Hesabu 1:1-54
1 Na Yehova akasema na Musa katika jangwa la Sinai,+ katika hema ya mukutano,+ siku ya kwanza ya mwezi wa pili, katika mwaka wa pili kisha wao kutoka katika inchi ya Misri.+ Akamuambia:
2 “Muhesabie+ mukusanyiko wote wa Waisraeli,* kila mumoja wao* kulingana na familia yake, kulingana na jamaa zao za upande wa baba, kulingana na hesabu ya majina ya wanaume wote.
3 Wewe na Haruni munapaswa kuandikisha watu wote kuanzia miaka makumi mbili (20) na zaidi+ wenye wanaweza kutumika katika jeshi la Israeli, kulingana na vikundi vyao vya maaskari.*
4 “Muchukue mwanaume mumoja katika kila kabila; kila mumoja wao anapaswa kuwa kichwa cha jamaa yake ya upande wa baba.+
5 Haya ni majina ya wanaume wenye watasimama pamoja na ninyi: katika kabila la Rubeni, Elisuri+ mwana wa Shedeuri;
6 katika kabila la Simeoni, Shelumieli+ mwana wa Zurishadai;
7 katika kabila la Yuda, Nashoni+ mwana wa Aminadabu;
8 katika kabila la Isakari, Netaneli+ mwana wa Zuari;
9 katika kabila la Zabuloni, Eliabu+ mwana wa Heloni;
10 kutoka kati ya wana wa Yosefu: katika kabila la Efraimu,+ Elishama mwana wa Amihudi; katika kabila la Manase, Gamalieli mwana wa Pedazuri;
11 katika kabila la Benyamini, Abidani+ mwana wa Gideoni;
12 katika kabila la Dani, Ahiezeri+ mwana wa Amishadai;
13 katika kabila la Asheri, Pagieli+ mwana wa Okrani;
14 katika kabila la Gadi, Eliasafu+ mwana wa Deueli;
15 katika kabila la Naftali, Ahira+ mwana wa Enani.
16 Ni hawa walichaguliwa kati ya mukusanyiko. Hao ndio wakubwa+ wa makabila ya baba zao, vichwa vya maelfu ya Israeli.”+
17 Kwa hiyo Musa na Haruni wakachukua wanaume hao wenye walikuwa wametajwa kwa majina.
18 Wakakusanya mukusanyiko wote siku ya kwanza ya mwezi wa pili, ili kila mwanaume aandikishwe kulingana na jina lake, familia yake, na jamaa zao za upande wa baba, kuanzia miaka makumi mbili (20) na zaidi,+
19 kama vile Yehova alikuwa amemuamuru Musa. Kwa hiyo akawaandikisha katika jangwa la Sinai.+
20 Wana wa Rubeni, wazao wa muzaliwa wa kwanza wa Israeli,+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
21 na hesabu ya wale wenye waliandikishwa katika kabila la Rubeni ilikuwa elfu makumi ine na sita na mia tano (46 500).
22 Wazao wa Simeoni+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
23 na hesabu ya wale wenye waliandikishwa katika kabila la Simeoni ilikuwa elfu makumi tano na kenda na mia tatu (59 300).
24 Wazao wa Gadi+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
25 na hesabu ya wale wenye waliandikishwa katika kabila la Gadi ilikuwa elfu makumi ine na tano na mia sita makumi tano (45 650).
26 Wazao wa Yuda+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
27 na hesabu ya wale wenye waliandikishwa katika kabila la Yuda ilikuwa elfu makumi saba na ine na mia sita (74 600).
28 Wazao wa Isakari+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
29 na hesabu ya wale wenye waliandikishwa katika kabila la Isakari ilikuwa elfu makumi tano na ine na mia ine (54 400).
30 Wazao wa Zabuloni+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
31 na hesabu ya wale wenye waliandikishwa katika kabila la Zabuloni ilikuwa elfu makumi tano na saba na mia ine (57 400).
