Isaya 21:1-17
21 Tangazo juu ya jangwa la bahari:*+
Musiba unakuja kama pepo za zoruba zenye kuvuma upande wa kusini,Kutoka katika jangwa, kutoka katika inchi yenye kuogopesha.+
2 Nimeambiwa maono makali:
Mudanganyifu anatenda kwa udanganyifu,Na mwenye kuharibu, anaharibu.
Panda, Ee Elamu! Zunguka kwa ajili ya vita, Ee Umedi!+
Nitamaliza kilio chote cha maumivu chenye alitokeza.+
3 Hiyo ndiyo sababu niko na uchungu.*+
Uchungu umenishika,Kama uchungu wa mwanamuke mwenye kuzaa.
Nimeteseka sana, siwezi kusikia;Nimevurugika sana, siwezi kuona.
4 Moyo wangu unasita-sita; ninatetemeka kwa sababu ya kuogopa sana.
Saa ya mangaribi wakati giza linaanza yenye nilitamani sana inanifanya nitetemeke.
5 Mutayarishe meza na mupange viti,
Mukule na kunywa!+
Musimame, ninyi wakubwa, mutie ngao mafuta.
6 Kwa maana Yehova aliniambia:
“Uende, uweke mulinzi na umuambie aseme kile anaona.”
7 Naye akaona gari la vita pamoja na kundi la farasi,Gari la vita la punda,Gari la vita la ngamia.
Aliangalia kwa uangalifu, akiwa amekaza fikira sana.
8 Kisha akaita kama simba:
“Ee Yehova, ninasimama juu ya munara wa mulinzi sikuzote wakati wa muchana,Na ninasimama mahali pangu pa ulinzi kila usiku.+
9 Angalia kile kinakuja:
Wanaume katika gari la vita pamoja na kundi la farasi wa vita!”+
Kisha akasema kwa sauti kubwa:
“Ameanguka! Babiloni ameanguka!+
Sanamu zake zote za kuchongwa za miungu yake amezivunja na kuziangusha chini!”+
10 Ee watu wangu wenye wamepigwa-pigwa kama mbegu,Mazao ya* kiwanja changu cha kupigia-pigia nafaka,+Nimewaambia kile nimesikia kutoka kwa Yehova wa majeshi, Mungu wa Israeli.
11 Tangazo juu ya Duma:*
Kuko mutu mwenye ananiita kutoka Seiri:+
“Mulinzi, habari gani za usiku?
Mulinzi, habari gani za usiku?”
12 Mulinzi akasema:
“Asubui inakuja, na usiku pia.
Kama munataka kuuliza, muulize.
Mukuje tena!”
13 Tangazo juu ya jangwa tambarare:
Mutakaa usiku katika pori katika jangwa tambarare,
Enyi misururu ya wasafiri wa Dedani.+
14 Mulete maji ili mupokee mwenye kiu,Ninyi wakaaji wa inchi ya Tema,+Na mulete mukate kwa ajili ya ule mwenye kukimbia.
15 Kwa maana wamekimbia kwa sababu ya panga, kwa sababu ya upanga wenye kuchomolewa,Kwa sababu ya upinde wenye kukunjwa, na kwa sababu ya mateso ya vita.
16 Kwa maana Yehova aliniambia hivi: “Katika muda wa mwaka mumoja, kulingana na miaka ya mufanyakazi wa kulipwa,* utukufu wote wa Kedari+ utafikia mwisho.
17 Wapiga-upinde wenye kubakia kati ya wapiganaji-vita wa Kedari watakuwa kidogo, kwa maana Yehova, Mungu wa Israeli, amesema.”
Maelezo ya Chini
^ Inaonekana ni eneo la Babilonia ya zamani.
^ Tnn., “viuno vyangu vimejaa maumivu.”
^ Tnn., “Mwana wa.”
^ Maana yake “Ukimya.”
^ Ao “yenye kuhesabiwa kwa uangalifu kama vile mufanyakazi wa kulipwa anafanya”; ni kusema, kwa mwaka mumoja kamili.
