Ezekieli 45:1-25
45 “‘Wakati mutagawanya inchi kuwa uriti,+ mutamutolea Yehova muchango wa sehemu takatifu ya inchi.+ Urefu wake utakuwa mikono* elfu makumi mbili na tano (25 000), na upana wake mikono elfu kumi (10 000).+ Eneo hilo lote litakuwa* sehemu takatifu.
2 Ndani yake kutakuwa eneo lenye kuwa na pande ine (4) zenye kuwa sawasawa* kwa ajili ya mahali patakatifu lenye urefu wake ni mikono mia tano (500) na upana wake ni mikono mia tano,*+ na litakuwa na malisho ya mikono makumi tano (50) kwenye kila upande.+
3 Kutoka katika kipimo hicho utapima urefu wa elfu makumi mbili na tano (25 000) na upana wa elfu kumi (10 000), na ndani yake kutakuwa patakatifu, kitu kitakatifu zaidi.
4 Litakuwa sehemu takatifu ya inchi kwa ajili ya makuhani,+ watumishi wa patakatifu, wenye wanakaribia ili kumutolea Yehova utumishi.+ Patakuwa mahali kwa ajili ya nyumba zao na mahali patakatifu kwa ajili ya patakatifu.
5 “‘Kwa ajili ya Walawi, watumishi wa hekalu, kutakuwa sehemu yenye urefu wa mikono elfu makumi mbili na tano (25 000) na upana wa mikono elfu kumi (10 000),+ nao watapata vyumba makumi mbili (20) vya kukulia chakula*+ kuwa mali yao.
6 “‘Mutapatia eneo la muji sehemu yenye urefu wa mikono elfu makumi mbili na tano (25 000) (yenye inalingana na muchango mutakatifu) na upana wa mikono elfu tano (5 000).+ Itakuwa ya nyumba yote ya Israeli.
7 “‘Na kwa ajili ya mukubwa kutakuwa sehemu ya udongo pande zote mbili za ule muchango mutakatifu na eneo lenye liligawiwa muji. Itakuwa karibu na ule muchango mutakatifu na eneo la muji. Itakuwa upande wa mangaribi na wa mashariki. Urefu wake kuanzia mupaka wa mangaribi kufikia mupaka wa mashariki utakuwa sawa na moja kati ya sehemu za makabila.+
8 Sehemu hiyo ya udongo itakuwa mali yake katika Israeli. Wakubwa wangu hawatatendea tena watu wangu mubaya,+ nao watapatia nyumba ya Israeli ile inchi kulingana na makabila yao.’+
9 “Bwana Mwenye Mamlaka Makubwa Zaidi Yehova anasema hivi: ‘Imetosha, enyi wakubwa wa Israeli!’
“‘Muache jeuri na ukandamizaji, na mutende haki na uadilifu.*+ Muache kunyanganya mali ya watu wangu,’+ ni vile Bwana Mwenye Mamlaka Makubwa Zaidi Yehova anasema.
10 ‘Munapaswa kutumia mizani* zenye kuwa sawa na kipimo chenye kuwa sawa cha efa* na kipimo chenye kuwa sawa cha bati.*+
11 Kunapaswa kuwa kipimo chenye kimeamuliwa cha efa na cha bati. Kipimo cha bati kinapaswa kuwa sehemu moja ya kumi (1/10) ya homeri* na kipimo cha efa kinapaswa kuwa sehemu moja ya kumi ya homeri. Homeri ndiyo itakuwa kiwango cha kupimia.
12 Shekeli*+ inapaswa kuwa gera* makumi mbili (20). Na shekeli makumi mbili kuongeza shekeli makumi mbili na tano (25) kuongeza shekeli kumi na tano (15) zitakufanyia jumla ya mane* moja.’
13 “‘Huu ndio muchango wenye utatoa: sehemu moja ya sita (1/6) ya efa kutoka katika kila homeri ya ngano, na sehemu moja ya sita ya efa kutoka katika kila homeri ya shayiri.
