Kwa Filemoni 1:1-25
1 Paulo, mufungwa+ kwa ajili ya Kristo Yesu, na Timoteo+ ndugu yetu, kwa Filemoni mufanyakazi mwenzetu mupendwa,
2 na kwa Afia dada yetu, na kwa Arkipo+ askari mwenzetu, na kwa kutaniko lenye kuwa katika nyumba yako:+
3 Mukuwe na fazili zenye hazistahiliwe na amani kutoka kwa Mungu Baba yetu na kwa Bwana Yesu Kristo.
4 Ninamushukuru Mungu wangu kila mara wakati ninakutaja katika sala zangu,+
5 kwa sababu ninaendelea kusikia juu ya imani yako na upendo wenye uko nao kwa ajili ya* Bwana Yesu na kwa ajili ya* watakatifu wote.
6 Ninasali kwamba kushiriki kwako imani pamoja na wengine kukuchochee kutambua kila jambo la muzuri lenye tuko nalo kupitia Kristo.
7 Kwa maana nilifurahi sana na kupata kitulizo wakati nilisikia juu ya upendo wako, kwa sababu mioyo ya watakatifu imeburudishwa* kupitia wewe, ndugu.
8 Kwa hiyo, hata kama niko na uhuru mukubwa wa kusema katika Kristo ili kukuagiza ufanye jambo lenye linafaa,
9 lakini ninaona ni muzuri nikuombe kwa musingi wa upendo, kwa kuwa mimi ni Paulo mwanaume muzee, ndiyo, mimi ni mufungwa pia sasa kwa ajili ya Kristo Yesu.
10 Ninakuomba kwa ajili ya mutoto wangu Onesimo, mwenye nimekuwa baba yake+ wakati niko katika gereza.*+
11 Zamani hakukuwa na faida kwako, lakini sasa ni mwenye faida kwako na kwangu pia.
12 Ninamurudisha kwako, ndiyo, yeye ni moyo wangu mwenyewe.*
13 Ningependa akae hapa ili anitumikie pa nafasi yako wakati niko mufungwa kwa sababu ya habari njema.+
14 Lakini sitaki kufanya jambo lolote bila ruhusa yako, ili tendo lako la muzuri lifanywe kwa kupenda, hapana kwa kulazimishwa.+
15 Pengine hii ndiyo sababu alitoroka kwa wakati mufupi,* ili ukuwe naye tena milele,
16 hapana kama mutumwa tena,+ lakini zaidi ya mutumwa, kama ndugu mupendwa,+ zaidi sana kwangu, lakini hata zaidi kwako kimwili na pia katika Bwana.
17 Kwa hiyo, kama unaniona mimi kuwa rafiki yako,* umupokee muzuri kama vile ungenipokea mimi.
18 Zaidi ya hiyo, kama alikukosea ao iko* na deni lako la kitu chochote, weka yote hiyo juu ya kichwa changu.
19 Mimi Paulo ninaandika kwa mukono wangu mwenyewe: Nitakulipa—bila kusahau kwamba hata wewe mwenyewe ni deni langu.
20 Ndiyo, ndugu, ninaomba unisaidie kuhusu jambo hili katika Bwana; uburudishe moyo wangu* kuhusiana na Kristo.
21 Niko hakika kuwa utakubali, ndiyo sababu ninakuandikia, ninajua kama utafanya hata zaidi ya mambo yenye ninasema.
22 Lakini pamoja na hayo, pia unitayarishie makao, kwa sababu ninatumaini kuwa kupitia sala zenu nitarudishwa kwenu.*+
23 Epafra,+ mwenzangu wa utekwa katika Kristo Yesu, anakutumia salamu,
24 pia wafanyakazi wenzangu Marko, Aristarko,+ Dema,+ na Luka+ wanakutumia salamu.
25 Mukuwe na fazili zenye hazistahiliwe za Bwana Yesu Kristo kwa sababu ya roho yenye munaonyesha.
Maelezo ya Chini
^ Ao “kumuelekea.”
^ Ao “kuelekea.”
^ Ao “upendo wenye upole wa watakatifu umeburudishwa.”
^ Tnn., “katika vifungo.”
^ Ao “upendo wangu mwenyewe wenye upole.”
^ Tnn., “saa moja.”
^ Tnn., “mushiriki wako.”
^ Ao “eko.”
^ Ao “upendo wangu wenye upole.”
^ Ao “nitawekwa huru kwa ajili yenu.”
