Cha Pili cha Wafalme 3:1-27
3 Yehoramu+ mwana wa Ahabu akakuwa mufalme juu ya Israeli katika Samaria katika mwaka wa kumi na munane (18) wa utawala wa Mufalme Yehoshafati wa Yuda, na alitawala kwa miaka kumi na mbili (12).
2 Aliendelea kufanya mambo ya mubaya mbele ya macho ya Yehova, lakini hapana kwa kadiri yenye baba yake ao mama yake walitenda, kwa maana alitosha nguzo takatifu ya Baali yenye baba yake alikuwa ametengeneza.+
3 Hata hivyo, alishikamana na zambi zenye Yeroboamu mwana wa Nebati alikuwa amefanya Israeli watende.+ Hakuziacha.
4 Sasa Mesha mufalme wa Moabu alikuwa mufugaji wa kondoo, na alikuwa analipa wana-kondoo elfu mia moja (100 000) na kondoo-dume elfu mia moja wenye hawajakatwa manyoya kama ushuru kwa mufalme wa Israeli.
5 Wakati tu Ahabu alikufa,+ mufalme wa Moabu akamuasi mufalme wa Israeli.+
6 Basi Mufalme Yehoramu akatoka Samaria siku hiyo na akakusanya Israeli wote.
7 Akatuma pia ujumbe kwa Mufalme Yehoshafati wa Yuda, kwa kusema: “Mufalme wa Moabu ameniasi. Je, utaenda pamoja na mimi ili kupigana vita na Moabu?” Halafu akasema: “Nitaenda.+ Mimi ni kama wewe. Watu wangu ni kama watu wako. Farasi zangu ni kama farasi zako.”+
8 Kisha akauliza: “Tupande kupitia njia gani?” Akajibu: “Kupitia njia ya jangwa la Edomu.”
9 Basi mufalme wa Israeli akatoka pamoja na mufalme wa Yuda na mufalme wa Edomu.+ Kisha wao kuzunguka kwa siku saba (7), hapakukuwa maji kwa ajili ya kambi na kwa ajili ya wanyama wa kufugwa wenye walikuwa wanawafuata nyuma.
10 Mufalme wa Israeli akasema: “Inasikitisha sana! Yehova ameita hawa wafalme watatu (3) ili tu awatie katika mukono wa Moabu!”
11 Halafu Yehoshafati akasema: “Je, hakuna nabii wa Yehova hapa mwenye tunaweza kumuuliza Yehova kupitia yeye?+ Basi mumoja wa watumishi wa mufalme wa Israeli akajibu: “Kuko Elisha+ mwana wa Shafati, mwenye alikuwa anamwanga maji kwenye mikono ya Eliya.”*+
12 Kisha Yehoshafati akasema: “Neno la Yehova liko pamoja naye.” Basi mufalme wa Israeli na pia Yehoshafati na mufalme wa Edomu wakashuka kuenda kwake.
13 Elisha akamuambia mufalme wa Israeli: “Niko na shida gani na wewe?*+ Uende kwa manabii wa baba yako na kwa manabii wa mama yako.”+ Lakini mufalme wa Israeli akamuambia: “Hapana, kwa maana ni Yehova ndiye aliita hawa wafalme watatu (3) ili awatie katika mukono wa Moabu.”
14 Halafu Elisha akasema: “Kama vile hakika Yehova wa majeshi mwenye ninatumikia* anaishi, kama singekuwa ninamuheshimia Mufalme Yehoshafati+ wa Yuda, singekuangalia ao kukukazia uangalifu.+
15 Sasa muniletee mupiga-kinubi.”*+ Wakati tu ule mupiga-kinubi alianza kupiga kinubi, mukono wa Yehova ukakuja juu yake.+
16 Akasema, “Yehova anasema hivi: ‘Muchimbe mifereji katika bonde hili,
17 kwa maana Yehova anasema hivi: “Hamutaona upepo, na hamutaona mvua; hata hivyo bonde hili litajaa maji,+ na mutakunywa maji yake, ninyi, mifugo yenu, na wanyama wenu wengine.”’
18 Lakini hili ni jambo la kidogo mbele ya macho ya Yehova,+ kwa maana atatia pia Moabu katika mukono wenu.+
19 Munapaswa kuangusha kila muji wenye ngome+ na kila muji muzuri, munapaswa kukata kila muti muzuri, munapaswa kufunga chemchemi zote za maji, na munapaswa kuharibu kila shamba la muzuri kwa majiwe.”+
20 Na asubui, wakati toleo la nafaka la asubui linatolewa,+ kwa kushitukia maji yalikuwa yanakuja kutoka upande wa Edomu, na inchi ikajaa maji.
21 Wamoabu wote wakasikia kwamba wafalme hao walikuwa wamepanda kupigana nao, basi wakaita pamoja wanaume wote wenye wangeweza kubeba silaha,* na wakasimama wenyewe kwenye mupaka.
22 Wakati waliamuka asubui sana, jua lilikuwa linaangaza juu ya maji, na kwa Wamoabu wenye walikuwa kwenye upande mwingine, maji yalionekana mekundu kama damu.
23 Wakasema: “Hii ni damu! Hakika wafalme wamechinjana kwa upanga. Basi, Ee Moabu, muende kuchukua vitu vyao!”+
24 Wakati walikuja katika kambi ya Israeli, Waisraeli wakasimama na kuanza kupiga na kuua Wamoabu, na wakawakimbia.+ Wakaingia katika Moabu, wakipiga na kuua Wamoabu wakati walikuwa wanaenda.
25 Wakabomoa miji, na kila mutu akatupa jiwe katika kila shamba la muzuri, na kulijaza majiwe; wakafunga kila chemchemi ya maji,+ na wakakata kila muti muzuri.+ Mwishowe kuta za majiwe za muji wa Kir-hareseti+ ndizo tu zilibakia zenye kusimama, na wapiga-kombeo wakauzunguka na kuupiga na kuuangusha chini.
26 Wakati mufalme wa Moabu aliona kwamba ameshindwa pigano, akachukua pamoja naye wanaume mia saba (700) wenye kubeba panga ili wapite na kuingia kwa mufalme wa Edomu;+ lakini hawakuweza.
27 Basi akamuchukua mwana wake muzaliwa wa kwanza mwenye angetawala pa nafasi yake na akamutoa kuwa zabihu ya kuteketezwa+ juu ya ukuta. Na kukakuwa kasirani kali juu ya Israeli, kwa hiyo wakaacha kumushambulia na wakarudia katika inchi yao.
Maelezo ya Chini
^ Ao “mwenye alikuwa mutumishi wa Eliya.”
^ Tnn., “Nini kwangu na kwako?”
^ Tnn., “mwenye ninasimama mbele yake.”
^ Ao “mupiga-muziki.”
^ Ao “wote wenye walijifunga mukaba.”
