Ezekieli 16:1-63
-
Upendo wa Mungu kwa Yerusalemu (1-63)
16 Neno la Yehova likakuja tena kwangu, na kusema:
2 “Mwana wa binadamu, julisha Yerusalemu mazoea yake yenye kuchukiza.+
3 Unapaswa kusema, ‘Bwana Mwenye Mamlaka Makubwa Zaidi Yehova anamuambia Yerusalemu hivi: “Asili yako na kuzaliwa kwako ni katika inchi ya Mukanaani. Baba yako alikuwa Mwamori,+ na mama yako alikuwa Muhiti.+
4 Kuhusu kuzaliwa kwako, siku yenye ulizaliwa, kitofu chako hakikukatwa, haukuoshwa katika maji ili ukuwe safi, haukupakwa chumvi, wala haukufungwa kwa vitambaa.
5 Hakuna mwenye alikusikilia huruma ili kukufanyia jambo moja kati ya mambo hayo. Hakuna mwenye alikuhurumia. Tofauti na hilo, ulitupwa katika eneo lenye kuwa wazi la mashamba kwa sababu ulichukiwa* siku yenye ulizaliwa.
6 “‘“Wakati nilikuwa ninapita, nilikuona ukipiga-piga miguu katika damu yako, na wakati ulikuwa umelala pale katika damu yako, nikasema: ‘Endelea kuishi!’ Ndiyo, nilikuambia ukiwa umelala pale katika damu yako: ‘Endelea kuishi!’
7 Nilikufanya kuwa kundi kubwa sana, kama vile mimea yenye kuchipuka katika shamba, na ulikomaa na ukakuwa mukubwa na ukavaa mapambo ya muzuri sana. Maziwa yako yalikomaa, na nywele zako zilikomaa; lakini ulikuwa ungali uchi na mwili wazi.”’
8 “‘Wakati nilikuwa ninapita na nikakuona, nilitambua kwamba ulikuwa umeeneza miaka ya kuonyeshwa upendo. Kwa hiyo nikatandika nguo yangu* juu yako+ na kufunika uchi wako na nikafanya kiapo na kuingia katika agano pamoja na wewe,’ ni vile Bwana Mwenye Mamlaka Makubwa Zaidi Yehova anasema, ‘na wewe ukakuwa wangu.
9 Tena, nikakunawisha na maji na kuondoa damu yenye ilikuwa juu yako na nikatia mafuta juu yako.+
10 Kisha nikakuvalisha nguo yenye michoro ya uzi imeshonewa juu yake na kukupatia viatu vya ngozi laini* na kukufunika kwa nguo ya kitani kizuri, na nikakuvalisha nguo za bei kali.
11 Nikakupamba kwa mapambo na nikatia vikomo kwenye mikono yako na mukufu kuzunguka shingo yako.
12 Pia, nikatia pete kwenye pua yako na mahereni ya masikio kwenye masikio yako na taji la muzuri kwenye kichwa chako.
13 Ukaendelea kujipamba kwa zahabu na feza, na nguo zako zilikuwa kitani kizuri, kitambaa cha bei, na nguo yenye michoro ya uzi imeshonewa juu yake. Ulikula unga muzuri, asali, na mafuta, na ukakuwa mwenye sura na umbo ya muzuri sana,+ na ukastahili kuwa malkia.’”*
14 “‘Sifa yako ikaanza* kuenea kati ya mataifa+ kwa sababu ya uzuri wako, kwa maana ulikuwa kamili kwa sababu nilitia utukufu wangu juu yako,’+ ni vile Bwana Mwenye Mamlaka Makubwa Zaidi Yehova anasema.”
15 “‘Lakini ulianza kutegemea uzuri wako,+ na ukakuwa kahaba kwa sababu ya sifa yako.+ Ulimwanga matendo yako ya ukahaba kwa kila mupita-njia,+ na uzuri wako ukakuwa wake.
16 Ulikamata nguo zako fulani na kutengeneza mahali pa juu penye rangi mbalimbali kwenye ulifanyia ukahaba+—mambo hayo hayapaswe kufanyika, wala hayapaswe kutokea hata kidogo.