14 Posho ya mafuta itapimwa kwa kipimo cha bati. Bati ni sehemu moja ya kumi (1/10) ya kori* na bati kumi (10) ni homeri moja, kwa sababu bati kumi ni sawa na homeri moja.
15 Na kutoka kati ya makundi ya Israeli, kondoo mumoja atatolewa kati ya kondoo mia mbili (200). Hawa watakuwa kwa ajili ya toleo la nafaka,+ toleo nzima la kuteketezwa+ na zabihu za ushirika,+ ili kufunika zambi kwa ajili ya watu,’+ ni vile Bwana Mwenye Mamlaka Makubwa Zaidi Yehova anasema.
16 “‘Watu wote wa inchi watatoa muchango huu+ kwa mukubwa katika Israeli.
17 Lakini mukubwa atakuwa na daraka juu ya matoleo mazima ya kuteketezwa,+ toleo la nafaka,+ na toleo la kinywaji wakati wa sikukuu,+ miezi mipya, Sabato,+ na sikukuu zote zenye zimewekwa za nyumba ya Israeli.+ Yeye ndiye ataleta toleo la zambi, toleo la nafaka, toleo nzima la kuteketezwa, na zabihu za ushirika, ili kufunika zambi kwa ajili ya nyumba ya Israeli.’
18 “Bwana Mwenye Mamlaka Makubwa Zaidi Yehova anasema hivi: ‘Katika mwezi wa kwanza, siku ya kwanza ya mwezi huo, utakamata ngombe-dume mudogo mwenye hana kasoro kutoka katika mifugo, na utatakasa patakatifu kutokana na zambi.+
19 Kuhani atakamata sehemu fulani ya damu ya toleo la zambi na kuitia kwenye mwimo wa mulango wa hekalu,+ juu ya zile pembe ine (4) za ukingo wa mazabahu wenye kuzunguka, na juu ya mwimo wa mulango mukubwa wa kiwanja cha ndani.
20 Ni vile utafanya katika siku ya saba (7) ya mwezi kwa sababu ya mutu yeyote mwenye anafanya zambi bila kukusudia ao bila kujua;+ na ninyi munapaswa kufunika zambi kwa ajili ya hekalu.+
21 “‘Katika mwezi wa kwanza, siku ya kumi na ine (14) ya mwezi huo, mutafanya sikukuu ya Pasaka.+ Kwa siku saba (7) mikate yenye haina chachu itakuliwa.+
22 Siku hiyo mukubwa ataleta ngombe-dume mudogo kuwa toleo la zambi kwa ajili yake mwenyewe na kwa ajili ya watu wote wa inchi.+
23 Kwa siku saba (7) za sikukuu hiyo atamutolea Yehova toleo nzima la kuteketezwa la ngombe-dume saba wadogo wenye hawana kasoro na kondoo-dume saba wenye hawana kasoro kila siku kwa siku saba,+ na pia mbuzi-dume kila siku kuwa toleo la zambi.
24 Pia anapaswa kuleta toleo la nafaka la efa moja kwa ajili ya kila ngombe-dume mudogo na efa moja kwa ajili ya kila kondoo-dume, na pia hini* moja ya mafuta kwa ajili ya kila efa.
25 “‘Katika mwezi wa saba (7), siku ya kumi na tano (15) ya mwezi huo, kwa siku saba wakati wa sikukuu,+ anapaswa kuleta toleo lilelile la zambi, toleo nzima la kuteketezwa, na toleo la nafaka, na mafuta.’”
Maelezo ya Chini
^ Ao “Mipaka yake yote itakuwa.”
^ Inamaanisha mikono mirefu. Angalia Nyongeza B14.
^ Ao “muraba; carré.”
^ Tnn., “500 juu ya 500.”
^ Ao “vyumba 20.”
^ Angalia Maana ya Maneno.
^ Ao “kilo.”
^ Angalia Nyongeza B14.
^ Angalia Nyongeza B14.
^ Angalia Nyongeza B14.
^ Angalia Nyongeza B14.
^ Angalia Nyongeza B14.
^ Ao “mina.” Angalia Nyongeza B14.
^ Angalia Nyongeza B14.
^ Angalia Nyongeza B14.
