Ezekieli 41:1-26
41 Kisha akaniingiza patakatifu pa inje,* na akapima nguzo za pembeni; zilikuwa na upana wa mikono* sita (6) upande mumoja na upana wa mikono sita upande mwingine.
2 Muingilio ulikuwa na upana wa mikono kumi (10), na kuta za pembeni* za muingilio zilikuwa mikono tano (5) upande mumoja na mikono tano upande mwingine. Akapima urefu wake, ulikuwa mikono makumi ine (40), na upana wake, mikono makumi mbili (20).
3 Kisha akaingia ndani* na kupima nguzo ya pembeni ya muingilio, na ilikuwa na unene wa mikono mbili, na muingilio ulikuwa na upana wa mikono sita (6). Kuta za pembeni za muingilio zilikuwa* mikono saba (7).
4 Kisha akapima chumba chenye kuangaliana na patakatifu pa inje, na urefu wake ulikuwa mikono makumi mbili (20) na upana wake mikono makumi mbili.+ Na akaniambia: “Hapa ndipo Patakatifu Zaidi.”+
5 Kisha akapima ukuta wa hekalu, na unene wake ulikuwa mikono sita (6). Na vyumba vya pembeni kuzunguka hekalu vilikuwa na upana wa mikono ine (4).+
6 Vyumba vya pembeni vilikuwa na gorofa tatu (3), moja juu ya ingine, na kila gorofa ilikuwa na vyumba makumi tatu (30). Kulikuwa kingo kuzunguka ukuta wa hekalu zenye zilishikilia vyumba vya pembeni, ili vitegemezo visiingie katika ukuta wa hekalu lenyewe.+
7 Pande zote mbili za hekalu zilikuwa na njia yenye kujikunja-kunja* yenye ilipanuka kadiri ilikuwa inapanda kwenye vyumba vya juu.+ Upana uliongezeka kutoka gorofa moja mupaka gorofa ingine kadiri mutu alikuwa anapanda kutoka gorofa ya chini mupaka gorofa ya juu akipitia gorofa ya katikati.
8 Nikaona kwamba kulikuwa jukwaa lenye kuinuliwa kuzunguka hekalu pande zote, na misingi ya vyumba vya pembeni ilikuwa na urefu wa utete mumoja wa mikono sita (6) mupaka kwenye pembe.
9 Upana wa ukuta wa inje wa vyumba vya pembeni ulikuwa mikono tano (5). Kulikuwa nafasi yenye kuwa wazi* pembeni-pembeni ya muundo wa vyumba vya pembeni vyenye vilikuwa sehemu ya hekalu.
10 Kati ya hekalu na vile vyumba vya kukulia chakula*+ kulikuwa eneo lenye upana wa mikono makumi mbili (20) kila upande.
11 Kulikuwa muingilio kati ya vyumba vya pembeni na nafasi yenye kuwa wazi yenye ilikuwa upande wa kaskazini na muingilio mwingine upande wa kusini. Upana wa nafasi yenye kuwa wazi ulikuwa mikono tano (5) kuzunguka pande zote.
12 Jengo lenye lilikuwa upande wa mangaribi kuelekea eneo lenye kuwa wazi lilikuwa na upana wa mikono makumi saba (70) na urefu wa mikono makumi kenda (90); ukuta wa jengo hilo ulikuwa na unene wa mikono tano (5) kuzunguka pande zote.
13 Akapima hekalu, na lilikuwa na urefu wa mikono mia moja (100). Eneo lenye kuwa wazi, jengo,* na kuta zake zilikuwa pia na urefu wa mikono mia moja.
14 Upana wa upande wa mbele wa hekalu wenye ulielekea mashariki na eneo lenye kuwa wazi lilikuwa mikono mia moja (100).
15 Akapima urefu wa jengo lenye lilielekea eneo lenye kuwa wazi lenye lilikuwa nyuma, pamoja na veranda zake pande zote mbili, na ulikuwa mikono mia moja (100).