17 Pia, ulikamata vitu vyako vya muzuri vya kujipamba vyenye vilitengenezwa* kwa zahabu na feza yenye nilikupatia na ukajitengenezea sanamu za kiume na kufanya ukahaba pamoja nazo.+
18 Na ukakamata nguo zako zenye michoro ya uzi imeshonewa juu yake na kuzifunika,* na ukatolea sanamu hizo mafuta yangu na uvumba wangu.+
19 Na mukate wangu wenye nilikuwa nimekupatia—wenye ulipikwa kwa unga muzuri, mafuta, na asali yenye nilikupatia ukule—pia ulivitolea sanamu hizo kuwa harufu ya muzuri.*+ Ilikuwa hivyo kabisa,’ ni vile Bwana Mwenye Mamlaka Makubwa Zaidi Yehova anasema.”
20 “‘Ulikamata watoto wako wanaume na watoto wako wanamuke wenye ulikuwa umenizalia,+ na ukawatoa zabihu kwa sanamu hizo ili wamezwe+—je, matendo yako ya ukahaba hayajaenda mbali sana?
21 Ulichinja wana wangu, na ukawatoa kuwa zabihu kwa kuwapitisha katika moto.+
22 Wakati ulikuwa unafanya mazoea yako yenye kuchukiza na matendo ya ukahaba, haukukumbuka siku za ujana wako wakati ulikuwa uchi na mwili wazi, ukipiga-piga miguu katika damu yako.
23 Kisha uovu wako wote, ole, ole wako,’+ ni vile Bwana Mwenye Mamlaka Makubwa Zaidi Yehova anasema.
24 ‘Ulijijengea kilima na kujifanyia mahali pa juu katika kila kiwanja cha watu wote.
25 Ulijenga mahali pako pa juu katika mahali penye kujulikana sana pa kila barabara, na uligeuza uzuri wako kuwa kitu chenye kuchukiza kwa kujitoa* kwa kila mupita-njia,+ na uliongeza matendo yako ya ukahaba.+
26 Ulifanya ukahaba na wana wa Misri,+ majirani wako wenye tamaa kubwa ya ngono,* na ulinikosea kwa matendo yako mengi ya ukahaba.
27 Sasa nitaleta mukono wangu juu yako na kupunguza posho lako la chakula+ na kuacha wanamuke wenye kukuchukia wakutendee vile wanapenda,*+ mabinti wa Wafilisti, wanamuke wenye walishitushwa na mwenendo wako muchafu.+
28 “‘Kwa kuwa haukutosheka, basi ulifanya ukahaba na wana wa Ashuru,+ lakini kisha kufanya ukahaba nao, bado haukutosheka.
29 Kwa hiyo ukaongeza ukahaba wako kuelekea inchi ya wafanyabiashara* na kuelekea Wakaldayo,+ lakini bado haukutosheka.
30 Moyo wako ulikuwa mugonjwa* kabisa,’* ni vile Bwana Mwenye Mamlaka Makubwa Zaidi Yehova anasema, ‘wakati ulifanya mambo hayo yote, ukitenda kama kahaba mwenye hana haya!+
31 Lakini wakati ulijenga kilima chako mahali penye kujulikana sana pa kila barabara na kutengeneza mahali pako pa juu katika kila kiwanja cha watu wote, haukukuwa kama kahaba, kwa sababu ulikataa malipo yoyote.
32 Wewe ni mwanamuke muzinifu mwenye kukamata wageni pa nafasi ya bwana yake mwenyewe!+
33 Watu wanapatia makahaba wote zawadi,+ lakini wewe ndiye unawapatia zawadi wote wenye kukutamani sana,+ unawapatia rushwa* kusudi wakuje kwako kutoka pande zote ili kufanya ukahaba.+
34 Unatenda kinyume na wanamuke wengine wenye kufanya ukahaba. Hakuna mwenye kufanya ukahaba kama wewe! Unalipa watu, nao hawakulipe. Unatenda kinyume.’
35 “Kwa hiyo, Ee kahaba,+ sikia neno la Yehova.
