, mumetendea wema Yerubaali na nyumba yake, na je, mumemutendea kama vile anastahili?
17 Wakati baba yangu aliwapigania,+ alitia uzima wake* katika hatari ili kuwaokoa katika mukono wa Midiani.+
18 Lakini leo mumeasi nyumba ya baba yangu na kuua wana wake makumi saba (70) juu ya jiwe moja.+ Kisha mukamuweka Abimeleki, mwana wa mutumwa wake mwanamuke,+ kuwa mufalme juu ya viongozi wa Shekemu kwa sababu tu yeye ni ndugu yenu.
19 Basi kama leo munamutendea Yerubaali na nyumba yake kwa unyoofu na heshima, mufurahi kwa sababu ya Abimeleki naye pia afurahi kwa sababu yenu.
20 Kama haiko vile, moto utoke ndani ya Abimeleki na kuteketeza viongozi wa Shekemu na Bet-milo,+ na moto utoke ndani ya viongozi wa Shekemu na Bet-milo na kumuteketeza Abimeleki.”+
21 Kisha Yotamu+ akakimbilia Beeri, na akaishi kule kwa sababu ya Abimeleki ndugu yake.
22 Abimeleki alitawala* juu ya Israeli kwa miaka tatu (3).
23 Kisha Mungu akaacha uadui utokee* kati ya Abimeleki na viongozi wa Shekemu, na wakamutendea Abimeleki kwa udanganyifu.
24 Ilikuwa vile ili kulipiza kisasi juu ya jeuri yenye ilitendewa wale wana makumi saba (70) wa Yerubaali, na ili hatia ya damu ikuwe juu ya Abimeleki ndugu yao kwa sababu aliwaua,+ na juu ya viongozi wa Shekemu kwa sababu walimusaidia kuua ndugu zake.
25 Basi viongozi wa Shekemu wakaweka watu wavizie kwenye vichwa vya milima, na walikuwa wanamunyanganya vitu kila mutu mwenye alipita karibu nao katika barabara. Kisha wakati fulani Abimeleki akaambiwa jambo hilo.
26 Kisha Gaali mwana wa Ebedi na ndugu zake wakavuka kuingia Shekemu,+ na viongozi wa Shekemu wakamutegemea.
27 Wakaenda katika eneo la mashamba na kuvuna mizabibu ya mashamba yao, wakaikanyanga, na wakafanya sikukuu, kisha wakaingia katika nyumba ya mungu wao,+ wakakula na kunywa na kumulaani Abimeleki.
28 Kisha Gaali mwana wa Ebedi akasema: “Abimeleki ni nani, na Shekemu ni nani ili tumutumikie? Je, yeye haiko mwana wa Yerubaali,+ na je, Zebuli haiko mujumbe wake? Mutumikie watu wa Hamori, baba ya Shekemu! Lakini sababu gani tumutumikie?
29 Kama tu watu hawa wangekuwa chini ya uongozi wangu, ningeondoa Abimeleki.” Kisha akamuambia Abimeleki: “Ongeza wanajeshi wako na ukuje tupigane.”
30 Wakati Zebuli mukubwa wa muji alisikia maneno ya Gaali mwana wa Ebedi, kasirani yake ikawaka.
31 Kwa hiyo akatuma kwa uficho* wajumbe kwa Abimeleki, na kusema: “Angalia! Gaali mwana wa Ebedi na ndugu zake wako sasa Shekemu, na wanachochea watu wa muji wakupinge.
32 Basi kuja usiku, wewe na watu wako, na muvizie katika eneo la mashamba.
33 Wakati tu jua litatokea asubui, utaamuka mapema na kushambulia muji; na wakati yeye na watu wake watatoka ili kupigana na wewe, ufanye yako yote ili umushinde.”*
34 Basi Abimeleki na watu wote wenye walikuwa pamoja naye wakaamuka usiku, na wakavizia muji wa Shekemu wakiwa vikundi ine (4).
35 Wakati Gaali mwana wa Ebedi alitoka inje na kusimama kwenye muingilio wa mulango mukubwa wa muji, Abimeleki na watu wenye walikuwa pamoja naye wakatoka mahali walikuwa wanavizia.
36 Wakati Gaali aliona watu hao, akamuambia Zebuli: “Angalia! Kuko watu wenye kushuka kutoka kwenye vichwa vya milima.” Lakini Zebuli akamuambia: “Unaona vivuli vya milima kama vile ni watu.”
37 Kisha wakati fulani Gaali akasema: “Angalia! Watu wanashuka kutoka katikati ya inchi, na kikundi kimoja kinakuja kupitia njia ya muti mukubwa wa Meonenimu.”
