Danieli 4:1-37
4 “Kutoka kwa Mufalme Nebukadneza kwa vikundi vyote vya watu, mataifa, na vikundi vya luga vyenye kukaa katika dunia yote: Amani yenu ikuwe nyingi!
2 Ninafurahi kutangaza alama na maajabu yenye Mungu Mwenye Kuwa Juu Zaidi amenifanyia.
3 Alama zake ni kubwa, na maajabu yake ni yenye nguvu! Ufalme wake ni ufalme wa milele, na utawala wake ni wa kizazi kwa kizazi.+
4 “Mimi, Nebukadneza, nilikuwa ninakaa kwa utulivu katika nyumba yangu na mambo yalikuwa muzuri kwangu katika nyumba yangu ya kifalme.
5 Niliona ndoto yenye iliniogopesha. Wakati nilikuwa nimelala katika kitanda changu, picha na maono ya kichwa changu viliniogopesha.+
6 Basi nikatoa amri kwamba watu wote wenye hekima wa Babiloni waletwe ndani mbele yangu ili wanijulishe maana ya ndoto hiyo.+
7 “Wakati huo makuhani wenye kufanya uchawi, watu wenye kuitia roho wachafu, Wakaldayo,* na watu wenye elimu ya nyota+ wakaingia. Wakati niliwaambia ndoto hiyo, walishindwa kunijulisha maana yake.+
8 Mwishowe Danieli akaingia mbele yangu, mwenye jina lake ni Belteshaza+ kulingana na jina la mungu wangu+ na mwenye ndani yake muko roho ya miungu mitakatifu,+ na nikamuambia ndoto hiyo:
9 “‘Ee Belteshaza mukubwa wa makuhani wenye kufanya uchawi,+ ninajua muzuri kama roho ya miungu mitakatifu iko ndani yako+ na hakuna siri yoyote yenye iko nguvu sana kwako.+ Basi unielezee maono yenye niliona katika ndoto yangu na unifasirie maana yake.
10 “‘Katika maono ya kichwa changu wakati nilikuwa katika kitanda changu, niliona muti+ katikati ya dunia, na urefu wake ulikuwa mukubwa sana.+
11 Muti huo ulikomaa na ukakuwa wenye nguvu, na sehemu yake ya juu ilifika mupaka mbinguni, na ulionekana kwenye miisho ya dunia yote.
12 Majani yake yalikuwa ya muzuri, na matunda yake yalikuwa mengi, na juu yake kulikuwa chakula kwa ajili ya wote. Wanyama wa pori walikuwa wanatafuta kivuli chini yake, na ndege wa mbinguni walikuwa wanakaa katika matawi yake, na viumbe vyote vilikuwa vinapata* chakula kutokana na muti huo.
13 “‘Wakati nilikuwa ninaona maono ya kichwa changu nikiwa katika kitanda changu, niliona mulinzi, mwenye kuwa mutakatifu, akishuka kutoka mbinguni.+
14 Akasema kwa sauti kubwa: “Mukate muti huu,+ mukate matawi yake, muangushe majani yake, na musambaze matunda yake! Wanyama wakimbie kutoka chini yake, na ndege kutoka katika matawi yake.
15 Lakini muache kisiki na mizizi yake katika udongo, kikiwa na pingu ya chuma na ya shaba, katikati ya majani ya pori. Muache kilowane na umande wa mbinguni, na fungu lake likuwe pamoja na wanyama katikati ya majani ya dunia.+
16 Moyo wake ubadilishwe usikuwe wa mwanadamu, na kipewe moyo wa munyama, na nyakati saba (7)+ zipite juu yake.+
17 Hiyo ni kulingana na amri ya walinzi,+ na ombi hilo ni kulingana na neno la watakatifu, ili watu wenye kuishi wajue kwamba Mwenye Kuwa Juu Zaidi ni Mutawala katika ufalme wa wanadamu+ na kwamba anaupatia mutu yeyote mwenye anataka, na anaweka juu yake hata mutu wa hali ya chini zaidi.”
18 “‘Hiyo ndiyo ndoto yenye mimi, Mufalme Nebukadneza, niliona; sasa wewe, Ee Belteshaza, fasiria maana yake, kwa sababu watu wengine wote wenye hekima wa ufalme wangu hawana uwezo wa kunijulisha maana yake.+ Lakini wewe unaweza kufanya vile, kwa sababu roho ya miungu mitakatifu iko ndani yako.’
19 “Wakati huo Danieli, mwenye jina lake ni Belteshaza,+ akashangaa kwa wakati fulani, na mawazo yake yakaanza kumuogopesha.
“Mufalme akasema, ‘Ee Belteshaza, usiache ndoto hii na mafasirio yake vikuogopeshe.’
“Belteshaza akajibu, ‘Ee bwana wangu, ndoto hii itendeke kwa wale wenye wanakuchukia, na mafasirio yake kwa maadui wako.