36 Bwana Mwenye Mamlaka Makubwa Zaidi Yehova anasema hivi: ‘Kwa sababu tamaa yako kubwa ya ngono imemwangwa na uchi wako umefunuliwa wakati ulifanya ukahaba pamoja na wale wenye kukupenda na sanamu zako za mubaya, zenye kuchukiza*+ zenye ulitolea zabihu ya damu ya wana wako,+
37 kwa hiyo, ninakusanya pamoja wote wenye kukupenda wenye umewapatia raha, wale wote wenye ulipenda pamoja na wale wote wenye ulichukia. Nitawakusanya pamoja ili wakushambulie kutoka pande zote na nitawafunulia uchi wako, nao watakuona ukiwa uchi kabisa.+
38 “‘Na nitakupatia azabu kwa hukumu zenye wanamuke wazinifu+ na wanamuke wenye kumwanga damu+ wanastahili, na damu yako itamwangwa kwa kasirani kali na wivu.+
39 Nitakutia katika mukono wao, nao watabomoa kilima chako, na mahali pako pa juu patabomolewa;+ nao watakuvua nguo zako+ na kukamata vitu vyako vya muzuri vya kujipamba*+ na kukuacha ukiwa uchi na mwili wazi.
40 Wataleta kikundi cha watu juu yako,+ nao watakupiga majiwe+ na kukuchinja kwa panga zao.+
41 Watateketeza kwa moto nyumba zako+ na kuleta hukumu juu yako mbele ya macho ya wanamuke wengi; na mimi nitakomesha ukahaba wako,+ na utaacha kutoa malipo.
42 Nitatosheleza kasirani yangu kali juu yako,+ na gazabu yangu itageuka kutoka kwako;+ na nitatulia na sitajisikia tena kuwa nimekosewa.’
43 “‘Kwa sababu haukukumbuka siku za ujana wako+ na umenikasirisha kwa kufanya mambo hayo yote, sasa nitaleta matokeo ya njia zako juu ya kichwa chako,’ ni vile Bwana Mwenye Mamlaka Makubwa Zaidi Yehova anasema, ‘na hautaendeleza tena mwenendo wako muchafu na mazoea yako yote yenye kuchukiza.
44 “‘Angalia! Kila mutu mwenye kutumia mezali atatumia mezali hii juu yako: “Kama vile mama iko,* ni vile binti yake iko!”*+
45 Wewe ni binti ya mama yako, mwenye alimuzarau bwana yake na watoto wake. Na wewe ni dada ya dada zako, wenye walizarau bwana zao na watoto wao. Mama yenu alikuwa Muhiti, na baba yenu alikuwa Mwamori.’”+
46 “‘Dada yako mukubwa ni Samaria,+ mwenye kukaa upande wako wa kaskazini* pamoja na mabinti wake,*+ na dada yako mudogo, mwenye kukaa upande wako wa kusini,* ni Sodoma+ pamoja na mabinti wake.+
47 Haukutembea tu katika njia zao na kufuata mazoea yao yenye kuchukiza, lakini kwa wakati mufupi ulikuwa mupotovu hata zaidi katika mwenendo wako wote kuliko wao.+
48 Kama vile hakika ninaishi,’ ni vile Bwana Mwenye Mamlaka Makubwa Zaidi Yehova anasema, ‘Sodoma dada yako na mabinti wake hawajatenda mambo yenye wewe na mabinti wako mumetenda.
49 Angalia! Ni hili lilikuwa kosa la Sodoma dada yako: Yeye pamoja na mabinti wake+ walikuwa na kiburi,+ na walikuwa na chakula kingi+ na utulivu bila wasiwasi;+ lakini hawakusaidia wenye kuteseka na maskini.+
50 Waliendelea kuwa na majivuno+ na kuendeleza mazoea yenye kuchukiza mbele ya macho yangu,+ basi nikaona inafaa kuwaondoa.+
51 “‘Wala Samaria+ hakutenda zambi hata nusu ya zambi nyingi zenye ulifanya. Uliendelea kuongeza mazoea yako yenye kuchukiza kuliko namna walifanya, kiasi ya kwamba dada zako wakaonekana kuwa wenye haki kwa sababu ya mazoea yako yote yenye kuchukiza.+
52 Unapaswa sasa kubeba haya yako kwa kuwa umetetea mwenendo wa dada zako. Kwa sababu ya zambi yako ya kutenda kwa kuchukiza kuliko namna wamefanya, wao ni wenye haki kuliko wewe. Basi sasa, usikie haya na ubebe aibu ya kufanya dada zako waonekane kuwa wenye haki.’
