Ezra 5:1-17
5 Kisha nabii Hagai+ na nabii Zekaria+ mujukuu wa Ido+ wakatoa unabii kwa Wayahudi wenye walikuwa katika Yuda na Yerusalemu, katika jina la Mungu wa Israeli mwenye alikuwa anawaongoza.
2 Basi Zerubabeli+ mwana wa Shealtieli na Yeshua+ mwana wa Yehosadaki wakaanza kujenga upya nyumba ya Mungu,+ yenye ilikuwa Yerusalemu; na manabii wa Mungu walikuwa pamoja nao ili kuwaunga mukono.+
3 Wakati huo Tatenai gavana wa eneo la Ngambo ya ule Muto* na Shetar-bozenai na wenzao wakakuja na kuwauliza: “Ni nani mwenye aliwapatia amri ya kujenga nyumba hii na kumaliza kujenga muundo huu?”*
4 Kisha wakawauliza: “Wanaume wenye kujenga nyumba hii, majina yao ni nani?”
5 Lakini Mungu alikuwa analinda* wazee wa Wayahudi,+ na hawakuweza kuwazuia mupaka wakati habari ingekuwa imetumwa kwa Dario na barua juu ya jambo hilo ikuwe imerudia.
6 Hii ndiyo kopi ya barua yenye Tatenai gavana wa eneo la Ngambo ya ule Muto na Shetar-bozenai na wenzake, magavana wadogo wa eneo la Ngambo ya ule Muto, walimutumia Mufalme Dario;
7 walimutumia habari, na hii ndiyo mambo yenye waliandika:
“Kwa Mufalme Dario:
“Amani nyingi!
8 Mufalme ajue kwamba tulienda katika jimbo la* Yuda kwenye nyumba ya ule Mungu mukubwa, na nyumba hiyo inajengwa kwa majiwe makubwa sana yenye kuwekwa mahali pake kwa kuviringishwa, na mbao zinawekwa katika kuta. Watu hao wanafanya kazi hiyo kwa bidii na inasonga mbele kwa nguvu zao.
9 Kisha tuliuliza wazee wao: ‘Ni nani mwenye aliwapatia amri ya kujenga nyumba hii na kumaliza kujenga muundo huu?’*+
10 Pia, tuliwauliza majina yao ili tukujulishe, kusudi tupate kuandika majina ya wanaume wenye kuongoza.
11 “Hili ndilo jibu walitupatia: ‘Tuko watumishi wa Mungu wa mbingu na dunia, na tunajenga upya nyumba yenye ilijengwa miaka mingi zamani, yenye mufalme mukubwa wa Israeli alijenga na kumaliza.+
12 Lakini, baba zetu walikasirisha Mungu wa mbinguni,+ na aliwatia katika mukono wa Mufalme Nebukadneza+ wa Babiloni, Mukaldayo, mwenye alibomoa nyumba hii+ na kupeleka watu katika uhamisho, kule Babiloni.+
13 Hata hivyo, katika mwaka wa kwanza wa Mufalme Koreshi wa Babiloni, Mufalme Koreshi alitoa amri ya kujenga upya nyumba hii ya Mungu.+
14 Zaidi ya hilo, Mufalme Koreshi alikamata katika hekalu la Babiloni vyombo vya zahabu na feza vya nyumba ya Mungu vyenye Nebukadneza alikuwa amekamata katika hekalu la Yerusalemu, na kuvileta katika hekalu la Babiloni.+ Vilipewa mwanaume mwenye kuitwa Sheshbazari,*+ mwenye Koreshi alimufanya kuwa gavana.+
15 Koreshi alimuambia: “Kamata vyombo hivi. Uende, uvitie katika hekalu kule Yerusalemu, na nyumba ya Mungu ijengwe upya mahali ilikuwa zamani.”+
16 Basi Sheshbazari alikuja, na akaweka misingi ya nyumba ya Mungu,+ yenye kuwa Yerusalemu; na kuanzia wakati huo mupaka sasa inaendelea kujengwa, lakini haijamalizika.’+
17 “Sasa kama mufalme anaona ni muzuri, uchunguzi ufanywe katika nyumba ya hazina ya mufalme kule Babiloni, ili kujua kama Mufalme Koreshi alitoa amri ya kujenga upya nyumba ya Mungu kule Yerusalemu;+ na kisha uamuzi wa mufalme juu ya jambo hili utumwe kwetu.”
Maelezo ya Chini
^ Ao “Eneo la Ngambo Ingine ya Efrati.”
^ Ao “nguzo hizi.”
^ Tnn., “jicho la Mungu wao lilikuwa juu yao.”
^ Ao “wilaya ya utawala wa.”
^ Ao “nguzo hizi.”