32 Wazao wa Yosefu kupitia Efraimu+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
33 na hesabu ya wale wenye waliandikishwa katika kabila la Efraimu ilikuwa elfu makumi ine na mia tano (40 500).
34 Wazao wa Manase+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
35 na hesabu ya wale wenye waliandikishwa katika kabila la Manase ilikuwa elfu makumi tatu na mbili na mia mbili (32 200).
36 Wazao wa Benyamini+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
37 na hesabu ya wale wenye waliandikishwa katika kabila la Benyamini ilikuwa elfu makumi tatu na tano na mia ine (35 400).
38 Wazao wa Dani+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
39 na hesabu ya wale wenye waliandikishwa katika kabila la Dani ilikuwa elfu makumi sita na mbili na mia saba (62 700).
40 Wazao wa Asheri+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
41 na hesabu ya wale wenye waliandikishwa katika kabila la Asheri ilikuwa elfu makumi ine na moja na mia tano (41 500).
42 Wazao wa Naftali+ waliandikwa kulingana na majina yao, familia zao, na jamaa zao za upande wa baba. Wanaume wote kuanzia miaka makumi mbili (20) na zaidi wenye wangeweza kutumika katika jeshi walihesabiwa,
43 na hesabu ya wale wenye waliandikishwa katika kabila la Naftali ilikuwa elfu makumi tano na tatu na mia ine (53 400).
44 Hao ndio waliandikishwa na Musa na Haruni na wale wakubwa kumi na mbili (12) wa Israeli, kila mumoja aliwakilisha jamaa yake ya upande wa baba.
45 Waisraeli wote kuanzia miaka makumi mbili (20) na zaidi wenye wangeweza kutumika katika jeshi la Israeli waliandikishwa kulingana na jamaa yao ya upande wa baba,
46 na hesabu ya wale wote wenye waliandikishwa ilikuwa elfu mia sita na tatu na mia tano makumi tano (603 550).+
47 Lakini Walawi+ hawakuandikishwa kati yao, kulingana na kabila la baba zao.+
48 Kwa hiyo Yehova akamuambia Musa:
49 “Ni kabila la Lawi tu ndilo hautaandikisha, na haupaswe kuwahesabia pamoja na Waisraeli wengine.+
50 Unapaswa kuwaweka Walawi wasimamie tabenakulo ya Ushuhuda+ na vyombo vyake vyote na kila kitu chenye kuwa ndani yake.+ Watabeba tabenakulo hiyo na vyombo vyake vyote,+ na watatumikia kwenye tabenakulo,+ na watapiga kambi kuizunguka.+
51 Kila wakati tabenakulo inahamishwa, Walawi ndio wanapaswa kuibomoa;+ na wakati inasimamishwa, Walawi ndio wanapaswa kuisimamisha; na kama mutu yeyote mwenye haruhusiwe* anakaribia anapaswa kuuawa.+
52 “Kila Mwisraeli anapaswa kusimamisha hema yake katika kambi yenye alipewa, kila mutu kulingana na mugawanyo wake wa makabila tatu (3),*+ kulingana na kikundi chake cha maaskari.*
53 Na Walawi wanapaswa kupiga kambi kuzunguka tabenakulo ya Ushuhuda, ili kasirani yangu isiwakie mukusanyiko wa Waisraeli;+ na Walawi wanapaswa kutunza* tabenakulo ya Ushuhuda.”+
54 Watu wa Israeli wakafanya mambo yote yenye Yehova alikuwa amemuamuru Musa. Ni vile walifanya kabisa.
Maelezo ya Chini
^ Tnn., “wana wa Israeli.”
^ Ao “kila kichwa.”
^ Tnn., “kulingana na majeshi yao.”
^ Tnn., ”mugeni yeyote,” ni kusema, mutu mwenye haiko Mulawi.
^ Ao “alama (bendera) yake.”
^ Tnn., “majeshi yao.”
^ Ao “kulinda; kutumikia kwenye.”
