Waamuzi 12:1-15
12 Kisha watu wa kabila la Efraimu wakaitwa, na wakavuka na kufika Zafoni,* wakamuambia Yefta: “Sababu gani haukutuita tuende pamoja na wewe wakati ulivuka ili kupigana na Waamoni?+ Tutachoma nyumba yako ukiwa ndani yake.”
2 Lakini Yefta akawaambia: “Mimi na watu wangu tulikuwa na ugomvi mukubwa pamoja na Waamoni. Niliwaomba munisaidie, lakini hamukuniokoa katika mukono wao.
3 Wakati niliona kuwa hamukuje kuniokoa, basi nikaamua kutia uzima wangu katika hatari* na kuenda kupigana na Waamoni,+ na Yehova akawatia katika mukono wangu. Basi sababu gani mumekuja leo kupigana na mimi?”
4 Kisha Yefta akakusanya watu wote wa Gileadi,+ na wakapigana na watu wa Efraimu; watu wa Gileadi wakashinda Waefraimu, wenye walikuwa wamesema: “Ninyi ni wakimbizi tu kutoka Efraimu, ninyi Wagileadi katika Efraimu na Manase.”
5 Watu wa Gileadi wakakamata nafasi za kuvukia za Yordani+ mbele ya Efraimu; na wakati watu wa Efraimu walikuwa wanajaribu kukimbia, walikuwa wanasema: “Muniache nivuke”; kisha watu wa Gileadi waliuliza kila mumoja wao, “Wewe ni Mwefraimu?” Wakati alisema, “Hapana!”
6 wakamuambia, “Tafazali sema Shiboleti.” Lakini alisema, “Siboleti,” kwa sababu hakuweza kusema neno hilo muzuri. Kisha walimukamata na kumuua kwenye nafasi za kuvukia za Yordani. Basi Waefraimu elfu makumi ine na mbili (42 000) wakauawa wakati huo.
7 Yefta alihukumu Israeli kwa miaka sita (6), kisha Yefta Mugileadi akakufa na kuzikwa katika muji wake kule Gileadi.
8 Ibzani wa Betlehemu akahukumu Israeli kisha Yefta.+
9 Alikuwa na watoto wanaume makumi tatu (30) na watoto wanamuke makumi tatu. Akatuma watoto wake wanamuke makumi tatu waolewe inje ya ukoo wake, na akaleta wanamuke makumi tatu waolewe na watoto wake wanaume. Alihukumu Israeli kwa miaka saba (7).
10 Kisha Ibzani akakufa na kuzikwa Betlehemu.
11 Kisha yeye, Eloni Muzabuloni akahukumu Israeli; alihukumu Israeli kwa miaka kumi (10).
12 Kisha Eloni Muzabuloni akakufa na kuzikwa Aiyaloni katika inchi ya Zabuloni.
13 Kisha yeye, Abdoni mwana wa Hileli Mupiratoni akahukumu Israeli.
14 Alikuwa na wana makumi ine (40) na wajukuu makumi tatu (30) wenye walikuwa wanapanda juu ya punda makumi saba (70). Alihukumu Israeli kwa miaka munane (8).
15 Kisha Abdoni mwana wa Hileli Mupiratoni akakufa na kuzikwa Piratoni katika inchi ya Efraimu katika mulima wa Mwamaleki.+
Maelezo ya Chini
^ Ao pengine, “wakavuka kuelekea kaskazini.”
^ Ao “kutia nafsi yangu katika mukono wangu.”