Pia akapima patakatifu pa inje, patakatifu pa ndani,+ na yale mabaraza ya kiwanja,
16 pia vizingiti,* madirisha yenye ukubwa wa kadre zake ulienda ukipunguka,+ na veranda zenye zilikuwa katika maeneo hayo matatu (3). Karibu na kizingiti kulikuwa mbao zenye kufunika+ kuanzia kwenye sakafu* mupaka kwenye madirisha; na madirisha yalikuwa yamefunikwa.
17 Sehemu ya juu ya muingilio na sehemu ya ndani ya hekalu na inje na kuzunguka ukuta pande zote, vilipimwa.
18 Kulikuwa makerubi+ wenye kuchongwa na pia maumbo ya muti wa mutende,+ kila muti wa mutende ulikuwa kati ya makerubi wawili, na kila kerubi alikuwa na nyuso mbili.
19 Uso wa mwanadamu ulielekea muti wa mutende upande mumoja, na uso wa simba* ulielekea muti wa mutende upande mwingine.+ Ilichongwa vile katika hekalu lote.
20 Kuanzia kwenye sakafu* mupaka kwenye sehemu yenye kuwa juu ya muingilio kulikuwa makerubi wenye kuchongwa na maumbo ya muti wa mutende kwenye ukuta wa patakatifu.
21 Miimo ya milango ya* patakatifu ilikuwa na pande ine (4) zenye kuwa sawasawa.*+ Mbele ya mahali patakatifu* kulikuwa kitu kama
22 mazabahu ya mbao+ yenye ilikuwa na urefu kuenda juu wa mikono tatu (3) na urefu wa mikono mbili. Ilikuwa na miimo ya pembe, na sehemu yake ya chini* na kuta zake zilikuwa za mbao. Kisha akaniambia: “Hii ndiyo meza yenye kuwa mbele ya Yehova.”+
23 Patakatifu pa inje na mahali patakatifu kila moja ilikuwa na milango mbili.+
24 Milango ilikuwa na sehemu mbili zenye kujifunga zenyewe, sehemu mbili kwa kila mulango.
25 Kulikuwa makerubi wenye kuchongwa na maumbo ya muti wa mutende kwenye milango ya patakatifu, kama ile yenye ilikuwa kwenye ukuta.+ Pia kulikuwa kifuniko* cha mbao juu ya upande wa mbele wa baraza upande wa inje.
26 Kulikuwa pia madirisha yenye ukubwa wa kadre zake ulienda ukipunguka+ na maumbo ya muti wa mutende pande zote mbili za baraza, pia kwenye vyumba vya pembeni vya hekalu na vifuniko.
Maelezo ya Chini
^ Tnn., “hekalu.” Katika sura ya 41 na 42, neno hili linamaanisha patakatifu pa inje (Patakatifu) ao nafasi yote ya patakatifu (hekalu kutia ndani Patakatifu na Patakatifu Zaidi.)
^ Inamaanisha mikono mirefu. Angalia Nyongeza B14.
^ Tnn., “pande.”
^ Ni kusema, katika patakatifu pa ndani; ao Patakatifu Zaidi.
^ Tnn., “upana wa muingilio ulikuwa.”
^ Inaonekana ni vipandio vya muviringo.
^ Inaonekana ni njia nyembamba kuzunguka hekalu.
^ Ao “vyumba.”
^ Ni kusema, jengo lenye kuwa upande wa mangaribi wa patakatifu.
^ Ao “pavement.”
^ Hapa kizingiti ni ubao wenye kuwa chini ya mulango.
^ Ao “mwana-simba mwenye manyoya ya murefu kwenye shingo.”
^ Ao “pavement.”
^ Ao “muraba; carré.”
^ Inaonekana ni Patakatifu Zaidi.
^ Tnn., “Mwimo wa mulango wa.” Inaonekana ni muingilio wa Patakatifu.
^ Tnn., “urefu.”
^ Ao “kipaa.”