53 “‘Na nitakusanya watu wao wenye walikamatwa mateka, watu wa Sodoma wenye walikamatwa mateka na mabinti wake na watu wa Samaria wenye walikamatwa mateka na mabinti wake; pia nitakusanya pamoja nao watu wako wenye walikamatwa mateka,+
54 ili ubebe haya yako; na utapata haya kwa sababu ya mambo yenye umefanya kwa kuwafariji.
55 Dada zako, Sodoma na mabinti wake, watarudia kwenye hali yao ya kwanza, na Samaria na mabinti wake watarudia kwenye hali yao ya kwanza, na wewe pamoja na mabinti wako mutarudia kwenye hali yenu ya kwanza.+
56 Sodoma dada yako hakustahili umutaje katika siku ya majivuno yako,
57 mbele ya kufunuliwa kwa uovu wako mwenyewe.+ Sasa mabinti wa Siria na majirani wake wanakulaumu, na mabinti wa Wafilisti,+ wote wenye kukuzunguka pande zote, wanakutendea kwa zarau.
58 Utapata matokeo ya mwenendo wako muchafu na mazoea yako yenye kuchukiza,’ ni vile Yehova anasema.”
59 “Kwa maana Bwana Mwenye Mamlaka Makubwa Zaidi Yehova anasema hivi: ‘Sasa nitakutendea kama vile umetenda,+ kwa maana ulizarau kiapo kwa kuvunja agano langu.+
60 Lakini mimi mwenyewe nitakumbuka agano lenye nilifanya pamoja na wewe katika siku za ujana wako, na nitafanya agano la kudumu pamoja na wewe.+
61 Utakumbuka mwenendo wako na kupata haya+ wakati utakaribisha dada zako, wenye kuwa wakubwa kuliko wewe na vilevile wenye kuwa wadogo kuliko wewe, na nitakupatia dada zako ili wakuwe mabinti wako, lakini hapana kwa sababu ya agano lako.’
62 “‘Na mimi mwenyewe nitafanya agano langu pamoja na wewe; na utalazimika kujua kwamba mimi ni Yehova.
63 Kisha utakumbuka na kusikia haya sana usiweze kufungua kinywa chako kwa sababu ya aibu yako,+ wakati nitafunika zambi kwa ajili yako ijapokuwa mambo yote yenye umefanya,’+ ni vile Bwana Mwenye Mamlaka Makubwa Zaidi Yehova anasema.”
Maelezo ya Chini
^ Ao “nafsi yako ilichukiwa.”
^ Ao “sehemu ya chini ya nguo yangu.”
^ Ao “ngozi ya sili.” Sili ni munyama fulani mwenye anaishi katika maji.
^ Ao “ukastahili cheo cha kifalme.”
^ Tnn., “Jina lako likaanza.”
^ Ao “mapambo yenye yalitengenezwa.”
^ Ni kusema, sanamu za kiume.
^ Ao “ya kutuliza.” Tnn., “ya kupumuzisha.”
^ Tnn., “kupanua miguu yako.”
^ Tnn., “majirani wako wenye mwili mukubwa.”
^ Ao “kukutia katika nafsi ya wanamuke wenye kukuchukia.”
^ Tnn., “inchi ya Kanaani.”
^ Ao “muzaifu.”
^ Ao pengine, “Nilijaa kabisa kasirani kali juu yako.”
^ Ao “kata-midomo.”
^ Pengine neno la Kiebrania lenye linatumiwa hapa linahusiana na maneno “mavi ya wanyama” na linatumiwa ili kuonyesha zarau.
^ Ao “mapambo yako ya muzuri.”
^ Ao “eko.”
^ Ao “eko.”
^ Tnn., “upande wako wa kuume.”
^ Pengine ni miji yake ya pembeni-pembeni.
^ Tnn., “upande wako wa kushoto.”