38 Zebuli akamuambia: “Sasa yako wapi majivuno yako? Ulisema, ‘Abimeleki ni nani ili tumutumikie?’+ Je, haiko hawa ndio watu wenye ulikataa? Sasa uende inje na upigane nao.”
39 Basi Gaali akaenda inje akiwa mbele ya viongozi wa Shekemu na kupigana na Abimeleki.
40 Abimeleki akamufuatilia, na Gaali akamukimbia, na watu wengi wakauawa mupaka kufikia kwenye muingilio wa mulango mukubwa wa muji.
41 Na Abimeleki akaendelea kukaa katika Aruma, na Zebuli+ akafukuza Gaali na ndugu zake kutoka Shekemu.
42 Na kesho yake watu wakatoka na kuenda katika eneo la mashamba, na Abimeleki akaambiwa jambo hilo.
43 Basi akachukua watu na kuwagawa katika vikundi tatu (3) na kuvizia katika eneo la mashamba. Wakati aliona watu wakitoka katika muji, akawashambulia na kuwaua.
44 Abimeleki na vikundi vyake wakaenda mbio na kusimama kwenye muingilio wa mulango mukubwa wa muji, wakati huo vikundi mbili vikashambulia watu wote wenye walikuwa katika eneo la mashamba, na kuwapiga na kuwaua.
45 Abimeleki akapigana na muji huo siku hiyo yote na akaukamata. Akaua watu wa muji huo,+ na kisha akaubomoa na kupanda chumvi ndani yake.
46 Wakati viongozi wote wa munara wa Shekemu walisikia habari hizo, wakaenda mara moja katika ngome ya nyumba ya* El-beriti.+
47 Wakati tu Abimeleki aliambiwa kwamba viongozi wote wa munara wa Shekemu walikuwa wamekusanyika pamoja,
48 Abimeleki na wanaume wote wenye walikuwa pamoja naye wakapanda kwenye Mulima Salmoni. Abimeleki akakamata shoka katika mukono wake, akakata tawi la muti na kulibeba kwenye bega lake, na akaambia watu wenye walikuwa pamoja naye: “Kile muliona ninafanya, mufanye haraka na kutenda vilevile!”
49 Basi watu wote wakakata matawi na kumufuata Abimeleki. Kisha wakatia matawi hayo pembeni-pembeni ya ngome hiyo na kuteketeza ngome hiyo kwa moto. Halafu watu wote wa munara wa Shekemu wao pia wakakufa, watu karibu elfu moja (1 000), wanaume na wanamuke.
50 Kisha Abimeleki akaenda Tebesi; akapiga kambi juu ya muji wa Tebesi na kuukamata.
51 Kulikuwa munara wenye nguvu katikati ya muji huo, na wanaume wote na wanamuke na viongozi wote wa muji huo wakakimbilia mule. Wakajifungia ndani na kupanda kwenye sehemu ya juu ya munara huo.
52 Abimeleki akaenda kwenye munara huo na kuushambulia. Akaenda karibu na muingilio wa munara huo ili auteketeze kwa moto.
53 Kisha mwanamuke fulani akaangusha jiwe la juu la kusagia juu ya kichwa cha Abimeleki na kuvunja-vunja mufupa wake wa kichwa.+
54 Abimeleki akamuita haraka mutumishi mwenye alimubebea silaha na kumuambia: “Chomoa upanga wako na uniue, ili wasiseme juu yangu, ‘Mwanamuke ndiye alimuua.’” Basi mutumishi wake akamuingiza upanga, na akakufa.
55 Wakati wanaume wa Israeli waliona kwamba Abimeleki amekufa, wote wakarudia nyumbani.
56 Ni vile Mungu alilipiza kisasi kwa sababu ya uovu wenye Abimeleki alimutendea baba yake kwa kuua ndugu zake makumi saba (70).+
57 Pia Mungu alifanya uovu wote wa wanaume wa Shekemu urudie juu ya vichwa vyao. Basi laana ya Yotamu+ mwana wa Yerubaali+ ikakuja juu yao.
Maelezo ya Chini
^ Tnn., “familia ya nyumba ya baba ya mama yake.”
^ Ao pengine, “wenye mashamba.”
^ Ao “niko na uhusiano wa damu pamoja na ninyi.”
^ Ao “hekalu la.”
^ Ao “kuzaa matunda.”
^ Ao “nafsi yake.”
^ Ao “alijifanya kuwa mukubwa.”
^ Tnn., “akatuma roho mubaya.”
^ Ao “kwa ujanja.”
^ Ao “umutendee kile mukono wako unaweza.”
^ Ao “hekalu la.”