20 “‘Muti wenye uliona wenye ulikomaa na kuwa wenye nguvu, wenye sehemu yake ya juu ilifika mbinguni na wenye ulionekana katika dunia yote,+
21 wenye ulikuwa na majani ya muzuri, matunda mengi, na chakula kwa wote, wenye wanyama wa pori walikaa chini yake na wenye ndege wa mbinguni waliishi katika matawi yake,+
22 ni wewe, Ee mufalme, kwa sababu umekuwa mukubwa na mwenye nguvu, na ukubwa wako umeongezeka na kufika mbinguni,+ na utawala wako umefika mupaka kwenye miisho ya dunia.+
23 “‘Na mufalme aliona mulinzi, mwenye kuwa mutakatifu,+ akishuka kutoka mbinguni, mwenye alikuwa anasema: “Mukate muti huu na kuuharibu, lakini muache kisiki na mizizi yake katika udongo, kikiwa na pingu ya chuma na ya shaba, katikati ya majani ya pori. Na umande wa mbinguni ukilowanishe, na fungu lake likuwe pamoja na wanyama wa pori mupaka nyakati saba (7) zipite juu yake.”+
24 Haya ndiyo mafasirio, Ee mufalme; ni amri ya Mwenye Kuwa Juu Zaidi yenye inapaswa kumupata bwana wangu mufalme.
25 Utafukuzwa mbali na wanadamu, na makao yako yatakuwa pamoja na wanyama wa pori, na utapewa majani ukule kama vile ngombe-dume; na utalowanishwa na umande wa mbinguni,+ na nyakati saba (7)+ zitapita juu yako,+ mupaka wakati utajua kwamba Mwenye Kuwa Juu Zaidi ni Mutawala katika ufalme wa wanadamu na kwamba anaupatia mutu yeyote mwenye anataka.+
26 “‘Lakini kwa sababu walisema kisiki cha muti huo kiachwe pamoja na mizizi yake,+ ufalme wako utakuwa wako tena kisha wewe kujua kama mbingu zinatawala.
27 Kwa hiyo, Ee mufalme, ukubali shauri langu. Ugeuke na uachane na zambi zako kwa kufanya mambo yenye kuwa sawa, na uachane na uovu wako kwa kuonyesha maskini rehema. Pengine mafanikio yako yatarefushwa.’”+
28 Mambo haya yote yalimupata Mufalme Nebukadneza.
29 Miezi kumi na mbili (12) kisha mambo hayo alikuwa anatembea kwenye sehemu ya juu ya nyumba ya kifalme ya Babiloni.
30 Mufalme alikuwa anasema: “Je, hii haiko Babiloni Mukubwa muji wenye mimi mwenyewe nimejenga kwa ajili ya nyumba ya kifalme kwa nguvu na uwezo wangu mwenyewe na kwa ajili ya utukufu wa ukubwa wangu?”
31 Wakati neno lilikuwa lingali katika kinywa cha mufalme, sauti ikashuka kutoka mbinguni: “Unaambiwa hivi, Ee Mufalme Nebukadneza, ‘Ufalme umeondoka kutoka kwako,+
32 na unafukuzwa mbali na wanadamu. Makao yako yatakuwa pamoja na wanyama wa pori, na utapewa majani ukule kama vile ngombe-dume, na nyakati saba (7) zitapita juu yako, mupaka wakati utajua kama Mwenye Kuwa Juu Zaidi ni Mutawala katika ufalme wa wanadamu na kama anaupatia mutu yeyote mwenye anataka.’”+
33 Wakati uleule neno likatimia juu ya Nebukadneza. Akafukuzwa mbali na wanadamu, na akaanza kula majani kama vile ngombe-dume, na mwili wake ukalowanishwa na umande wa mbinguni, mupaka nywele zake zikakuwa za murefu kama vile manyoya ya tai na makucha yake yakakuwa kama makucha ya ndege.+
34 “Kwenye mwisho wa wakati huo+ mimi, Nebukadneza, niliangalia juu mbinguni, na uelewaji wangu ukanirudilia; na nikamusifu Mwenye Kuwa Juu Zaidi, na nikatoa sifa na utukufu kwa Ule mwenye anaishi milele, kwa sababu utawala wake ni utawala wa milele na ufalme wake ni wa kizazi kwa kizazi.+
35 Wakaaji wote wa dunia wanaonwa kuwa bure, na anafanya kulingana na mapenzi yake mwenyewe kati ya jeshi la mbinguni na wakaaji wa dunia. Na hakuna mutu yeyote mwenye anaweza kumuzuia*+ wala kumuambia, ‘Umefanya nini?’+
36 “Wakati huo uelewaji wangu ukanirudilia, na utukufu wa ufalme wangu, mamlaka yangu, na uzuri wangu vikanirudilia.+ Maofisa wangu wakubwa na watu wangu wenye vyeo walinitafuta kwa bidii, na nikarudishwa kwenye ufalme wangu, na nikaongezewa ukubwa hata zaidi.
37 “Sasa mimi, Nebukadneza, ninamusifu na kumuinua na kumutukuza Mufalme wa mbinguni,+ kwa sababu kazi zake zote ni za kweli na njia zake ni za haki,+ na kwa sababu anaweza kunyenyekeza wale wenye kutembea kwa kiburi.”+
Maelezo ya Chini
^ Ni kusema, kikundi cha watu wenye kuwa na ufundi katika uaguzi na elimu ya nyota.
^ Tnn., “kila mwili ulikuwa unapata.”
^ Ao “kuchunguza mukono wake.”
