Hapana, dini zote haziko sawa. Mu Biblia muko mifano ya mingi ya dini zenye Mungu hakubali. Tunaweza kuzitia mu vikundi mbili.

Kikundi ya kwanza: Dini zenye zinaabudu miungu ya uongo

 Biblia inaita ibada ya miungu ya uongo kuwa “udanganyifu,” “yenye haina mafaa,” na “yenye haina faida yoyote.” (Yeremia 10:3-5; 16:19, 20) Yehova * Mungu alipatiaka Waisraeli wa zamani hii amri: “Haupaswe kuwa na miungu mingine isipokuwa mimi.” (Kutoka 20:3, 23; 23:24) Wakati Waisraeli waliabudu miungu ingine, “kasirani ya Yehova ikawaka juu” yao.​—Hesabu 25:3; Mambo ya Walawi 20:2; Waamuzi 2:13, 14.

 Hata leo, Yehova anakasirikaka wakati watu wanaabudu “wale wenye wanaitwa miungu.” (1 Wakorinto 8:5, 6; Wagalatia 4:8) Anapenda wale wenye kumuabudu waache kufanya urafiki na wale wenye kuwa mu dini ya uongo, anawaambia hivi: “Mutoke katikati yao na mujitenge.” (2 Wakorinto 6:14-​17) Kama dini zote ziko sawa na zote zinapeleka watu kwa Mungu, unawaza Mungu angeambia vile watu wenye wanapenda kumuabudu?

Kikundi ya pili: Dini zenye zinaabudu Mungu wa kweli mu njia yenye hakubali

 Wakati fulani, Waisraeli walikuwa wanamuabudu Mungu kwa kufanya mambo yenye dini za uongo zilikuwa zinafanya ili kuabudu miungu yao. Lakini Yehova hakupenda watu wake wachange ibada ya kweli na ibada ya uongo. (Kutoka 32:8; Kumbukumbu la Torati 12:2-4) Yesu alihukumu viongozi wa dini wa wakati wake juu ya namna walikuwa wanamuabudu Mungu. Walikuwa wanajionyesha sawa vile wanamupenda Mungu sana, lakini walikuwa wanafiki na walikuwa ‘wamepuuza mambo mazito zaidi ya Sheria, ni kusema, haki, rehema, na uaminifu.’​—Matayo 23:23.

 Leo, dini tu yenye inafundishaka watu kweli, njo inapelekaka watu kwa Mungu. Ile mafundisho ya kweli inapatikana mu Biblia. (Yohana 4:24; 17:17; 2 Timoteo 3:16, 17) Dini zenye zinafundisha mambo yenye inapingana na Biblia, zinapeleka watu mbali na Mungu. Mafundisho mingi yenye watu wanawazaka kama inatoka mu Biblia sawa vile fundisho ya utatu, kutokufa kwa nafsi, na moto wa mateso, ilianzishwa njo na watu wenye walikuwa naabudu miungu ya uongo. Dini zenye zinafundisha ile mafundisho ni “za bure,” ao hazina faida yoyote, juu zinafundisha mawazo ya wanadamu pa nafasi ya kanuni za Mungu.​—Marko 7:7, 8.

 Mungu anachukia unafiki wenye unapatikana mu dini za uongo. (Tito 1:16) Dini ya kweli inapaswa kusaidia watu wamukaribie Mungu, haipaswe tu kuwafundisha kufuata desturi fulani. Lakini inapaswa kuwasaidia wafuate kanuni za Mungu mu maisha yao ya kila siku. Kwa mufano, Biblia inasema hivi: “Kama mutu yeyote anawaza yeye ni mutu wa dini lakini hazuie kabisa ulimi wake, anadanganya moyo wake mwenyewe, na ibada yake ni ya bure. Dini yenye kuwa safi na yenye haina uchafu kwa maoni ya Mungu wetu na Baba ni hii: kuhangaikia mayatima na wajane katika taabu yao, na kuendelea kubakia bila doa kutokana na ulimwengu.”​—Yakobo 1:26, 27; maelezo ya chini.